Okubara 25

Abaisraeli okuramya Baali n'okushambana

1 # Kub 31:16; Kush 2:14. Abaisraeli baaguma omuri Shitimu, baatandika kushambana n'abaishiki b'Abamoabu; 2#Yos 22:17; Hos 9:10; Kur 34:15. ahakuba Abamoabu bakaba babeeta aha magyenyi g'okutambira baaruhanga baabo ebitambo; Abaisraeli bakiija, barya nabo, baramya baaruhanga baabo. 3#Zab 106:29. Batyo Abaisraeli baayeteerana na Baali-peori, MUKAMA yaabagirira ekiniga kingi ekirikwaka nk'omuriro. 4MUKAMA yaagira Musa ati: Reeta abakuru b'eihanga boona, obahanikye omu mushana omu maisho gangye, ekiniga kyangye kingi kibone kuruga ahari Israeli. 5#1 Bag 18:40. Musa yaagambira abaramuzi b'Abaisraeli ati: Buri muntu omuriimwe aite abashaija be abeeteeraine na Baali-peori.

6Omwe aha Baisraeli yaija, areeteire beene waabo Omumidianikazi omu maisho ga Musa n'omu maisho g'eihanga ryona ry'Abaisraeli, yaashanga nibaririra aha muryango gw'Eihema ry'okubugaabuganiramu. 7#Kur 6:25. Finehaasi mwene Eleazaari, mwijukuru wa Arooni omunyamurwa, ku yaakireebire, yaimuka ahagati y'abantu, yaakwata eicumu omu ngaro, 8yaakurata ogwo Mwisraeli omu ihema, yaabacumita bombi, eicumu ryayoga omu Mwisraeli, ryateera omukazi aha nda. N'ahabw'ekyo orufu rwazibirwa omu Baisraeli. 9#1 Kor 10:8. Boona abaitsirwe orwo rufu bakaba bari obukumi bubiri n'enkumi ina.

10MUKAMA yaagira Musa ati: 11#Zab 106:30. Finehaasi mwene Eleazaari, mwijukuru wa Arooni omunyamurwa, aihire ekiniga kyangye aha Baisraeli, ahabw'okuba andwaniire eihato omuribo, tinaabacwekyereza habw'eihato ryangye. 12N'ahabw'ekyo omugambire ebi ndikugamba ningira nti: Naakuha endagaano yangye ey'obusingye; 13#Kur 40:15; Byak 22:3. eryaba endagaano y'obunyamurwa obutarihwaho ei naaragaana naiwe n'oruzaaro rwawe orurikurataho, ahabw'okurwanira Ruhanga waawe eihato, okarihiirira Abaisraeli. 14Kandi ogwo Mwisraeli owaitsirwe n'ogwo Mumidianikazi akaba naayetwa Zimuri mwene Saalu, omukuru w'enju ya baishenkuru omu ruganda rwa Simeoni; 15kandi ogwo Mumidianikazi owaitsirwe akaba naayetwa Kozibi muhara wa Zuuri; nawe akaba ari omukuru w'omutwe gw'ab'enju ya baishenkuru omu Bamidiani. 16MUKAMA yaagira Musa ati: 17Tuntuza Abamidiani, obaite, 18ahabw'okuba babatuntwize n'oburyarya bwabo, obu baababeihabeihiise omu bya Peori, n'omu bya Kozibi muhara w'omukuru w'Abamidiani, munyaanyabo oitsirwe aha izooba ry'orufu orureetsirwe ebya Peori.

Currently Selected:

Okubara 25: RR64

Highlight

Copy

Compare