Zaaburi 129
129
Okushaba abarikwanga Saayuuni boona bagarurwe ahansi
Ekyeshongoro ky'abarikutemba omuri hekalu
1 #
Zab 124:1; Kur 1:14; Yer 2:2; Hos 2:15. Bakambonabonesa kaingi okwiha omu butsigazi bwangye;
Israeli abe nikwo yaagamba hati mbwenu;
2 #
2 Kor 4:8, 9. Bakambonabonesa kaingi okwiha omu butsigazi bwangye,
Kwonka tibarambazise.
3 #
Isa 51:23; Mik 3:12. Abahingi bakahinga aha mugongo gwangye;
Baahateera emikura miraingwa.
4MUKAMA n'ohikiriire;
Emigoye y'ababi agicwiremu kabiri.
5 #
Zab 35:4. Boona abarikwanga Saayuuni
Bakwatwe enshoni, bagarurwe enyima;
6 #
2 Bag 19:26; Yob 8:12. Babe nk'obunyaatsi obumera aha mutwe gw'enju,
Obwoma butakakuzire;
7Obu omugyesi ataijuza ngaro ze,
N'obu yaakuba orikuboha enganda obu atijuza mikono ye;
8 #
Zab 118:26; Rus 2:4. Kandi n'abahinguzi tibagira bati:
Omugisha gwa MUKAMA gugume ahariimwe.
Nitubashabira omugisha omu iziina rya MUKAMA.
Currently Selected:
Zaaburi 129: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
