Okushuuruurirwa 4
4
Yohaana okworekwa ekitebe ky'obukama bwa Ruhanga
1 #
Kur 19:16. Bwanyima y'ebyo, ku naimukize amaisho, naareeba orwigi rwigwire omu iguru, kandi naahurira eiraka eri naabandize kuhurira nk'ery'enzamba, nirigira riti: Inamuka oije kunu, nkworekye ebishemereire kubaho bwanyima. 2#Isa 6:1. Ahonaaho naashanga ndi omu Mwoyo, naareeba ekitebe ky'obukama kitairwe omu iguru, naareeba n'Owaabaire akishutamiho; 3#Ezk 1:26-28. kandi Ogwo owaabaire ashutami akaba naashusha nk'eibaare rya #4:3 yasipi na sarudi na simaragido na kristalo n'amabaare ag'obuguzi bwingi. yasipi n'erya sarudi, kandi ekyo kitebe ky'obukama kikaba kyehinguririziibwe omuhanganzima, ogwabaire nigushusha simaragido. 4Kandi kikaba kyehinguririziibwe ebindi bitebe makumi abiri na bina; aha bitebe ebyo hakaba hashutamiho abakuru makumi abiri na bana, bajwaire ebijwaro birikwera n'ebirunga by'ezaabu aha mitwe yaabo. 5#Kur 19:16; Zek 4:2. Ahansi y'ekyo kitebe ky'obukama haarugaho emirabyo n'amaraka n'okuhinda kw'enkuba; kandi omu maisho gaakyo haayakamu amatabaaza g'omuriro mushanju, niyo myoyo mushanju eya Ruhanga; 6kandi omu maisho g'ekyo kitebe hakaba hariho ekirikushusha nk'enyanja y'endeeberwamu, erikushusha kristalo.
Okwehinguririza ekyo kitebe embanju zoona, hakaba hariho ebihangirwe ebiine amagara bina, ebiijwire amaisho omumaisho n'enyima. 7#Ezk 10:14. Ekihangirwe eky'okubanza kikaba nikishusha entare, ekya kabiri nikishusha enimi, ekya kashatu kikaba kiine ahamaisho aharikushusha ah'omuntu, n'ekya kana nikishusha empungu erikuguruka. 8#Isa 6:2, 3. Ebyo bihangirwe ebina buri kimwe kiine amapapa mukaaga, biijwire amaisho embaju zoona n'omunda; kandi nibyeshongora obutaremura nyomushana na nyekiro, biti:
Mukama Ruhanga ow'obushoboorozi bwona
Owaabaire ariho, oriho, kandi oribaho,
Niwe Arikwera, Arikwera, Arikwera.
9 #
Dan 6:26. Ebihangirwe ebyo ebiine amagara bikiha ekitiinisa Oshutami aha kitebe ky'obukama, kandi oriho ebiro n'ebiro, byamuhimbisa, kandi byamusiima, 10abakuru abo makumi abiri na bana bagwa ahansi, bajuumara omu maisho g'Ogwo oriho ebiro n'ebiro, kandi banaga ahansi ebirunga byabo omu maisho g'ekitebe ky'obukama, nibagira bati:
11Mukama Ruhanga waitu, oshemereire
Kuhimbisibwa n'okuheebwa ekitiinisa n'obushoboorozi,
Ahabw'okuba niiwe waahangire byona;
Ahabw'okukunda kwawe bikahangwa kandi byabaho.
Currently Selected:
Okushuuruurirwa 4: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
