Zaaburi 99
99
Okusiima Ruhanga orikwera
1 #
Zab 80:1; 93:1; 96:9; Isa 24:19. MUKAMA ari aha ngoma; k'amahanga gateteme!
Ashutami ahagati ya baakerubi; k'ensi etengyete!
2 #
Zab 113:4; Isa 24:23. MUKAMA ni mukuru omuri Saayuuni;
Ari ahaiguru, naakira amahanga goona.
3 #
Bir 28:58; Yos 24:19; Isa 6:3. Ka bahimbise eiziina ryawe erikuru kandi eririkutiinisa;
Bati: N'Orikwera kandi Ow'amaani,
4 #
Bir 32:4; Isa 61:8; Yer 23:5. Omukama okunda eby'oburyo!
Niiwe otaho obwinganisa omu bantu;
Okacwa emanja z'oburyo n'okuhikiirira omuri Yakobo.
5 #
Zab 118:28; 132:7; 1 Bus 28:2; Kur 15:2; Isa 60:13. Muhimbise MUKAMA Ruhanga waitu;
Mumuramize omu maisho g'akatebe k'ebigyere bye,
Nimugira muti: N'Orikwera!
6 #
Kur 17:11; Lev 8:12; 1 Sam 7:9; Yer 15:1. Musa na Arooni bakaba bari omu banyamurwa be,
Na Samueli ari omu barikutakira eiziina rye.
Bakatakira MUKAMA, yaabagarukamu.
7 #
Kur 33:9; Kub 12:5. Akabagambira ari omu nyomyo y'ekicu,
Baayorobera ebi yaahamize n'ebiragiro ebi yaabateereireho.
8 #
Kur 32:35; Kub 14:20; 20:12; Bir 9:20. Ai MUKAMA Ruhanga waitu, okaba obagarukamu;
Okaba ori Ruhanga orikubasaasira,
N'obu oraabe waabahoire enzigu ahabw'ebibi ebi baakozire.
9 #
Zab 2:6. Muhe MUKAMA Ruhanga waitu ekitiinisa,
Mumuramize aha kibungo kye ekirikwera.
Ahakuba MUKAMA Ruhanga waitu n'Orikwera.
Currently Selected:
Zaaburi 99: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
