Okubara 27
27
Ebiragiro by'obuhunguzi bw'abaishiki
1 #
Yos 17:3. Bwanyima haija bahara ba Zelofehaadi, mwene Heferi ya Gileadi, ya Makiri, ya Manaase ab'emiryango ya Manaase ab'emiryango ya Manaase mwene Yosefu; bahara be bakaba nibeetwa Maala, Noa, Hogula, Milika na Tiruza; 2#Rom 6:23. baayemerera omu maisho ga Musa na Eleazaari omunyamurwa n'abeebembezi n'eihanga ryona aha muryango gw'Eihema ry'okubugaabuganiramu; baagira bati: 3Tataitwe akagwa omu ihamba; kandi akaba atari mu mutwe gw'abaayeteeraine kugomera MUKAMA omu kigombe kya Koora; akafeera omu bibi bye wenka, kandi akaba atazaire boojo. 4N'enki ekirikwihisa eiziina rya tataitwe omu b'omuryango gwe, ngu ahabw'okuba tarazaire mwojo? Otuhe obutaka omu b'oruganda rwa tataitwe. 5#Kur 18:15; Enf 3:5, 6. Musa yaatwarira MUKAMA ebigambo byabo.
6MUKAMA yaagira Musa ati: 7#Kub 36:2. Ebi bahara ba Zelofehaadi barikufa n'eby'amazima; buzimazima otaribura kubaha obutaka omu b'omuryango gwa ishebo; obarekye bahungure obuhunguzi bwe. 8Kandi ogambire Abaisraeli oti: Omuntu ku arifa, atatsigire mwana w'omwojo, muryareka obuhunguzi bwe bube obwa muhara we. 9Ku ariba atatsigire muhara, obuhunguzi mubuhe beene ishe. 10Ku ariba ataine beene ishe, mubuhe baishento. 11Kwonka ishe ku ariba ataine bakuru be nari abarumuna, obuhunguzi mubuhe omunyaruganda omuri haihi, abuhungure. Ekyo kibe ekiragiro ky'okucweraho emanja z'obuhunguzi omu Baisraeli, nk'oku MUKAMA yaaragiire Musa.
MUKAMA okugambira Musa eby'okufa kwe, n'okutoorana Yoshua kumuhungurira
12 #
Bir 34:1. MUKAMA yaagira Musa ati: Oryainamuka ahari oru rushozi rwa Abariimu, oreebe ensi ei mpaire Abaisraeli. 13#Kub 31:2; Bir 10:6. Ku oriheza kugireeba, naiwe oryafa, okurate abaanyu, nka Arooni mukuru waawe oku yaabakuratsire, 14#Zab 106:32; Kub 20:24. ahabw'okuba mukagomera ekiragiro kyangye omu ihamba rya Ziini, obu eihanga ryampakanisa, mukanga kumpaisa ekitiinisa omu maisho gaaryo aha maizi. Ago nigo maizi ga Meriba omuri Kadeshi omu ihamba rya Ziini. 15Musa yaagira MUKAMA ati: 16MUKAMA Ruhanga w'emyoyo y'abantu boona atoorane omushaija w'okutegyeka eri ihanga, 17#Bir 31:2; 1 Bag 22:17; Mat 9:36. ow'okubeebembera nibashohora, kandi nibataaha, oraabashohoze, kandi akabataasya, eihanga rya MUKAMA rirekye kuba nk'entaama ezitaine muriisa. 18#Kut 41:38. MUKAMA yaagira Musa ati: Twara Yoshua mwene Nuuni, omuntu oine omwoyo, omuteho engaro; 19bwanyima omwemereze omu maisho ga Eleazaari omunyamurwa n'omu g'eihanga ryona, omukwatsize omurimo omu maisho gaabo. 20#Kub 11:17; 2 Bag 2:15; Bir 34:9. Kandi omuhe aha kitiinisa kyawe, ab'eihanga ry'Abaisraeli boona babone kumworobera. 21#Bar 1:1; 20:18; Bir 33:8; Yos 9:14. Aryaguma ayemerere omu maisho ga Eleazaari omunyamurwa, nawe aije omu maisho gangye amubuurize ahariinye naakoresa Urimu; ahabw'okuragiira kwa Eleazaari baryaguma bashohore, kandi bataahe ahabw'okuragiira kwe, Yoshua hamwe n'Abaisraeli boona, niryo ihanga ryona. 22Musa yaakora nk'oku MUKAMA yaamuragiira; yaatwara Yoshua, yaamwemereza omu maisho ga Eleazaari omunyamurwa n'eihanga ryona, 23#Bir 3:28; Isa 55:4. yaamutaho engaro, yaamukwatsa omurimo, nk'oku MUKAMA yaaragiire naaraba omuri Musa.
Currently Selected:
Okubara 27: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
