Zaaburi 92
92
Okusiima Ruhanga ahabw'omugisha ogu aha abantu be
Zaaburi ey'okweshongora ahari Sabato
1 #
Zab 147:1; Kut 14:19, 20. Ni kirungi okusiima MUKAMA,
N'okweshongora eby'okhimbisa eiziina ryawe, iwe Rukira-boona,
2 #
Zab 36:5; 119:147, 148. Okumanyisa embabazi zaawe omu kasheeshe,
N'okwesigwa kwawe buri kiro,
3 #
Zab 33:2. Ninteera omukuri n'endingiri
omu iraka eririkugyendera hamwe n'enanga.
4 #
Zab 8:6. Ahakuba Iwe MUKAMA, okangwisa gye n'omurimo gwawe,
Ndyayeshongora, nshemerererwe ebi emikono yaawe yaakozire.
5 #
Zab 111:2; 139:17; Rom 11:33; Kush 15:3. Ai MUKAMA, emirimo yaawe ka ni mikuru!
Ebiteekateeko byawe ka biri hare!
6 #
Zab 94:8. Ekitsire tikirikukimanya,
N'omushema tarikukyetegyereza;
7 #
Zab 94:4; Yob 21:7; Yer 12:1. Ababi n'obu bamera nk'obunyaatsi,
N'enkozi z'ebibi zikagogyera,
Kwonka n'ab'okuhwerekyerera ebiro byona.
8 #
Zab 93:4. Kwonka Iwe MUKAMA, ori ow'ekitiinisa ebiro byona.
9 #
Zab 68:1. Ahakuba reeba abazigu baawe, ai MUKAMA!
Ahakuba reeba, abazigu baawe baryahwerekyerera,
N'enkozi z'ebibi ziryataataanisibwa.
10 #
Zab 23:5; 75:10; 1 Sam 2:1. Kwonka otungwire eihembe ryangye nk'ery'embogo,
Wanshukaho amajuta masya.
11 #
Zab 54:7. Amaisho gangye gareebire eki ndikwetengyera abazigu bangye;
N'amatu gangye gaahurira eki ndikwetengyera enkozi z'ebibi eziimukire kundwanisa.
12 #
Zab 52:8; 72:7; Hos 14:5, 6. Abahikiriire nibabengyeya nk'omukindo,
Nibakura nk'omwereezi gwa Lebanooni.
13 #
Zab 135:2. Abo ababyairwe omu nju ya MUKAMA
Baryagogyerera omu bikaari bya Ruhanga waitu.
14Baryaguma nibaana ebyana baakuzire,
Bagume baine amaizi nibabebyeya,
15 #
Zab 58:11; Bir 32:4; Rom 9:14. Kibone kworeka ku MUKAMA ari ow'amazima;
Ogwo niwe rukiri rwangye; kandi omuriwe tiharimu kutahikiirira.
Currently Selected:
Zaaburi 92: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
