Zaaburi 149
149
Oku Abaisraeli bashemereire kuhimbisa Mukama
1 #
Zab 33:3; 89:5. Haleluya!
Mweshongorere MUKAMA ekyeshongoro kisya,
Kandi mweshongore eby'okumuhimbisa omu mutwe gw'abarikwera.
2 #
Zab 95:6; Zek 9:9. Israeli ashemerererwe Owaamuhangire,
N'abaana ba Saayuuni bashemerererwe Omugabe waabo.
3 #
Kur 15:20; 2 Sam 6:14. Bahimbise eiziina rye nibazina,
Bamweshongorere eby'okuhimbisa n'engarabi n'enanga;
4 #
Zab 35:27; 147:11. Ahakuba MUKAMA ashemerererwa abantu be;
Abacureezi aryabahunda okujunwa.
5 #
Zab 63:6; Yob 35:10. Abarikwera beesiimire omu kitiinisa,
Beeshongore ahabw'okushemererwa, bari aha bitabo byabo.
6 #
Zab 66:17; Heb 4:12; Kush 1:16. Ebyeshongoro by'okusingiza Ruhanga bigume omu kanwa kaabo,
Na rurara ey'amoogi abir egume omu ngaro zaabo,
7Okuhoora amahanga,
N'okuha abantu ebiheneso,
8Okuboha abagabe baabo n'enjegyere,
N'abakuru baabo n'emihama y'ebyoma,
9Kandi n'okubataho orubanja oruhandiikirwe.
Ekitiinisa ekyo n'eky'abarikwera be boona.
Haleluya!
Currently Selected:
Zaaburi 149: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
