Zaaburi 122
122
Okushabira Yerusaalemu obusingye
Ekyeshongoro kya Daudi eky'okutemba omuri hekalu
1 #
Isa 2:3; Yer 31:6; Zek 8:21. Nkashemererwa ku bangambiire
Ngu tugyende omu nju ya MUKAMA.
2Iwe Yerusaalemu, ebigyere byaitu
Byemereire omu marembo gaawe,
3Iwe Yerusaalemu eyaayombekirwe
Nk'orurembo orukwataine,
4 #
Bir 16:16. Ei enganda ziinamuka, nizo nganda za MUKAMA,
Kuba eky'okuhamya ahari Israeli, n'okusiima eiziina rya MUKAMA.
5 #
1 Bag 3:16-28. Ahakuba niyo baataire ebitebe by'okucweraho emanja,
Nibyo bitebe by'obugabe eby'enju ya Daudi.
6 #
Yer 29:7; 51:50. Mushabire Yerusaalemu obusingye;
Abarikukukunda baryagogyera.
7 #
Zab 48:13. Obusingye bugume omunda y'orugo rwawe,
N'omu bikaari byawe habemu omugisha.
8 #
1 Sam 25:6. Ahabwa beene waitu na bagyenzi bangye
Ningira nti: Obusingye bugume omuriiwe!
9Ahabw'enju ya MUKAMA Ruhanga waitu
Ndyateeraho kusherura oku ndaabaase kukukorera gye.
Currently Selected:
Zaaburi 122: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
