Ruusi 1
1
Elimeleki na Naomi okushuhuukira Moabu
1 #
Bar 2:16; Kut 12:10; 26:1; 1 Bag 18:2; 2 Bag 8:1. Omu biro by'okutegyeka kw'abaramuzi, hakabaho enjara omu nsi. Omushaija wa Betelehemu-Yuda yaashuhuukira omu nsi ya Moabu, we n'omukazi we n'abatabani bombi. 2Ogwo mushaija akaba naayetwa Elimeleki, n'omukazi we naayetwa Naomi, n'amaziina g'abatabani gakaba gari Mahalooni na Kilioni; bakaba bari aba Efuraata, aba Betelehemu-Yuda. Ku baahikire omu nsi ya Moabu, baatuurayo. 3Bwanyima Elimeleki iba wa Naomi yaafa; Naomi yaatsigara n'abatabani bombi. 4Baashwera Abamoabukazi, omwe akaba naayetwa Orupa, n'ondi Ruusi; baamarayo emyaka nka ikumi. 5Bwanyima Mahalooni na Kilioni bombi baafa; Naomi ogwo yaafeerwa iba n'abatabani bombi.
Ruusi okwanga kutaana na nyinazaara
6 #
Kur 4:31; Zef 2:7; Luk 1:68; 7:16; Kut 28:20; Zab 104:14, 16. Bwanyima yaimuka n'abakaamwana kugarukayo naaruga omu nsi ya Moabu; ahakuba akaba yaahuririire omu nsi ya Moabu, ku MUKAMA ataayaayiire abantu be, akabaha eby'okurya. 7Yaaruga ahu yaabaire ari hamwe n'abakaamwana bombi, baakwata omuhanda kugaruka omu nsi ya Yuda. 8Naomi yaagira abakaamwana ati: Mwirooko, buri omwe agarukye omu nju ya nyina. MUKAMA abakorere eby'embabazi, nk'oku mwabinkoreire na baanyakufa. 9#Rus 3:1. MUKAMA abahe obuhuumure, buri omwe omu ka ya iba. Yaabanywegyera, baimutsya amaraka, baarira. 10Baamugarukamu bati: Ngaaha, kureka nitwija kugarukayo naiwe omu bantu b'owaanyu. 11#Kut 38:11; Bir 25:5. Naomi yaabagira ati: Baana bangye, mugarukyeyo; nimwendera ki kugyenda naanye? Nimugira ngu nkiine abandi baana omunda, ngu nyentsya babe abashaija baanyu? 12Baana bangye, mwegyendere, mugarukyeyo, ahakuba nkuzire, tinkiri w'okushwerwa. Nangwa n'obu naakugira nti, nyine amatsiko, nari n'obu naakushwerwa omushaija eki kiro, naazaara abaana b'aboojo, 13#Yob 19:21; Zab 32:4. ebyo mukaabategyereza, okuhitsya ahu barikurira? Haza ekyo kibazibira kushwerwa? Ngaaha, baana bangye; ninshaasha munonga ahabwanyu, ahakuba MUKAMA abangire omukono gwe kundwanisa. 14#Bir 4:4; Enf 18:24; Yoh 6:66-69; Heb 10:39. Baagaruka baimutsya amaraka gaabo, baarira. Orupa yaanywegyera nyinazaara, kwonka Ruusi we yaamubaho akaramata.
15 #
Yos 24:15-21. Naomi yaamugira ati: Reeba, muka baro yaagaruka omuri beene waabo, n'ahari ruhanga we; naiwe garukayo, okurate muka baro. 16Ruusi yaamugarukamu ati: Reka kuunyeshengyereza kukutsigaho, n'obu kwakuba okugarukayo, ngu ndekye kukukuratira; ahakuba ahu oriza hoona, naanye niho ndiza; ahu oriraara, naanye niho ndiraara; abantu baawe nibo bariba abantu bangye, kandi Ruhanga waawe niwe ariba Ruhanga wangye. 17Ahu origwa, naanye niho ndigwa, kandi niho ndiziikwa. Ku harigira ekyantaanisa naiwe, kitari rufu, MUKAMA akinture n'okukiraho. 18Naomi ku yaareebire amaririire kimwe kugyenda nawe, yaarekyera aho kumugambira.
19 #
Mat 21:10; Tonz 2:15. Batyo baagumizamu bombi okuhitsya obu baahikire Betelehemu. Ku baahikireyo, ab'omu rurembo boona baajagarara ahabwabo, abakazi baabuuzana bati: Beitu ogu ni Naomi? 20Yaabagarukamu ati: Murekye kuunyeta #1:20 Naomi, amakuru ngu Orikukundwa. Naomi, kureka muunyete #1:20 Maara, amakuru ngu Obushaarizi. Maara; ahabw'okuba Ow'obushoboorozi bwona akankorera ebirikushaarira munonga. 21#1 Sam 2:7, 8; Yob 1:21. Nkaruga kunu nyijwire, mbwenu MUKAMA yangarura ntaine kantu. Nimuunyetera ki Naomi, haza nimureeba oku MUKAMA ambonaboneise, kandi Ow'obushoboorozi bwona oku angwisiize akagwe.
22Okwo nikwo Naomi yaagarukire na Ruusi Omumoabukazi omukaamwana, nibaruga omu nsi ya Moabu. Baahika Betelehemu omu itogyera rya sayiri.
Currently Selected:
Ruusi 1: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964