Matayo 2
2
Abanyabwengye okuramya Yesu
1 #
Luk 2:1-7. Yesu ku yaazaariirwe Betelehemu eya Buyudaaya omu biro by'omugabe Heroode, hakaija abanyabwengye abaarugire oburugwa-izooba, baahika Yerusaalemu nibabuuza bati: 2#Kub 24:17. Omugabe w'Abayudaaya ozairwe ari nkahi? Ahabw'okuba tukareeba enyonyoozi ye oburugwa-izooba, mbwenu twizire kumuramya. 3Omugabe Heroode, ku yaakihuriire, yaayemereza omutima ahamwe n'aba Yerusaalemu boona; 4nikwo kuteerana abanyamurwa abakuru n'abahandiiki b'abantu boona, akabeehanuuzaho ahu Kristo yaaragwirwe kuzaarirwa. 5#Mik 5:2. Baamugarukamu bati: Omuri Betelehemu eya Buyudaaya; ahabw'okuba nikwo kyahandiikirwe nabi ngu:
6Naiwe, Betelehemu ey'omu ishaza rya Buyudaaya,
# 2:6 Tori mwanya mukye okukira emyamya yaaryo emikuru yoona. Tori muto okukira boona ab'omu banyiginya baaryo;
Ahabw'okuba omuriiwe nimwo omutegyeki ariruga,
Oririisa abantu bangye Abaisraeli.
7Bwanyima Heroode yaayeta abo banyabwengye omu mubonano, yaababuuza obunaku obu baareebeiremu enyonyoozi; 8yaabatuma Betelehemu naabagira ati: Mwirooko mugyende, musherure gye ogwo mwana; ku muraamubone, mugarukye mungambire, naanye nze kumuramya. 9Nabo ku baaherize kuhurira ebi yaabatuma, baarabaho baagyenda; kandi enyonyoozi ei baareebire oburugwa-izooba yaabeebembera, okuhitsya obu yaayemereire ahu omwana yaabaire ari. 10Ku baareebire enyonyoozi, baayesiima munonga n'okushemererwa kwingi; 11#Zab 72:10, 15. baataaha omu nju, baashangamu omwana na Mariamu nyina, bainama, baamuramya. Baakomoorora emitwaro yaabo, baamuha ebiconco by'ezaabu n'eby'emigaju na #2:11 Sumuruna: n'omubazi ogurikutuubya obusaasi, ogujwangibwa omu majuta g'okushoroora, ogwomya emitumbi n'ebindi. sumuruna. 12Kandi ku baahabwirwe Ruhanga omu kirooto, ngu barekye kugaruka owa Heroode, baimuka, baatoora ogundi muhanda, baagaruka owaabo.
Yosefu okuhungiza Yesu Misri
13 #
Kur 2:15. Ku baaherize kugyenda, maraika wa Mukama yaareebekyera Yosefu omu kirooto, yaamugira ati: Imuka otware omwana na nyina, ohungire Misri, ogumeyo okuhitsya obu ndikugambira; ahakuba Heroode naasherura omwana kumwita. 14Atyo yaimuka, yaahunzya omwana na nyina nyekiro, yaaza Misri, 15#Hos 11:1. yaagumayo okuhitsya obu Heroode yaafiire. Ekyo kikabaho okuhikiiriza ebi Mukama yaagambire naara omuri nabi ati: Nkeeta omwana wangye kuruga Misri.
Okucwekyereza abaana bato omuri Betelehemu
16Kandi Heroode ku yaareebire abo banyabwengye bamureebize, yaagira ekiniga kingi, yaatuma abantu kwita abaana b'aboojo boona abaabaire bari Betelehemu n'omu kyanga ekyo kyona, abaabaire bahikize emyaka ebiri, kandi n'abatakagihikize, naihirira aha bunaku obu yaamanyisiibwemu abanyabwengye. 17#Yer 31:15. Mbwenu eki nabi Yeremia yaagambire kyahikiirizibwa, eki yaagizire ati:
18 #
Kut 35:19. Enduuru ekahurirwa omuri Raama,
Okucura n'okuborooga munonga,
Rakeeli naaririra abaana be;
Kandi takyenda kuyaagirwa, ahakuba bahweireho.
19Bwanyima Heroode ku yaafiire, maraika wa Mukama yaayeyorekyere Yosefu omu kirooto omuri Misri, 20#Kur 4:19. yaamugira ati: Imuka otware omwana na nyina, ogarukye omu nsi ya Israeli; ahabw'okuba abaabaire nibenda kwita omwana bafiire. 21Yaimuka, yaatwara omwana na nyina, yaagaruka omu nsi ya Israeli. 22Kwonka ku yaahuriire ngu Arukelao niwe ayemire Bayudaaya, ahunguriire Heroode ishe, yaatiina kugarukayo; ku yaahabwirwe Ruhanga omu kirooto, yaakuba yaaza omu ishaza rya Galilaaya. 23#Luk 1:26; 2:39; Yoh 1:46. Nikwo kugyenda, akatuura omuri tauni erikwetwa Nazareesi, ekigambo eki baanabi baagambire kibone kuhikiirira ngu, Aryayetwa Omunazarayo.
Currently Selected:
Matayo 2: RR64
Highlight
Share
Copy
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964