Zaaburi 135
135
Okuhimbisa Mukama ahabw'obukuru bwe
1 #
Zab 104:35; 113:1. Haleluya!
Muhimbise eiziina rya MUKAMA;
Imwe abairu ba MUKAMA, mumuhimbise!
2 #
Zab 92:13; Bir 10:8. Imwe abeemerera omu nju ya MUKAMA,
Omu bikaari by'enju ya MUKAMA waitu!
3 #
Zab 100:5; 147:1. Haleluya, ahakuba ni murungi;
Mweshongore eby'okuhimbisa eiziina rye, ahakuba nirishemeza.
4 #
Kur 19:5; Bir 7:6, 7. Ahabw'okuba MUKAMA akeetooranira Yakobo,
Na Israeli okuba owe wenka.
5 #
Zab 95:3; Kur 18:11. Nimmanya ngu MUKAMA ni mukuru,
Kandi MUKAMA waitu naakira baaruhanga boona.
6 #
Zab 115:3. Eki MUKAMA akunda kyona, akikora
Omu iguru n'omu nsi n'omu nyanja n'omu myanya yoona eya hare okuzimu.
7 #
Yob 38:22, 25; Yer 10:13; Zek 10:1. Niwe aimutsya ebicu aha mbaju zoona ez'ensi;
Akareeta emirabyo ahabw'enjura;
Akashohoza omuyaga okuruga omu mabiikiro ge.
8 #
Zab 78:51; Kur 12:29. Niwe yaateire emijigaijo ya Misri,
Ey'abantu n'ey'enyamaishwa;
9 #
Bir 6:22. Akareeta obumanyiso n'eby'okutangaaza omuriiwe, Misri,
Ahari Faraho n'abairu be boona.
10 #
Zab 136:17-22. Akateera amahanga maingi,
Yaita abagabe b'amaani,
11 #
Kub 21:21-26, 33-35; Yos 12:7-24. Sihooni, omugabe w'Abaamori, na Ogi omugabe wa Bashani,
N'amahanga goona aga Kanaani;
12 #
Yos 23:4, 5. Kandi yaagaba ensi yaabo kuba obuhunguzi,
Obuhunguzi bwa Israeli abantu be.
13 #
Zab 102:12; Kur 3:15. Eiziina ryawe, ai MUKAMA, rigumaho ebiro byona;
Kandi ab'obusingye bwona baryaguma bakwijukye.
14 #
Zab 90:13; Bir 32:36. Ahakuba MUKAMA aryacwera abantu be orubanja,
Agirire abairu be embabazi.
Oku ebishushani ebirikuramibwa bitaine mugasho
15 #
Zab 115:4-8. Ebishushani by'amahanga ebirikuramibwa n'efeeza n'ezaabu,
Ebikozirwe emikono y'abantu;
16Bigira eminwa, kwonka tibigamba;
Bigira amaisho, tibireeba;
17Bigira amatu, tibihurira;
Kandi tibigira mwitsyo mu kanwa kaabyo.
18Ababikora baryashusha nkabyo,
Kandi n'omuntu weena obyesiga.
19 #
Zab 115:9-11. Imwe enju ya Israeli, siima MUKAMA!
Iwe enju ya Arooni, siima MUKAMA!
20Iwe enju ya Leevi, siima MUKAMA!
Naimwe abarikutiina MUKAMA, mumusiime!
21 #
Zab 132:14. MUKAMA otuura omuri Yerusaalemu
Ahimbisizibwe omuri Saayuuni.
Haleluya!
Currently Selected:
Zaaburi 135: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
