Abaheburaayo 5

Obunyamurwa bwa Kristo okukira obwa Arooni

1Nimumanya ngu omunyamurwa omukuru weena, otoorainwe omu bantu, aba atairweho kukora ebya Ruhanga ahabw'abantu, okuhonga empongano n'okutamba ebitambo ahabw'ebibi. 2#Heb 4:15. Naabaasa kutwaza gye abataine bwengye n'abahabire, ahabw'okuba nawe ayehinguririziibwe obweremwa. 3#Lev 16:6. N'ahabw'ekyo ashemereire kwetambirira ebitambo ahabw'ebibi bye, nk'oku abitambirira abandi. 4#Kur 28:1. Kandi tihariho oyeha obukuru obwo, kureka yaaba ayetsirwe Ruhanga, nk'oku Arooni yaayetsirwe. 5Na mbwenu Kristo nawe tareekurize ngu aheebwe obunyamurwa obukuru, kureka akabuteebwaho Ogwo owaamugizire ati:

Ori Omwana wangye,

Eri izooba naakuzaara;

6 # Zab 110:4. nk'oku yaagizire ahandi ati:

Ori Omunyamurwa w'ebiro byona,

Omu muringo gwa Melikizedeki.

7 # Mat 26:39-46. Kristo, omu biro ebi yaabaire akiriho omu mubiri, akashaba yaayeshengyereza munonga naarira, yaatakira Ogwo owaabaasize kumukiza okufa; yaahurirwa ahabw'okutiina Ruhanga; 8n'obu araabe yaabaire ari Omwana, akeega kworoba omu bi yaabonabonesiibwemu. 9#Isa 45:17. Kandi ku yaaherize kuhikiirizibwa, yaahinduka obukomooko bw'okujunwa okutahwaho ahari boona abamworobera, 10ou Ruhanga yaayetsire Omunyamurwa omukuru omu muringo gwa Melikizedeki.

11Ogwo twine bingi by'okumugambaho, kandi ebigumire eishoborora, ahakuba muhindukire abarikuhurira kubi. 12#1 Kor 3:1-3. N'obu muraabe mwabaire mushemereire kuba abeegyesa ahabw'okumara omwanya muhango nimwega, kwonka nimwetenga omuntu w'okugaruka kubeegyesa eby'okubandizaho ebyorobi omu byagambirwe Ruhanga. Kandi muhindukire abarikwetenga amate, bitari by'okurya ebigumire. 13Mumanye ngu omuntu weena otungwa amate aba atakamanyiire kukoresa kigambo ky'okuhikiirira, ahakuba n'omwana; 14#Rom 16:19. kureka eby'okurya ebigumire bishemereire abakuru, abu emitima yaabo eherize kumanyiira kutaanisa ekirungi n'ekibi.

Currently Selected:

Abaheburaayo 5: RR64

Highlight

Copy

Compare