Zaaburi 42
42
EKITABO KYA KABIRI
Eiriho n'ekyaka by'omuntu orikukunda Ruhanga yaaba ayehweire amatsiko
Aha Mukuru w'abeeshongozi. Ekyeshongoro kya Beene Koora, ekyagunzirwe n'obwengye
1 #
Yoel 1:20. Nk'oku empara egira ekyaka neeyenda amaizi,
N'omutima gwangye nikwo gugira ekyaka ahabwawe, ai Ruhanga.
2 #
Zab 63:1; 84:2, 7; Isa 55:1; Yoh 7:37; 1 Tes 1:9. Amagara gangye gagirira Ruhanga eiriho, Ruhanga ohuriire;
Ndyaija ryari, nkareebwa omu maisho ga Ruhanga?
3 #
Zab 62:8; Isa 30:29; 2 Sam 6:15; 1 Sam 1:15. Amarira gangye gambeereire eby'okurya nyomushana na nyekiro,
Abantu nibanteerera enaku obutoosha,
Nibagira bati: Ruhanga waawe arahi?
4Ku mba ningamba naamara omu kashansha,
Nyijuka oku naabaire ngyenda n'abantu baingi,
Nkabeebembera kuza omu nju ya Ruhanga,
Nituteera akaari k'okushemererwa n'ebyeshongoro,
Turi omutwe muhango gw'abantu abarikwijuka ekiro kikuru.
5 #
Zab 43:5; 77:3; Tonz 3:24; Mat 26:38; Yoh 12:27. Ahabw'enki oyehweire amatsiko, iwe magara gangye?
ahabw'enki oyemereize omutima omunda yangye?
Ta amatsiko ahari Ruhanga; ahakuba ndyagaruka mmuhimbise,
Niwe Muhwezi wangye kandi Ruhanga wangye.
6 #
Bir 3:9; Yon 2:7. Ai Ruhanga wangye, amagara gangye geehweire amatsiko;
Nikyo ndikwijukira, ndi omu nsi ya Yorudani na Herumooni,
N'aha kabungo ka Mizaari.
7 #
Zab 88:7; Yon 2:3. Amaizi agaijwire geetana n'agandi,
ahabw'okuhoorera kw'obururuma bwawe.
Ebingonzi byawe n'emijumba yaawe byona bindengyeireho.
8 #
Zab 77:6; 133:3; 149:5; Yob 35:10; Bir 28:8. MUKAMA antwekyera embabazi ze nyomushana,
Na nyekiro ekyeshongoro kye kiba kiri omu kanwa kangye,
Nikwo kushaba Ruhanga ow'amagara gangye.
9 #
Zab 38:6; 2 Sam 22:2. Niinyija kubuuza Ruhanga orukiri rwangye nti:
Onyebeirwe ki?
ahabw'enki ninguma n'amaganya ahabw'okubonabonesibwa abazigu?
10Ababisha bangye ni nka rurara omu magufa gangye,
Nibanteerera enaku obutoosha,
Nibagira bati: Ruhanga waawe arahi?
11Ahabw'enki oyehweire amatsiko iwe magara gangye?
Ahabw'enki oyemereize omutima omunda yangye?
Ta amatsiko ahari Ruhanga; ahakuba ndyagaruka mmuhimbise,
Niwe Muhwezi wangye kandi Ruhanga wangye.
Currently Selected:
Zaaburi 42: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
