Yuda 1

1 # Mat 13:55. Nyowe Yuda, omuhuuku wa Yesu Kristo, kandi murumuna wa Yakobo, naabahandiikira imwe abaayetsirwe, abarikukundwa omuri Ruhanga Isheboona, kandi abarindiirwe Yesu Kristo; 2embabazi n'obusingye n'okukunda byeyongyere omuriimwe.

Okumanyisa ebibi ebiribaho omu biro by'aha mperu

3Abarikukundwa, ku naabaire niinyezirika munonga kubahandiikira eby'okujunwa kwaitu twena, nkagyemwa kubahandiikira nimbeehanangiriza kurwanira munonga okwikiriza oku abarikwera baahairwe rimwe kikahwa. 4#Gal 2:4. Ahakuba hariho abantu bamwe abashensheire omuriitwe batamanyirwe, abaarangirwe ira ku baricwerwa orubanja oru; n'abantu abatatiina Ruhanga, abahindura embabazi za Ruhanga orwekwatso ngu bashambane, bakeehakana Omutegyeki waitu omwe wenka kandi Omujuni waitu Yesu Kristo.

5 # Kub 14:35. Mbwenu n'obu muraabe mwamanyiire kimwe byona, niinyenda kubaijutsya nti, Mukama owaajunire eihanga ry'Israeli okuruga omu nsi ya Misri, bwanyima akahwerekyereza abataraikiriize; 6#2 Pet 2:4, 9. kandi na baamaraika, abatararinzire bukuru bwabo, bakaruga omu mwanya gwabo ogu baabaire batuuramu, akibarindiire omu mwirima omu njegyere ezitarugwamu, okuhitsya aha kiro kikuru eky'orubanja; 7#Kut 19:4-25; 2 Pet 2:6. kandi n'aba Sodoma na Gomora n'ab'omu ndembo ezaabaire zihereraine nazo, abaayehaireyo omu bushambani n'okukoranaho eby'enshoni ebitari by'obuhangwa, bakaheebwa ekifubiro ky'omuriro ogutaraara, baaba eky'okureeberaho.

8 # 2 Pet 2:10. Kandi omu muringo ogwo abashaija abo bashiisha emibiri yaabo omu birooto, bagaya obutegyeki, kandi bajuma ab'ekitiinisa. 9#Dan 12:1; Zek 3:2. Kwonka Mikaeli maraika omukuru, ku yaarwaniise Sitaane, naahakana nawe nibafa omubiri gwa Musa, tareehangire kumucwera rubanja naamujuma, kureka akagira ati: Mukama akuhane. 10Kwonka abashaija abo bajuma ebi batarikumanya; kandi ebi barikumanya, babimanyisibwa obuntu bwabo nk'enyamaishwa ezitaine bwengye, nibyo bakoresa okweshiisha. 11#Kut 4:8; 2 Pet 2:15; Kub 31:16; 16:22. Baryakareeba! Ahakuba batoora omuhanda gwa Kaini, boohokyera omu buhabe bwa Balamu ahabw'okutunga enshaagi, kandi bacwekyererera omu bugomi bwa Koora. 12Abo, ku baba nibarya naimwe, ni nk'amabara agarikushiisha amagyenyi gaanyu ag'okukundana; n'abariisa b'entaama abariisa enda zaabo batarikutiina; n'ebicu ebitarimu njura ebitwarwa omuyaga; n'ebiti ebitariho byana omu bunaku bw'ekyanda ebifiire kabiri, ebirimbwirwe n'emizi; 13#Isa 57:21; 2 Pet 2:17. ni nk'ebingonzi by'enyanja eby'amaani, babira eifuro ry'enshoni zaabo; kandi ni nk'enyonyoozi ezitahamiire hamwe, abarindiirwe omwirima ndindindi ebiro byona.

14 # Kut 5:21; Bir 33:2. Kandi abo nibo Enoka, owa mushanju okuruga ahari Adamu, yaaragwireho ati: Reeba, Mukama akaija n'abarikwera be obukumi n'obukumi, 15okucwera boona orubanja, n'okurusingisa boona abatatiina Ruhanga ahabw'eby'okutamutiina ebi baakozire bakamucumuraho, kandi n'ebigambo ebigumire byona ebi abasiisi abatatiina Ruhanga baamugambireho nibamurwanisa. 16#2 Pet 2:18. Abo n'abeetomboita, abatuura nibatonzya, abakurata okwetenga kwabo okubi, abeehimbisa n'ebigambo ebirengyesereize, kandi abaha abantu ekitiinisa nibabendamu enshaagi. 17Kwonka imwe, abarikukundwa, mwijukye ebigambo ebyagambirwe ira entumwa za Mukama waitu Yesu Kristo, 18#1 Tim 4:1. oku zaabagambiire, nizigira ziti: Omu biro by'aha mperu haryabaho abashekyerezi, abarikukurata okwetenga kwabo okw'okutatiina Ruhanga. 19Abo nibo bareeta okwetaanisamu, abantu-buntu abataine Mwoyo. 20#Kol 2:7. Kwonka imwe, abarikukundwa, mweyombekye aha musingi gw'okwikiriza kwanyu okurikwera munonga; mushabe omu Mwoyo Orikwera. 21Mwerindire omu kukunda kwa Ruhanga; mutegyereze okusaasira kwa Mukama waitu Yesu Kristo, okuribahitsya omu maara agatahwaho. 22Kandi abamwe abarikubanganisa mubaikiririse; 23#Zek 3:2; Yak 5:19. abandi mubakize nimubashahura omu muriro; n'abandi mubasaasire nimutiina, nangwa mwangye n'ekijwaro ekiine amabara agateirweho omubiri.

24 # 1 Tes 5:23. Ogwo orikubaasa kubarinda kutagwa kandi n'okubamurika omu maisho g'ekitiinisa kya Ruhanga nimushemererwa munonga mutaine kamogo, 25Ruhanga ogwo omwe wenka, Omujuni waitu owaatujunire ahabwa Yesu Kristo Mukama waitu, aheebwe ekitiinisa eky'obukama bwe n'obutegyeki n'obushoboorozi, ebi yaabaire aine ira ryona, hati n'ebiro byona. Amiina.

Currently Selected:

Yuda 1: RR64

Highlight

Copy

Compare