Yeremia 37
37
Yeremia okuteebwa omu kihome ahabw'okuhanuura ahari Yuda kusingurwa Abakaludaaya
1 #
Yer 22:24; 2 Bag 24:17; Ezk 17:13. Zedekia mwene Yosia, ou Nebukadeneeza omugabe wa Babulooni yaataire aha ngoma omu nsi ya Yuda, akategyeka omu mwanya gwa Konia mwnee Yehoyakimu. 2#2 Bus 36:12-14. Kwonka we n'abagaragwa be n'abantu b'omuri egyo nsi, tihaine waahuriire ebigambo bya MUKAMA ebi yaagambire naaraba omuri nabi Yeremia.
3 #
Yer 21:12; 35:4; 38:1. Omugabe Zedekia yaatuma Yehukaali mwene Shelemia, na Zefania omunyamurwa mwene Maaseya, ahari nabi Yeremia naagira ati: Tushabire ahari MUKAMA Ruhanga waitu. 4#Yer 32:2; 33:1. Obwo Yeremia akaba akiine obusingye kuza omu bantu naagaruka omuka, ahabw'okuba akaba atakatairwe mu kihome. 5#Ezk 17:15. Kandi eihe rya Faraho rikaba rirugire Misri; Abakaludaaya abaabaire bagotsire Yerusaalemu, ku baahuriire enkuru yaabo, baaruga Yerusaalemu, baagyenda.
6Bwanyima ekigambo kya MUKAMA kyaija ahari nabi Yeremia nikigira kiti: 7#Yer 46:17; 2 Bag 24:7; Tonz 4:17; Ezk 29:2, 6. Oku nikwo MUKAMA, Ruhanga wa Israeli, arikugamba naagira ati: Oku mube nikwo mwagambira omugabe wa Yuda obatumire kuunyehanuuzaho muti: Reeba, eihe rya Faraho, eriizire kubaha emikono, riri haihi kugaruka Misri omu nsi yaabo. 8#Yer 34:22. Bwanyima Abakaludaaya nibaija kugaruka, bateere oru rurembo, barukwate, barwotsye. 9Oku nikwo MUKAMA arikugamba naagira ati: Murekye kwebeiha nimugira muti: Buzimazima Abakaludaaya baryagumayo; mumanye ngu tibarikwija kugumayo. 10#Yer 21:4. Ahakuba n'obu mwakusingura eihe ry'Abakaludaaya ryona eririkubarwanisa, hakatsigara emputa zonka, buri mputa ekaahuruutuka omu ihema ryayo, ziimuka, zootsya oru rurembo n'omuriro.
11Eihe ry'Abakaludaaya ku ryarugire Yerusaalemu ahabw'okutiina eihe rya Faraho, 12#Yer 1:1; 32:8, 9. Yeremia yaaruga Yerusaalemu kuza omu nsi ya Benyamiini kutunga omugabo gwe omu bantu baayo. 13#Yer 21:9; 38:7; 52:15. Ku yaabaire yaahika aha irembo rya Benyamiini, omuserukare orikurinda orikwetwa Iriiya mwene Shelemia, mwijukuru wa Hanania, yaamukwata, yaamugira ati: Noocwa kuza omu Bakaludaaya. 14#Yer 36:12. Yeremia yaamugarukamu ati: Ngaaha! noobeiha; tindikucwera omu Bakaludaaya. Kwonka Iriiya tiyaikiriza bi arikugamba, yaamukwata, yaamutwarira abategyeki. 15#Heb 11:36. Abategyeki baagirira Yeremia ekiniga kingi, baamuteera, baamuta omu nju ya Yonasaani omuhandiiki, ahabw'okuba bakaba bagihindwire ekihome.
16 #
Yer 21:7; 38:6-14, 16. Yeremia ku yaagiire omu kihome, yaamara ebiro bingi omu kashengye kafunzire. 17Bwanyima omugabe Zedekia yaatuma ku bamureeta, yaamwakiira, yaamubuuriza omu nju ye bari bombi, naagira ati: Hariho ekigambo kyona ekirugire ahari MUKAMA? Yeremia yaamugira ati: kiriho. Yeremia yaagaruka yaagira ati: Noija kuheebwayo omu mikono y'omugabe wa Babulooni. 18Kandi Yeremia yaagaruka yaamubuuza ati: Nkucumwireho ki, iwe n'abaheereza baawe, nari ncumwire ki ahari eri ihanga, mwaza kunta omu kihome? 19#Yer 28:2, 11, 17. Baanabi baanyu, ababaire nibabahanuurira nibagira ngu omugabe wa Babulooni taribateera, n'obu kwakuba okurwanisa egi nsi, barahi? 20#Yer 38:26, 28. Mbwenu mpurira, ninkweshengyereza, Nyakusinga Omugabe, oikirize okweshengyereza kwangye, orekye kungarura omu nju ya Yonasaani omuhandiiki, natakaagwayo. 21#Yer 38:9; 52:6; Ezk 4:10, 16. Atyo omugabe Zedekia yaaragiira ku barindira Yeremia omu kibuga ky'abarinzi; yaaguma naaheebwa omugaati gumwe buri izooba, okuruga omu nguuto y'abateeki b'emigaati, okuhitsya obu emigaati yoona yaahweire omu rurembo. Atyo Yeremia yaaguma omu kibuga ky'abarinzi.
Currently Selected:
Yeremia 37: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
