Zaaburi 112
112
Okuhiirwa kw'abarikutiina Ruhanga
1 #
Zab 1:2; 104:35; 128:1. Haleluya. Aine omugisha omuntu orikutiina MUKAMA,
Akashemerererwa munonga ebiragiro bye.
2 #
Enf 20:7. Baijukuru be baryaba ab'amaani omu nsi;
Oruzaaro rw'ohikiriire ruryaheebwa omugisha.
3 #
Enf 3:16; 15:6. Eitungo n'obutungi biryaba omu nju ye;
Kandi okuhikiirira kwe kuryaba okw'ebiro n'ebiro.
4 #
Zab 111:4; Yob 11:17. Ow'omutima ogugororokire ajwerwa omushana omu mwirima,
Gujwera oine embabazi n'okusaasira kwingi kandi ohikiriire.
5 #
Zab 37:26. Aine omugisha omuntu ogira obufura, akaguza abandi,
akakora emiromo ye omu buryo buhikire;
6 #
Zab 55:22; Enf 10:7. Ahakuba ohikiriire taritengyetsibwa,
Aryaijukwa ebiro byona.
7 #
Zab 57:7; Enf 1:33. Taritiinisibwa nkuru mbi;
Omutima gwe guhamire nigwesiga MUKAMA.
8 #
Zab 54:7. Omutima gwe guhamiire hamwe, taritiina,
Okuhitsya obu arireeba ebi arikwetengyera abazigu be.
9 #
Zab 75:10; Rom 12:13; 2 Kor 9:9; 1 Tim 6:18. Akagabisa obufura, yaagabira abooro;
Okuhikiirira kwe nikugumaho ebiro byona;
Eihembe rye riryatunguurwa n'ekitiinisa.
10 #
Yob 8:13; Mat 8:12. Omubi aryakireeba, aguubwe kubi;
Aryanena enshaya, ahwereho kimwe;
Eki omubi ayetenga kiryabura.
Currently Selected:
Zaaburi 112: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
