Zaaburi 115
115
Oku okuramya ebishushani okukira okwesiga Mukama buri obushema
1 #
Isa 48:11; Ezk 36:22. Tiitwe tushemereire kuheebwa ekitiinisa, ai MUKAMA,
Tiitwe, kureka eiziina ryawe,
Ahabw'embabazi zaawe n'amazima gaawe.
2 #
Zab 42:3, 10; 79:10; Yoel 2:17. Ab'amahanga nibabuuriza ki bati:
Ruhanga waabo arahi?
3 #
Zab 135:6; Dan 4:35. Kwonka Ruhanga waitu ari omu iguru,
Akora eki arikwenda kyona.
4 #
Zab 135:15-18. Ebishushani ebi barikuramya n'efeeza n'ezaabu,
Ebikozirwe emikono y'abantu.#Yer 10:3-5; Isa 37:19; Bir 4:28.
5 #
Hab 2:18; Kush 9:20. Bigira eminwa, kwonka tibigamba;
Bigira amaisho, tibireeba;
6Bigira amatu, tibihurira;
Bigira enyindo, tibikaga;
7 #
Isa 46:7. Bigira engaro, tibikwata;
Bigira ebigyere, tibigyenda;
Kandi tibigambisa mimiro yaabyo.
8 #
Isa 44:9; Yon 2:8. Ababikora babishusha;
Kandi n'omuntu weena orikubyesiga nikwo aba.
9 #
Zab 33:20; 62:8; 118:2-4; 135:19, 20. Iwe Israeli, yesigye MUKAMA!
Niwe Muhwezi waabo, kandi Engabo yaabo.
10Imwe ab'enju ya Arooni, mwesigye MUKAMA!
Niwe Muhwezi waabo kandi Engabo yaabo.
11Imwe abatiina MUKAMA, mumwesigye!
Niwe Muhwezi waabo kandi Engabo yaabo.
12MUKAMA atwijukire, aryatuha omugisha;
Aryaha enju ya Israeli omugisha,
Aryaha enju ya Arooni omugisha;
13 #
Zab 112:1; Kush 19:5. Aryaha omugisha boona abatiina MUKAMA,
Abato n'abakuru.
14 #
Bir 1:11. MUKAMA abakanyise, imwe n'abaana baanyu!
15 #
Zab 134:3. MUKAMA owaahangire eiguru n'ensi abahe omugisha!
16Eiguru n'erya MUKAMA,
Kwonka ensi akagiha abantu.
17 #
Zab 6:5. Abafu tibahimbisa MUKAMA,
N'obu baakuba abashuuma ahataine kateezo,
18 #
Zab 145:2; Dan 2:20. Kwonka itwe turyahimbisa MUKAMA
Okwiha hati n'okuhitsya ebiro byona. Haleluya!
Currently Selected:
Zaaburi 115: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
