Okushuuruurirwa 18

Okucwekyerezibwa kwa Babulooni

1 # Ezk 43:2. Bwanyima y'ebyo naareeba maraika ondiijo naashuuma okuruga omu iguru, aine obushoboorozi bwingi. Ensi yaajwerwa omushana gw'ekitiinisa kye. 2#Kush 14:8; Isa 21:9. Yaagamba n'eiraka rihango ati: Orurembo orukuru Babulooni rugwire, rugwire! Ruhindukire obutaaho bwa baadaimoni, n'obweshereko bw'emyoyo yoona emibi n'obw'amahungu goona amabi agarikunugwa; 3#Yer 51:7. ahakuba amahanga goona ganyweire viinyo y'okurigira okubi kw'orurembo orwo, n'abagabe b'eisni bashambaine narwo, kandi n'abashuubuzi b'ensi batungisiibwe ebintu byarwo n'okwegira gye kwarwo okurengyesereize. 4#Yer 51:6, 9, 45. Kandi naahurira eiraka erindi niriruga omu iguru nirigira riti: Mururugyemu, imwe bantu bangye 'mwe, mutakaakwatanisa narwo omu bibi byarwo, mukaheebwa ekifubiro ky'ebirikwija kurubonabonesa; 5#Kut 18:20, 21. ahakuba ebibi byarwo bituumire byahika ahaiguru munonga, kandi Ruhanga aijukire eby'okushiisha byarwo. 6#Zab 137:8; 2 Tes 1:6. Murugire, nk'oku rwagizire abandi; murwihure kabiri ahabw'ebi rwakozire; omu kikopo eki rwabaijuriizemu ebijwangire, murujwangizemu ebijwangire, murujwangizemu kabiri. 7#Yer 50:29; Isa 47:7, 8. Nk'oku rwayehimbiise, rukarengyesereza omu kwegira gye, mube nikwo mwarwihura okubonabona n'amaganya; ahakuba nirugira omu mutima gwarwo ruti: Nshutami nk'omugabekazi; tindi mufaakazi; tindigira maganya na kakye. 8#Yer 50:34. N'ahabw'ekyo ebibonaboneso ebyo biryarugwaho omu izooba rimwe, rufu n'amaganya n'enjara, rwokibwe n'omuriro; ahabw'okuba Mukama Ruhanga orikurucwera orubanja n'ow'amaani.

9 # Ezk 26:16. Abagabe b'ensi abaashambaine narwo n'abaakunire narwo, ku barireeba okucumbuuka kw'omwika gwarwo nirusya, baryarucurira, baruborogyere; 10baryayemerera hangahari ahabw'okutiina okubonabonesibwa kwarwo nibagira bati: Ai bambe! Ai bambe! Babulooni orurembo orukuru orw'amaani! Okucwerwa orubanja kwawe kwaizira omu shaaha emwe.

11Abashuubuzi b'ensi nibarira nibarucurira, ahabw'okuba tihakiriho b'okugura eby'obushuubuzi byabo, 12eby'ezaabu n'efeeza, amabaare ag'obuguzi bwingi n'eruuru, emyenda emirungi ya kitaani n'eya bujwa n'eya riiri n'erikutukura, ebiti eby'emigaju eby'emiringo yoona, ebintu by'emiino, n'ebintu byona ebibaizirwe omu mbaaho z'obuguzi bwingi, n'eby'emiringa n'eby'ebyoma, n'ebibaizirwe omu ibaare eririkwetwa #18:12 Maruburo, omu kishwahili ni marimari, n'eibaare ery'obuguzi bwingi eririkwengyengyeta, kandi eri bombekyesa. maruburo, 13#Ezk 27:13. omudarasiini n'ebinzaari n'omugaju na #18:13 Sumuruna n'omubazi ogurikutuubya obusaasi, ogujwangibwa omu majuta g'okushoroora, ogwomya emitumbi, n'ebindi. sumuruna n'obubaane, viinyo n'amajuta n'esaano y'obunono n'engano, ente n'entaama, embaraasi n'ebigaari, n'abahuuku, niyo mibiri y'abantu n'emyoyo yaabo.

14Ebyana ebi omutima gwawe gwayetengire bikurugireho, n'ebintu byona ebinuzire, n'ebirungi byawe, bikuhweireho; tibirigaruka kureebwa na kakye. 15Abashuubuzi b'ebintu ebyo, abu rwatungiise, baryayemerera hangahari ahabw'okutiina okubonabonesibwa kwarwo nibarira, nibaborooga, nibagira bati: 16#Kush 17:4. Ai bambe! Ai bambe! Orurembo orukuru orwabaire rujwara emyenda mirungi ya kitaani n'eya bujwa n'erikutukura, rwehunzire eby'ezaabu n'amabaare ag'obuguzi bwingi n'eruuru! 17#Ezk 27:27-29. Omu shaaha emwe obutungi obu bwona bwacwekyerezibwa. Bakama b'emeeri boona, n'abarikuzigyenderamu, abavugi baazo na boona abarikukora omu nyanja, baayemerera hangahari; 18baateera enduuru nibareeba omwika gw'okusya kwarwo, nibagira bati: Ebyo harabaireho orurembo orurikwingana n'orurembo oru orukuru! 19#Ezk 27:30-34. Baayeshuka omucuucu omu mitwe, nibarira nibaborooga, nibagira bati: Ai bambe! Ai bambe! orurembo orukuru, orwatungiise boona abaabaire baine emeeri aha nyanja! Omu shaaha emwe rwacwekyerezibwa. 20#Bir 32:43. Nurwehimbisizeho, iwe eiguru, naimwe abarikwera n'entumwa na baanabi, ahakuba Ruhanga arucwereire orubanja ahabwanyu.

21 # Yer 51:63, 64. Bwanyima maraika ow'amaani yaiha ahansi eibaare eririkwingana n'orubengo ruhango, yaarirekyera omu nyanja, naagira ati: Oku nikwo orurembo orukuru Babulooni rurinagwa aha nsi n'amaani maingi, kandi tirurireebwa bundi. 22#Ezk 26:13. Amaraka g'abateezi b'enanga n'abeeshongozi, n'ag'abateezi b'esheegu n'enzamba, tigarigaruka kuhurirwa bundi omuriiwe; n'emengo tizirigaruka kuhurirwa obundi omuriiwe; 23#Yer 25:10. omuriiwe tiharyakiramu tabaaza obundi; kandi eiraka rya kishwera n'erya kishwerwa tigarigaruka kuhurirwa omuriiwe, ahakuba abashuubuzi baawe bakaba bari bakuru omu nsi, kandi oburogo bwawe bukagobeza amahanga goona. 24#Mat 23:35. N'eshagama ya baanabi n'abarikwera n'eya boona abaitsirwe omu nsi ekashangwa omuri orwo rurembo.

Currently Selected:

Okushuuruurirwa 18: RR64

Highlight

Copy

Compare