Yoshua 2
2
Rahabu okushereka entatsi
1 #
Heb 11:31; Yak 2:25. Ku baabaire bari omuri Shitimu, Yoshua mwene Nuuni yaatuma abantu babiri omu mubonano kuza kutata, naagira ati: Mwirooko mwetegyereze ensi, muno-muno Yeriko. Baagyenda, baahikira omu nju ya maraaya orikweta Rahabu, baaraaramu. 2#Zab 127:1. Haabaho owaagambira omugabe wa Yeriko, naagira ati: Twahurira ngu abashaija babiri b'Abaisraeli baija kunu eki kiro kutata ensi. 3Omugabe wa Yeriko yaatuma ahari Rahabu, ati: Shohoza abantu abaizire owaawe, bakataaha omu nju yaawe; ahakuba baizire kutata ensi yoona. 4#2 Sam 17:19. Kwonka ogwo mukazi akaba yaatwaire abo bashaija babiri, yaabasherekire-mbwenu yaagira ati: N'eky'amazima, haine abashaija baizire owangye; kwonka timmanyire ie babaire nibaruga; 5ku bwizire, bari haihi kukinga eirembo, abo bashaija baashohora; tindikumanya i batoire; murahukye kubakurata, nimwija kubakwata. 6Kwonka we akashangwa yaabatembize aha mutwe gw'enju, abasherekireyo, abashwekire furakisi ei yaabaire ayanikireyo. 7Abashaija b'omugabe nikwo kugyenda nibabasherura omu muhanda ogurikuza Yorudani okuhika aha nyambukiro; ahonaaho abarikubasherura ku baabaire baarugaho, eirembo ryakingwa.
Endagaano ya Rahabu n'entatsi
8Ku baabaire batakabyamire, Rahabu yaatemba, yaabashanga aha mutwe gw'enju; 9#Bir 2:25. yaabagira ati: Nimmanya ku Mukama abahaire egi nsi, tugizire obwoba bwingi ahabwanyu, kandi n'abatuuzi boona ab'omu nsi egi nibahwerera omu maisho gaanyu; 10#Kur 14:21; Kub 21:24, 34, 35. ahakuba tukahurira oku MUKAMA yaayomize amaizi g'Enyanja erikutukura omu maisho gaanyu, obu mwaruga Misri, kandi n'oku mwagizire abagabe b'Abaamori bombi, abaabaire bari seeri ya Yorudani, Sihooni na Ogi, abu mwacwekyerereize kimwe. 11#Yos 5:1; Dan 4:34, 35; Zek 8:23. Ahonaaho ku twakihuriire, emitima yaatuhwa omunda, kandi tihaine muntu weena owaatsigairwe omutima omunda ahabwanyu; ahakuba MUKAMA Ruhanga waanyu niwe Ruhanga ow'ahaiguru omu iguru, kandi ow'ahansi omu nsi. 12#1 Sam 20:14-17. N'ahabw'ekyo nimbeeshengyereza, nk'oku mbagiriire eby'embabazi, mundahire MUKAMA, naimwe ku murizigirira enju ya taata, haza mumpe akamanyiso kahamire, 13kandi ku murirokora tata na maawe, banyaanyazi na barumuna bangye n'ebi baine byona, mukakiza amagara gaitu. 14#Bar 1:24. Abashaija baamugarukamu bati: Nk'oku mukirize amagara gaitu, turyakiza agaanyu; ku muraabe mutatwatiire naama, turyabagirira embabazi omu mazima, MUKAMA ku arituha ensi egi.
Entatsi okugarukayo n'okugambira Yoshua amakuru
15 #
Byak 9:25. Bwanyima yaabashuumya n'omurunga naabarabya omu dirisa; ahakuba enju ye ekaba eyombekirwe aha mutwe gw'orugo rw'amabaare orw'orurembo, kandi niho yaabaire atuura. 16Yaabagira ati: Muhungire omu bibungo, abarikubasherura batakaababugana; mumareyo ebiro bishatu mwesherekire, okuhitsya abarikubasherura obu baraagarukye; bwanyima mubone kwegyendera. 17Abashaija baamugarukamu bati: Tituriturwa egi ndahiro ei waaturahiza. 18#Kut 19:12, 17. Reeba, ku turiba twaizire omu nsi egi, oryakoma aka kagoye akarikutukura omu dirisa ei waaturabyamu, oteeranire omu nju yaawe sho na nyoko na banyaanyoko n'ab'omu ka ya sho boona. 19#Kub 35:26, 27. Omuntu weena oriba yaarugire omu nju, akaza omu nguuto, eshagama ye niwe eritukurira, kwonka itwe teritubaho; kandi ou oriba oine omu nju, yaagira ekyamubaho, eshagama ye niitwe eritukurira. 20Kwonka ku oritwatira enaama, titurigira rubanja rw'endahiro ei waaturahiza. 21Yaagira ati: Kibe nk'oku mwagamba. Atyo yaaboohereza, baagyenda; yaakoma akagoye karikutukura omu dirisa. 22Baagyenda baaza omu bibungo, baamarayo kashatu, okuhitsya obu abaabaire nibabasherura baagarukireyo; ahabw'okuba bakabasherura omu muhanda gwona, baababurira. 23Bwanyima ezo entatsi zombi zaaruga omu bibungo, zaashuuma, zaayambuka; ku zaahikire ahari Yoshua mwene Nuuni, zaamuteekyerereza byona ebyazibaireho. 24#Yos 6:2; Kur 23:27. Zaagira Yoshua ziti: N'eky'amazima, MUKAMA atuhaire ensi egi yoona, kandi n'abatuuzi baamwo boona nibahwerera omu maisho gaitu.
Currently Selected:
Yoshua 2: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
Yoshua 2
2
Rahabu okushereka entatsi
1 #
Heb 11:31; Yak 2:25. Ku baabaire bari omuri Shitimu, Yoshua mwene Nuuni yaatuma abantu babiri omu mubonano kuza kutata, naagira ati: Mwirooko mwetegyereze ensi, muno-muno Yeriko. Baagyenda, baahikira omu nju ya maraaya orikweta Rahabu, baaraaramu. 2#Zab 127:1. Haabaho owaagambira omugabe wa Yeriko, naagira ati: Twahurira ngu abashaija babiri b'Abaisraeli baija kunu eki kiro kutata ensi. 3Omugabe wa Yeriko yaatuma ahari Rahabu, ati: Shohoza abantu abaizire owaawe, bakataaha omu nju yaawe; ahakuba baizire kutata ensi yoona. 4#2 Sam 17:19. Kwonka ogwo mukazi akaba yaatwaire abo bashaija babiri, yaabasherekire-mbwenu yaagira ati: N'eky'amazima, haine abashaija baizire owangye; kwonka timmanyire ie babaire nibaruga; 5ku bwizire, bari haihi kukinga eirembo, abo bashaija baashohora; tindikumanya i batoire; murahukye kubakurata, nimwija kubakwata. 6Kwonka we akashangwa yaabatembize aha mutwe gw'enju, abasherekireyo, abashwekire furakisi ei yaabaire ayanikireyo. 7Abashaija b'omugabe nikwo kugyenda nibabasherura omu muhanda ogurikuza Yorudani okuhika aha nyambukiro; ahonaaho abarikubasherura ku baabaire baarugaho, eirembo ryakingwa.
Endagaano ya Rahabu n'entatsi
8Ku baabaire batakabyamire, Rahabu yaatemba, yaabashanga aha mutwe gw'enju; 9#Bir 2:25. yaabagira ati: Nimmanya ku Mukama abahaire egi nsi, tugizire obwoba bwingi ahabwanyu, kandi n'abatuuzi boona ab'omu nsi egi nibahwerera omu maisho gaanyu; 10#Kur 14:21; Kub 21:24, 34, 35. ahakuba tukahurira oku MUKAMA yaayomize amaizi g'Enyanja erikutukura omu maisho gaanyu, obu mwaruga Misri, kandi n'oku mwagizire abagabe b'Abaamori bombi, abaabaire bari seeri ya Yorudani, Sihooni na Ogi, abu mwacwekyerereize kimwe. 11#Yos 5:1; Dan 4:34, 35; Zek 8:23. Ahonaaho ku twakihuriire, emitima yaatuhwa omunda, kandi tihaine muntu weena owaatsigairwe omutima omunda ahabwanyu; ahakuba MUKAMA Ruhanga waanyu niwe Ruhanga ow'ahaiguru omu iguru, kandi ow'ahansi omu nsi. 12#1 Sam 20:14-17. N'ahabw'ekyo nimbeeshengyereza, nk'oku mbagiriire eby'embabazi, mundahire MUKAMA, naimwe ku murizigirira enju ya taata, haza mumpe akamanyiso kahamire, 13kandi ku murirokora tata na maawe, banyaanyazi na barumuna bangye n'ebi baine byona, mukakiza amagara gaitu. 14#Bar 1:24. Abashaija baamugarukamu bati: Nk'oku mukirize amagara gaitu, turyakiza agaanyu; ku muraabe mutatwatiire naama, turyabagirira embabazi omu mazima, MUKAMA ku arituha ensi egi.
Entatsi okugarukayo n'okugambira Yoshua amakuru
15 #
Byak 9:25. Bwanyima yaabashuumya n'omurunga naabarabya omu dirisa; ahakuba enju ye ekaba eyombekirwe aha mutwe gw'orugo rw'amabaare orw'orurembo, kandi niho yaabaire atuura. 16Yaabagira ati: Muhungire omu bibungo, abarikubasherura batakaababugana; mumareyo ebiro bishatu mwesherekire, okuhitsya abarikubasherura obu baraagarukye; bwanyima mubone kwegyendera. 17Abashaija baamugarukamu bati: Tituriturwa egi ndahiro ei waaturahiza. 18#Kut 19:12, 17. Reeba, ku turiba twaizire omu nsi egi, oryakoma aka kagoye akarikutukura omu dirisa ei waaturabyamu, oteeranire omu nju yaawe sho na nyoko na banyaanyoko n'ab'omu ka ya sho boona. 19#Kub 35:26, 27. Omuntu weena oriba yaarugire omu nju, akaza omu nguuto, eshagama ye niwe eritukurira, kwonka itwe teritubaho; kandi ou oriba oine omu nju, yaagira ekyamubaho, eshagama ye niitwe eritukurira. 20Kwonka ku oritwatira enaama, titurigira rubanja rw'endahiro ei waaturahiza. 21Yaagira ati: Kibe nk'oku mwagamba. Atyo yaaboohereza, baagyenda; yaakoma akagoye karikutukura omu dirisa. 22Baagyenda baaza omu bibungo, baamarayo kashatu, okuhitsya obu abaabaire nibabasherura baagarukireyo; ahabw'okuba bakabasherura omu muhanda gwona, baababurira. 23Bwanyima ezo entatsi zombi zaaruga omu bibungo, zaashuuma, zaayambuka; ku zaahikire ahari Yoshua mwene Nuuni, zaamuteekyerereza byona ebyazibaireho. 24#Yos 6:2; Kur 23:27. Zaagira Yoshua ziti: N'eky'amazima, MUKAMA atuhaire ensi egi yoona, kandi n'abatuuzi baamwo boona nibahwerera omu maisho gaitu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964