Isaaya 4

1 # Isa 3:6; Kut 30:23. Eryo izooba abakazi mushanju baryaza aha mushaija omwe, bamugire bati: Nitwija kweriisa, twejwekye, kwona otwikirize, twetererwe eiziina ryawe; otwiheho ekihemu.

Mukama okuraganisa Saayuuni ebirungi

2 # Isa 11:1; 27:6; Yer 23:5; 33:15; Zek 3:8; 6:12. Eryo izooba eitaagi rya MUKAMA riryaba rirungi kandi ery'ekitiinisa; n'Abaisraeli abariba bahonokireho, ebyezire omu nsi yaabo biryabeehimbisisa, bibareetere ekitiinisa. 3#Isa 6:13; 10:20; Zab 69:28; Kur 32:32; Luk 10:20. Bwanyima omuntu weena oriba atisigaireho omuri Saayuuni na Yerusaalemu, akahandiikwa omu bahuriire baamwo, aryayetwa orikwera, 4#Ezk 36:25; Mal 3:2; Mat 3:11. Mukama ku ariba yaherize kwozya oburofa bw'abaishiki ba Saayuuni, n'okumaraho amabara g'eshagama omuri Yerusaalemu, naabiihisaho omwoyo gw'emanja z'oburyo n'ogurikwotsya. 5#Kur 13:21, 22. Bwanyima MUKAMA aryata aha rushozi rwona orwa Saayuuni n'aha bantu abariba bateeraniireyo ekicu n'omwika nyomushana, n'okuhweza kw'omuriro ogurikwaka nyekiro; ahabw'okuba ekitiinisa kyaho kyona haryagira eky'okukisangira kandi n'eihema; 6#Isa 25:4; Zab 27:5. kibe eky'okukisangira omushana nyomushana, kandi obuhungiro n'obwegamo bw'eihunga n'enjura.

Currently Selected:

Isaaya 4: RR64

Highlight

Copy

Compare