Matayo 1
1
Amaziina ga baishenkuru ba Yesu
1 #
Luk 3:23-38. Okutondoora obukomooko bwa Yesu Kristo, Omwana wa Daudi, Omwana wa Abrahamu.#Kut 5:1. 2Abrahamu akazaara Isaaka, Isaaka yaazaara Yakobo, Yakobo yaazaara Yuda n'abarumuna, 3#Rus 4:13-22. Yuda yaazaara Pereezi na Zeera ahari Tamari, Pereezi yaazaara Hezirooni, Hezirooni yaazaara Raamu, 4Raamu yaazaara Aminadabu, Aminadabu yaazaara Nahasooni, Nahasooni yaazaara Salumooni, 5Salumooni yaazaara Boazi ahari Rahabu, Boazi yaazaara Obedi ahari Ruusi, Obedi yaazaara Yese, 6Yese yaazaara Daudi omugabe. Daudi yaazaara Sulemaani ahari muka Uria, 7Sulemaani yaazaara Rehoboamu, Rehoboamau yaazaara Abiya, Abiya yaazaara Asa, 8Asa yaazaara Yehoshafaati, Yehoshafaati yaazaara Yoramu, 9Yoramu yaazaara Hezekia, 10Hezekia yaazaara Manaase, Manaase yaazaara Amoni, Amoni yaazaara Yosia, 11Yosira yaazaara Yekonia n'abarumuna omu biro by'okutwarwa Babulooni omu bukwatwa.
12Bwanyima y'okutwarwa Babulooni Yekonia akazaara Shealitieli, Shealitieli yaazaara Zerubabeeli, 13Zerubabeeli yaazaara Abiuda, Abiuda yaazaara Eliakimu, Eliakimu yaazaara Azori, 14Azori yaazaara Zadoki, Zadoki yaazaara Akimu, Akimu yaazaara Eliudi, 15Eliudi yaazaara Eleazaari, Eleazaari yaazaara Mataani, Mataani yaazaara Yakobo, 16Yakobo yaazaara Yosefu iba wa Mariamu; ogwo niwe nyina wa Yesu orikwetwa Kristo.
17Nikwo kugira ngu baishenkuru boona okwiha ahari Abrahamu okuhitsya ahari Daudi n'ikumi na bana; kandi okwiha ahari Daudi okuhitsya aha kutwarwa Babulooni n'ikumi na bana; kandi okwiha aha kutwarwa Babulooni okuhitsya ahari Kristo n'okumi na bana.
Okuzaarwa kwa Yesu
18 #
Luk 1:35. Okuzaarwa kwa Yesu Kristo kukaba kuri kuti. Mariamu nyina wa Yesu akaba naagambwa Yosefu obugyenyi. Kwonak Yosefu ku yaabaire atakamutaahize, Mariamu yaareebwa aine enda y'Omwoyo Orikwera. 19Mbwenu Yosefu iba, ahabw'okuba omuntu ohikiriire, tiyaayenda kumuhemura, yaateekateeka kwita obugyenyi bwe bwesherekye. 20Kwonka ku yaabaire naakiteekateeka atyo, maraika wa Mukama yaamwizira omu kurooto, yaamugira ati: Iwe Yosefu mwene Daudi, otatiina kutaasya Mariamu omukazi waawe, ahakuba enda ei aine n'ey'Omwoyo Orikwera; 21aryazaara omwana w'omwojo, kandi oryamweta Yesu, ahabw'okuba niwe arijuna abantu be omu bibi byabo. 22#Isa 7:14. Ebyo byona bikabaho ahabw'okuhikiiriza ebi Mukama yaagambire naaraba omuri nabi, naagira ati:
23Reeba, omwishiki oshugaine
Aryagira enda, azaare omwana w'omwojo,
Eiziina rye aryayetwa Emanueli,
amakuru ngu Ruhanga ari hamwe naitwe. 24Yosefu ku yaasisiimukire omu turo, yaakora nk'oku maraika wa Mukama yaamuragiira; yaataasya omukazi we; 25#Luk 2:7. kwonka tararaire nawe okuhitsya obu yaazaire omwana; ishe akamweta Yesu.
Currently Selected:
Matayo 1: RR64
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964