Zaaburi 132
132
Okusiima Mukama ahabw'okugarura eshanduukye y'endagaano omu mwanya gwayo
Ekyeshongoro eky'abarikutemba omuri hekalu
1Ai MUKAMA, ijuka Daudi n'eby'okubonabona kwe byona;
2 #
Kut 49:24; Isa 60:16. Oku yaarahiire ahari MUKAMA,
Akahiga ahari Ruhanga wa Yakobo ow'obushoboorozi bwona;
3Naagira ati: Buzimazima tinditaaha hansi y'akanono k'enju yangye,
N'obu kwakuba okutemba ekitabo kyangye,
4 #
Enf 6:4. Tindihumiza maisho gangye kugwejegyera,
N'obu kwakuba okuhungira,
5 #
1 Bus 22:7; Byak 7:46. Okuhitsya obu nditungira MUKAMA omwanya,
Ahu Ruhanga wa Yakobo ow'obushoboorozi bwona arituura.
6 #
1 Sam 7:1; 1 Bus 13:5. Reeba, tukakihiriraho Efuraata,
Twakishana Kiryasi-yearimu.
7 #
Zab 99:5, 8-9; 2 Bus 6:41, 42. Nibagira bati: Ka tutaahe omu mahema ge;
Turamize aha katebe k'ebigyere bye.
8 #
Zab 78:61. Imuka, ai MUKAMA, oze omu buruhuukiro bwawe,
Iwe hamwe n'eshanduukye y'Amaani gaawe.
9 #
Yob 29:14; Isa 61:10. Abanyamurwa baawe bajware eby'okuhikiirira;
N'abarikwera baawe bateere akaari k'okushemererwa.
10Ahabw'omwiru waawe Daudi,
Otabinga owaawe owaashukirweho amajuta.
11 #
1 Bag 2:4; 8:25; 2 Bus 6:16; Zab 89:3, 4; 110:4; Luk 1:32; Byak 2:30. MUKAMA akarahira Daudi omu mazima; tariita ndahiro;
Naagira ati: Ndyayemeka omwe aha baana b'enda yaawe,
Arye engoma yaawe.
12Abaana baawe ku baririnda endagaano yangye
N'ebi naahamize, ebi ndibeegyesa,
Abaana baabo nabo baryaguma aha ngoma yaawe ebiro byona.
13 #
Zab 68:16; 78:68; Mat 23:21. Ahakuba MUKAMA akeetooranira Saayuuni,
Yaayenda ku eba omwanya gwe gw'okutuuramu;
14Naagira ati: Nibwo buruhuukiro bwangye obw'ebiro byona;
Aha niho ndituura, ahakuba niho naayenzire.
15Buzimazima eby'okubagaburira ndyabiha omugisha mwingi,
Mpaazye abooro baayo eby'okurya.
16 #
Zab 132:9. Abanyamurwa baayo nabo ndyabajweka okujunwa,
N'abarikwera baayo baryateera akaari k'okushemererwa.
17 #
1 Bag 11:36; 15:4; Ezk 29:21; Luk 1:69. Aho niho ndifunduurira Daudi eihembe;
Owangye ou naashukireho amajuta, nkamuteekateekyera etabaaza.
18 #
Yob 8:22. Abazigu be ndyabajweka enshoni,
Kwonka we ekirunga kye kiryamumurinkaniraho.
Currently Selected:
Zaaburi 132: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
