Zaaburi 44
44
Okwijuka embabazi za Ruhanga eza ira oku kurikugumya omutima gw'omuntu ori omu busaasi
Aha Mukuru w'abeeshongozi. Ekyeshongoro kya Beene Koora, ekyagunzirwe n'obwengye
1 #
Zab 77:5; 78:3; Kur 10:2; 13:8, 14. Ai Ruhanga, tukeehurira n'amatu gaitu,
Baatatenkuriitwe baatugambira,
Ebi waakozire omu bunaku bwabo omu biro ebya ira;
2 #
Zab 80:8; Kur 15:17; Yos 3:10. Amahanga okagabingamu n'omukono gwawe,
Kwonka bo waabareeta, baatuuramu;
Okabonabonesa abanyamahanga,
Kwonka bo waababuzya omunsi.
3 #
Bir 10:15; Yos 24:12; Hos 1:7. Ahakuba rurara yaabo tiyo yaabakubwize ensi,
Kandi n'omukono gwabo tigwo gwabajunire;
Kureka omukono gwawe gwa buryo n'amaani gaawe,
N'omushana gw'amaisho gaawe;
Ahakuba okabeekundira.
4 #
Zab 74:12. Ruhanga wangye, niiwe MUKAMA wangye;
Ragiira Yakobo asingure.
5 #
Zab 60:12; Dan 8:4. Niiwe oritubaasisa kuteera ahansi abazigu baitu,
N'eiziina ryawe niryo rirituha amaani g'okuribatiirira abarikuturwanisa.
6 #
Zab 33:16; 1 Sam 17:47. Ahakuba tindyesiga buta bwangye,
Kandi na rurara yangye tiyo erinjuna.
7Kureka niiwe waatujunire ababisha baitu,
Okakwatsa enshoni abarikutwanga.
8 #
Zab 60:1, 10; 74:1; 108:11; 2 Sam 5:24. Tutuura nitwehimbisiza omuri Ruhanga;
Kandi turyasiima eiziina ryawe ebiro byona.
9 #
Zab 74:12. Kwonka mbwenu otunagire, waatuhemura,
Tokihurura na ngabo ziatu.
10 #
Lev 26:17; Yos 7:8, 12. Otureeteire okubingwa abazigu,
N'abarikutwanga batwenyagiire.
11 #
Bir 4:27; 28:64; 2 Bag 17:6; Zab 106:27; Ezk 20:23; Luk 21:24. Otuhaireyo nk'entaama z'okubaagwa,
Waatutaataanisiza omu mahanga.
12 #
Bar 2:14; 3:8; Isa 52:3. Abantu baawe obatunziremu busha,
Obuguzi bwabo tibwine ki bukwongyeireho.
13 #
Zab 79:4; 80:6. Otuhindwire ekijumo ahari bataahi baitu,
Ekirikugaywa kandi eky'okugaaniiza aha batwehinguririize.
14 #
Yer 24:9. Otugizire eky'okucweraho enfumu omu mahanga,
Abu abantu bazongoreza emitwe.
15Nsiiba n'ekihemu eizooba ryona,
N'enshoni zinshwekire ahamaisho,
16 #
Zab 8:2. Ahabw'ebigambo by'orikungaaniiza nanjuma,
N'ahabw'omuzigu n'orikumpoora.
17 #
Dan 9:13. Ebyo byona n'obu biraabe byatuhikireho,
Kwonka titurakwebirwe,
N'obu kwakuba okwita endagaano yaawe.
18 #
Zab 119:157. Emitima yaitu teragarukire nyima,
N'ebigyere byaitu bitirateishukire muhanda gwawe,
19Ebyakukureeteire okutuhendagurira omu maaya g'emishega,
N'okutushweka ekibunda ky'okufa.
20Kuri twayebirwe eiziina rya Ruhanga waitu,
Nari tukaimukiza baaruhanga abandi emikono yaitu,
21 #
Zab 139:1; 1 Sam 16:7; Yoh 2:25; Rom 2:16; Heb 4:13. Ekyo Ruhanga takukimanyire?
ahakuba amanya ebisherekirwe omu mitima.
22 #
Rom 8:36. Eego, ahabwawe nitwitwa eizooba ryona
Nituteekateekwaho nk'entaama z'okubaagwa.
23 #
Zab 7:6; 44:9. Sisiimuka, ai MUKAMA, ogwejegyeeziibwe ki?
Imuka, otatunagira kimwe!
24 #
Zab 119:25. Ahabw'enki otwehugize,
Okeebwa okubonabona n'okwitwa kubi kwaitu?
25 #
Zab 74:12. Ahakuba amagara gaitu gainami ahansi omu mucuucu,
N'emibiri yaitu ehikiire kimwe aha itaka.
26 #
Zab 25:22. Imuka otuhwere,
Otucungure ahabw'embabazi zaawe!
Currently Selected:
Zaaburi 44: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
