Zaaburi 94
94
Okushaba Ruhanga okuhoora enkozi z'ebibi enzigu
1 #
Bir 32:35; Isa 35:4; Rom 12:19. Ai MUKAMA, Ruhanga omuhoozi w'enzigu,
Iwe Ruhanga omuhoozi w'enzigu, jwisa omushana gwawe!
2 #
Zab 7:6; 58:11. Imuka, Iwe ocwera ensi emanja,
Ozimuurire ab'amaryo ebibashemereire.
3 #
Yob 20:5; Kush 6:10. MUKAMA, ababi baryahitsya hi,
Baryahitsya hi okwehimbisa?
4 #
1 Sam 2:3; Yud 15. Batungikirana ebigambo byabo by'amaryo;
Enkozi z'ebibi zoona zeehimbisa.
5 #
Isa 3:15. Baita kubi abantu baawe, ai MUKAMA,
Kandi babonabonesa obuhunguzi bwawe.
6 #
Isa 10:2. Baita omufaakazi n'omunyaihanga,
Bahotora efuuzi;
7 #
Yob 22:13. Haza bagira ngu: MUKAMA tarikukireeba,
Ruhanga wa Yakobo tarikukyetaho.
8Imwe bitsire by'omu bantu 'mwe, nimuteekateekye;
Imwe bashema 'mwe, muryagira ryari obwengye?
9 #
Kur 4:11; Enf 20:12. Owaataireho okutu tarihurira?
Owaahangire eriisho tarireeba?
10 #
Yob 35:11; Isa 28:26. Ohana amahanga tarihana,
Kandi ari oyegyesa abantu obwengye?
11 #
1 Kor 3:20. MUKAMA amanya ebiteekateeko by'abantu,
Ku biri nk'omwitsyo kwonka.
12 #
Yob 5:17; Enf 3:11, 12. Ai MUKAMA, aine omugisha omuntu ou ohana,
Okamwegyesa eby'omu Biragiro byawe,
13 #
Yob 34:29. Ngu omuhuumuze, arekye kureeba enaku,
Okuhitsya obu ababi baririmirwa ekiina.
14 #
Bir 32:9; 1 Sam 12:22; 1 Bag 6:13; Yer 31:37; Rom 11:2. Ahakuba MUKAMA tarinaga bantu be,
N'obu kwakuba okutsigaho obuhunguzi bwe;
15 #
1 Bag 14:8. Ahakuba emanja ziryagaruka zicuubwe omu kuhikiirira,
Kandi boona abaine emitima egororokire baryakukuratira.
16N'oha oriimuka akandwanisiza ababi?
N'oha oryemerera akandwanira n'enkozi z'ebibi?
17 #
Zab 124:1, 2. Kuri MUKAMA atarabaire Muhwezi wangye,
Amagara gangye gakaarahukire kutuura omu nsi etagira kateezo.
18Ku naagizire nti: Mpwera, naaterera,
Embabazi zaawe, MUKAMA, zandamira.
19Ku nteekateeka bingi, naayemereza omutima,
Okuhuumuriza kwawe kugwisa gye amagara gangye.
20 #
Isa 10:1; 2 Kor 6:14. Abategyeki babi nibabaasa kukwatanisa naiwe,
Abakora eby'eitima nibeekwatsa ebiragiro?
21 #
Enf 17:15; Mat 27:4. Beeteerana kurwanisa amagara g'ohikiriire,
Bacwera otaine kabi orubanja rw'okufa.
22 #
Zab 9:9; 14:6; 18:2. Kwonka MUKAMA ambeereire orugo rugumire,
Kandi Ruhanga wangye yaaba orukiri rwangye rw'okuhungiramu.
23 #
Zab 7:16. Aryabagaruraho okutahikiirira kwabo,
Abamarireho kimwe ahabw'obubi bwabo;
MUKAMA Ruhanga waitu aryabamariraho kimwe.
Currently Selected:
Zaaburi 94: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
