Abaramuzi 17
17
Ebya Miika n'ekishushani kye eky'okuramya
1Hakaba hariho omushaija omu nsi y'ebibungo eya Efuraimu, owaabaire naayetwa Miika. 2Yaagira nyina ati: Ebicweka by'efeeza biri rukumi na igana, ebi baakwibire, bikakureetera kukyeena, nkuhuriire, reeba niinye mbiine. Niinye naabiibire. Nyina yaamugarukamu ati: Mwana wangye, MUKAMA akuhe omugisha. 3#Kur 20:4, 23; Zab 115:4-8. Miika ku yaagaruriire nyina ebyo bicweka by'efeeza rukumi na igana, nyina yaagira ati: Ebi bicweka by'efeeza ebindi omu ngaro, naabishoroorera MUKAMA, ngu omwana wangye abiheeshemu ekishushani ekisharwire; na mbwenu niinyija kubikugarurira. 4#Isa 46:6. Ku yaaherize kugarurira nyina ezo feeza, nyina yaatwaraho ebicweka magana abiri, yaabiha omuheesi, yaabiheeshamu ekishushani kisharwire; kyaguma omu nju ya Miika. 5#Bar 8:27; 18:14. Kandi omushaija ogwo Miika akaba aine endaaro ya baaruhanga be, yaakora efodi na #17:5 terafimu n'ebishushani by'emandwa. terafimu, kandi yaashoroora omwe aha batabani kuba omunyamurwa we. 6#Bar 21:25; Bir 12:8. Omu bunaku obwo hakaba hatariho mugabe omuri Israeli, kureka buri muntu akaba naayekorera nk'oku arikwenda.
7 #
Rus 1:1, 2; Mik 5:2; Mat 2:1, 5, 6. Kandi hakaba hariho omutsigazi owa Betelehemu-yuda, ow'omu ruganda rwa Yuda, Omuleevi, owaabaire ashuhuukiireyo. 8Omushaija ogwo yaaruga omu rurembo rwa Betelehemu-yuda, yaaza kusherura ah'okutuura. Ku yaabaire naakigyenda, yaahika aha nju ya Miika omu nsi y'ebibungo eya Efuraimu. 9Miika yaamubuuza ati: Nooruga hi? Onu ati: Ndi Omuleevi owa Betelehemu-yuda, ninza kusherura ah'okutuura. 10#Bar 18:19. Miika yaamugira ati: Tuura naanye, ombeere omuzaire kandi omunyamurwa; naanye ngume nkuhe ebicweka by'efeeza ikumi buri mwaka, nkujwekye kandi nkugaburire. Atyo ogwo Muleevi yaataahamu. 11Bwanyima yaasiima kuguma n'ogwo mushaija; ogwo mutsigazi yaamubeera nk'omwe aha batabani. 12Miika yaashoroora ogwo Muleevi, yaaba omunyamurwa we, yaaguma omu nju ye. 13Bwanyima Miika yaagira ati: Mbwenu nimmanya ngu MUKAMA naija kumpa omugisha, obu ngizire Omuleevi omunyamurwa wangye.
Currently Selected:
Abaramuzi 17: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
