Yos 3
3
Aisalaeli akomboka Lusulo lwa Yolodani
1Kundaŵi kwakwe Yoswa ni ŵandu wosope ŵa ku Isalaeli ŵajimwice kundaŵindaŵipe, ŵatyosile ku Shitimu, ni ŵajile ku Lusulo lwa Yolodani kuŵatemi pa cigono cine kwembeceya komboka lusulolo. 2Gali gapite masiku gatatu, ŵakulongolela ŵajawile mkati mwa cigono 3ni ŵasalile ŵanduwo kuti, “Pitiŵawone ŵakutaga mbopesi ali anyakwile Libokosi lya Cilanga ca AMBUJE* Mlungu jwenu, mtyoce ku cigono cenu kuno ni kwakuya jemanjajo. 4Jemanja nginimyiceje akuno ni kala kose myoyo jemanjajo tacimlosya litala lyakupitila. Nambo mkasiŵandicila Libokosi lya Cilanga, mjimeje pakutalicila ciŵandika mkuli wa kilomita jimo panyuma pa Libokosilyo.”
5Yoswa ŵasalile ŵanduwo kuti, “Mliswejesye mwacimsyene; pakuŵa AMBUJE tacitenda yakusimonjesya pasikati penu!” 6Kaneko Yoswa ŵasalile ŵakutaga mbopesi kuti ajigale Libokosi lya Cilanga nipo alongolele nalyo pasogolo pa ŵandu. Ŵalijigele ni kwalongolela nalyo ŵanduwo.
7Kaneko AMBUJE ŵamsalile Yoswa kuti, “Yitindende lelo tiyicatendesya ŵandu wosope ŵa ku Isalaeli kutanda kumcimbicisya m'mwejo mpela mundu jwamkulungwa, nipo tacimanyilila kuti Une ndili ni m'mwejo mpela munaŵelele ni Mose.* 8Ŵasalile ŵakutaga mbopesi ŵiŵanyakwile Libokosi lya Cilanga kuti, pitayice pa Yolodanipo aliŵate m'mesimo, ajende panandi nipo ajime.” 9Nipo Yoswa ŵatite kwa ŵandu ŵa ku Isalaeli, “Myice akuno nipo mpikane maloŵe ga AMBUJE Mlungu jwenu.” 10Yoswa ŵatite, “Apano ni pitimcimanyilila jemanja kuti Mlungu jwa cijumi ali pa sikati penu, nipo kuti mwangalepela tacatoposya Akenani, Ahiti, Ahifi, Apelesi, Agiligashi, Aamoli, ni Ayebusi. 11Mlole, Libokosi lya Cilanga ca AMBUJE ŵa cilambo cosope capasi pitilijomboceje Lusulo lwa Yolodani pasogolo penu. 12Sambano msagule acalume likumi ni ŵaŵili jumo kutyocela ku lukosyo lulilose mwa ngosyo sya ku Isalaeli. 13Sajo sya ŵakutaga mbopesi ŵakunyakula Libokosi lya Cilanga ca AMBUJE ŵa cilambo cosopeci, pitisiciliŵata mesi ga mu lusolo lwa Yolodani mesigo tigacileka kwenda, nipo mesi gakutyocela kumkuli kwa lusulolo tigaciwungana pa liwunjili limo.”
14-15Jaliji ndaŵi jagowola, nipo Lusulo lwa Yolodani lwagumbele lisi ni lisi mu jele ndaŵiji.
Piŵatyokaga ŵandu ku cigono kuja kukomboka Lusulo lwa Yolodani, ŵakutaga mbopesi ŵala ŵalongolele ali anyakwile Libokosi lya Cilanga. Ŵakutaga mbopesiwo piŵagambile kuliŵata m'mesimo, 16mesigo galesile kwenda nipo gawungene liwunjili ca pamkuli pakwe pa lusulolo pa msinda wa Adamu wawuli pambali pa Saletani, nipo mesi gakwiŵanda gajawulaga ku Nyasa ja Njete ja Alaba gakatice gosope nipo ŵandu ŵapakombwele kombocela lisi line ciŵandika ni ku Yeliko. 17Ŵandu piŵajendaga kombokanya pa malo pejumu, ŵakutaga mbopesi ŵakunyakula Libokosi lya Cilanga ca AMBUJE ŵala ŵajimi pa malo pejumu katikati ja Yolodani mpaka mtundu wosope wene wamasile komboka.
Currently Selected:
Yos 3: YAWO
Highlight
Copy
Compare
Share
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014
Yos 3
3
Aisalaeli akomboka Lusulo lwa Yolodani
1Kundaŵi kwakwe Yoswa ni ŵandu wosope ŵa ku Isalaeli ŵajimwice kundaŵindaŵipe, ŵatyosile ku Shitimu, ni ŵajile ku Lusulo lwa Yolodani kuŵatemi pa cigono cine kwembeceya komboka lusulolo. 2Gali gapite masiku gatatu, ŵakulongolela ŵajawile mkati mwa cigono 3ni ŵasalile ŵanduwo kuti, “Pitiŵawone ŵakutaga mbopesi ali anyakwile Libokosi lya Cilanga ca AMBUJE* Mlungu jwenu, mtyoce ku cigono cenu kuno ni kwakuya jemanjajo. 4Jemanja nginimyiceje akuno ni kala kose myoyo jemanjajo tacimlosya litala lyakupitila. Nambo mkasiŵandicila Libokosi lya Cilanga, mjimeje pakutalicila ciŵandika mkuli wa kilomita jimo panyuma pa Libokosilyo.”
5Yoswa ŵasalile ŵanduwo kuti, “Mliswejesye mwacimsyene; pakuŵa AMBUJE tacitenda yakusimonjesya pasikati penu!” 6Kaneko Yoswa ŵasalile ŵakutaga mbopesi kuti ajigale Libokosi lya Cilanga nipo alongolele nalyo pasogolo pa ŵandu. Ŵalijigele ni kwalongolela nalyo ŵanduwo.
7Kaneko AMBUJE ŵamsalile Yoswa kuti, “Yitindende lelo tiyicatendesya ŵandu wosope ŵa ku Isalaeli kutanda kumcimbicisya m'mwejo mpela mundu jwamkulungwa, nipo tacimanyilila kuti Une ndili ni m'mwejo mpela munaŵelele ni Mose.* 8Ŵasalile ŵakutaga mbopesi ŵiŵanyakwile Libokosi lya Cilanga kuti, pitayice pa Yolodanipo aliŵate m'mesimo, ajende panandi nipo ajime.” 9Nipo Yoswa ŵatite kwa ŵandu ŵa ku Isalaeli, “Myice akuno nipo mpikane maloŵe ga AMBUJE Mlungu jwenu.” 10Yoswa ŵatite, “Apano ni pitimcimanyilila jemanja kuti Mlungu jwa cijumi ali pa sikati penu, nipo kuti mwangalepela tacatoposya Akenani, Ahiti, Ahifi, Apelesi, Agiligashi, Aamoli, ni Ayebusi. 11Mlole, Libokosi lya Cilanga ca AMBUJE ŵa cilambo cosope capasi pitilijomboceje Lusulo lwa Yolodani pasogolo penu. 12Sambano msagule acalume likumi ni ŵaŵili jumo kutyocela ku lukosyo lulilose mwa ngosyo sya ku Isalaeli. 13Sajo sya ŵakutaga mbopesi ŵakunyakula Libokosi lya Cilanga ca AMBUJE ŵa cilambo cosopeci, pitisiciliŵata mesi ga mu lusolo lwa Yolodani mesigo tigacileka kwenda, nipo mesi gakutyocela kumkuli kwa lusulolo tigaciwungana pa liwunjili limo.”
14-15Jaliji ndaŵi jagowola, nipo Lusulo lwa Yolodani lwagumbele lisi ni lisi mu jele ndaŵiji.
Piŵatyokaga ŵandu ku cigono kuja kukomboka Lusulo lwa Yolodani, ŵakutaga mbopesi ŵala ŵalongolele ali anyakwile Libokosi lya Cilanga. Ŵakutaga mbopesiwo piŵagambile kuliŵata m'mesimo, 16mesigo galesile kwenda nipo gawungene liwunjili ca pamkuli pakwe pa lusulolo pa msinda wa Adamu wawuli pambali pa Saletani, nipo mesi gakwiŵanda gajawulaga ku Nyasa ja Njete ja Alaba gakatice gosope nipo ŵandu ŵapakombwele kombocela lisi line ciŵandika ni ku Yeliko. 17Ŵandu piŵajendaga kombokanya pa malo pejumu, ŵakutaga mbopesi ŵakunyakula Libokosi lya Cilanga ca AMBUJE ŵala ŵajimi pa malo pejumu katikati ja Yolodani mpaka mtundu wosope wene wamasile komboka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014