Yoshua 3
3
Yoshua okuragiira Abaisraeli eby'okwambuka Yorudani
1 #
Yos 2:1. Yoshua yaimuka kare omu kasheeshe; we n'Abaisraeli boona baaruga Shitimu, baahika Yorudani, baaraarayo batakambukire. 2Bwanyima y'ebiro bishatu abatware baagyenda baaraba omu rusiisira, 3#Kub 10:33. nibaragiira abantu bati: Ku muraareebe eshanduukye y'endagaano ya MUKAMA Ruhanga waanyu eyekoreirwe abanyamurwa Abaleevi, ahonaaho murugye ahu muri, mugikuratire, 4mubone kumanya omuhanda ogu muraatoore, ahakuba timukagurabamuga. Kwonka mutsigye ahagati yaanyu nayo omwanya gwa mikono nk'enkumi ibiri; mutagiirira haihi. 5#Lev 20:7; Kub 11:18; Yos 7:13; Yoel 2:16. Yoshua yaagambira abantu ati: Mweyeze, ahabw'okuba nyencakare MUKAMA naija kukorera omuriimwe eby'okutangaaza. 6Kandi Yoshua yaagambira abanyamurwa ati: Muheekye eshanduukye y'endagaano, mwambukye mwebembeire abantu. Baaheeka eshanduukye y'endagaano, baayebembera abantu.
7 #
Yos 4:14; 1 Bus 29:25. MUKAMA yaagambira Yoshua ati: Eri izooba niinyija kutandika kukuha ekitiinisa omu maisho g'Abaisraeli boona, bamanye ngu nk'oku naabaire ndi na Musa, nikwo ndikwija kuba naiwe. 8Noija kuragiira abanyamurwa abaheekire eshanduukye y'endagaano oti: Ku muraahikye aha nkungu y'amaizi ga Yorudani, muragaremu, mwemerere. 9Yoshua yaagambira Abaisraeli ati: Muhikye aha, muhurire ebigambo bya MUKAMA Ruhanga waanyu. 10#Hos 1:10; 1 Tes 1:9; Kur 33:2. Yoshua yaagira ati: Eki nikyo muraamanyireho ku Ruhanga otahwaho ari omuriimwe kandi ku atariremwa kubinga Abanyakanaani omu maisho ganyu, Abahiiti, Abahiivi, Abaperizi, Abagirugashi, Abaamori n'Abayebusi. 11#Zab 24:1; Mik 4:13. Reeba, eshanduukye y'endagaano ya MUKAMA ow'ensi yoona neija kubabandiza kuza omuri Yorudani. 12Mbwenu mutoorane abantu ikumi na babiri omu nganda za Israeli, omuri buri ruganda mwihemu omuntu omwe. 13#Kur 15:8; Zab 114:3. Ebigyere by'abanyamurwa abaheekire eshanduukye y'endagaano ya MUKAMA, Mukama ow'ensi yoona, ku biraahikye omu maizi ga Yorudani, amaizi ago agarikushuuma nigaruga eruguru nigaija kuzibirwa kugyenda, geemerere geerunzire hamwe.
Abaisraeli okwambuka Yorudani
14Batyo abantu baaruga omu mahema gaabo kwambuka Yorudani, beebembeirwe abanyamurwa abaheekire eshanduukye y'endagaano; 15#1 Bus 12:15. ababaire bagiheekire, ku baahikire ahari Yorudani, baahitsya ebigyere byabo omu maizi, (omu igyesha amaizi ga Yorudani gaijura, garengyera aha nkungu zaayo zoona) 16amaizi agaabaire nigashuuma, nigaruga eruguru, gaayemerera, gaayerunda hamwe hare munonga aha rurembo orurikwetwa Adamu aha rubaju rwa Zaretaani, n'agaabaire nigashuuma omu nyanja ya Araba, niyo Nyanja y'omwonyo, gaahweraho kimwe; abantu baayambuka bagyemire Yeriko. 17#Kur 14:29. Abanyamurwa, abaabaire baheekire eshanduukye y'endagaano eya MUKAMA, baayemerera ahoomire batarikuterera ahagati ya Yorudani; n'Abaisraeli boona baayambukira ahoomire, okuhitsya obu eihanga ryona ryaherize kwambuka Yorudani.
Currently Selected:
Yoshua 3: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
Yoshua 3
3
Yoshua okuragiira Abaisraeli eby'okwambuka Yorudani
1 #
Yos 2:1. Yoshua yaimuka kare omu kasheeshe; we n'Abaisraeli boona baaruga Shitimu, baahika Yorudani, baaraarayo batakambukire. 2Bwanyima y'ebiro bishatu abatware baagyenda baaraba omu rusiisira, 3#Kub 10:33. nibaragiira abantu bati: Ku muraareebe eshanduukye y'endagaano ya MUKAMA Ruhanga waanyu eyekoreirwe abanyamurwa Abaleevi, ahonaaho murugye ahu muri, mugikuratire, 4mubone kumanya omuhanda ogu muraatoore, ahakuba timukagurabamuga. Kwonka mutsigye ahagati yaanyu nayo omwanya gwa mikono nk'enkumi ibiri; mutagiirira haihi. 5#Lev 20:7; Kub 11:18; Yos 7:13; Yoel 2:16. Yoshua yaagambira abantu ati: Mweyeze, ahabw'okuba nyencakare MUKAMA naija kukorera omuriimwe eby'okutangaaza. 6Kandi Yoshua yaagambira abanyamurwa ati: Muheekye eshanduukye y'endagaano, mwambukye mwebembeire abantu. Baaheeka eshanduukye y'endagaano, baayebembera abantu.
7 #
Yos 4:14; 1 Bus 29:25. MUKAMA yaagambira Yoshua ati: Eri izooba niinyija kutandika kukuha ekitiinisa omu maisho g'Abaisraeli boona, bamanye ngu nk'oku naabaire ndi na Musa, nikwo ndikwija kuba naiwe. 8Noija kuragiira abanyamurwa abaheekire eshanduukye y'endagaano oti: Ku muraahikye aha nkungu y'amaizi ga Yorudani, muragaremu, mwemerere. 9Yoshua yaagambira Abaisraeli ati: Muhikye aha, muhurire ebigambo bya MUKAMA Ruhanga waanyu. 10#Hos 1:10; 1 Tes 1:9; Kur 33:2. Yoshua yaagira ati: Eki nikyo muraamanyireho ku Ruhanga otahwaho ari omuriimwe kandi ku atariremwa kubinga Abanyakanaani omu maisho ganyu, Abahiiti, Abahiivi, Abaperizi, Abagirugashi, Abaamori n'Abayebusi. 11#Zab 24:1; Mik 4:13. Reeba, eshanduukye y'endagaano ya MUKAMA ow'ensi yoona neija kubabandiza kuza omuri Yorudani. 12Mbwenu mutoorane abantu ikumi na babiri omu nganda za Israeli, omuri buri ruganda mwihemu omuntu omwe. 13#Kur 15:8; Zab 114:3. Ebigyere by'abanyamurwa abaheekire eshanduukye y'endagaano ya MUKAMA, Mukama ow'ensi yoona, ku biraahikye omu maizi ga Yorudani, amaizi ago agarikushuuma nigaruga eruguru nigaija kuzibirwa kugyenda, geemerere geerunzire hamwe.
Abaisraeli okwambuka Yorudani
14Batyo abantu baaruga omu mahema gaabo kwambuka Yorudani, beebembeirwe abanyamurwa abaheekire eshanduukye y'endagaano; 15#1 Bus 12:15. ababaire bagiheekire, ku baahikire ahari Yorudani, baahitsya ebigyere byabo omu maizi, (omu igyesha amaizi ga Yorudani gaijura, garengyera aha nkungu zaayo zoona) 16amaizi agaabaire nigashuuma, nigaruga eruguru, gaayemerera, gaayerunda hamwe hare munonga aha rurembo orurikwetwa Adamu aha rubaju rwa Zaretaani, n'agaabaire nigashuuma omu nyanja ya Araba, niyo Nyanja y'omwonyo, gaahweraho kimwe; abantu baayambuka bagyemire Yeriko. 17#Kur 14:29. Abanyamurwa, abaabaire baheekire eshanduukye y'endagaano eya MUKAMA, baayemerera ahoomire batarikuterera ahagati ya Yorudani; n'Abaisraeli boona baayambukira ahoomire, okuhitsya obu eihanga ryona ryaherize kwambuka Yorudani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964