Abagalatia 1

1 # Gal 1:11, 12. Paulo entumwa, etaratumirwe bantu, kandi etareetsirwe muntu, kureka eyaatumirwe Yesu Kristo na Ruhanga Ishe owaamuzoire omu bafu, 2nyowe n'ab'eishe-emwe boona abu nyine twabahandiikire imwe ab'amakanisa g'omuri Galatia.

3Nimbendeza embabazi n'obusingye ebirikuruga ahari Ruhanga Isheboona na Mukama waitu Yesu Kristo, 4#1 Tim 2:6; 1 Yoh 5:19. owaayehaireyo ahabw'ebibi byaitu, ngu atujune omu busingye obubi oburiho, nka Ruhanga waitu kandi Tataitwe oku asiima; 5aheebwe ekitiinisa ebiro n'ebiro. Amiina.

Abagalatia okwita enaama y'engiri

6Ntangaariire oku murahukire kuruga ahari Ogwo owaabeetsire ahabw'embabazi za Kristo, mukaikiriza engiri etari nka i mwabandize kwikiriza; 7#Byak 15:24. ti habw'okugira ngu hariho endiijo ngiri; kureka hariho abantu abarikubarabanisamu, nibenda kuhindura engiri ya Kristo okundi. 8Kwonka ku haakugira owaababuurira engiri etari nka i twababuuriire, yaaba itwe n'obu yaakuba maraika orugire omu iguru, akyeenwe. 9Nk'oku twagambire ira, na hati nikwo ndikugamba nti: Omuntu weena orikubabuurira endiijo ngiri etari i mwaikiriize, akyeenwe. 10#1 Tes 2:4. Nimugira ngu niinyenda kusiimwa abantu nari okusiimwa Ruhanga? Nari shi, ninteeraho kushemeza abantu? Kuri noogira ngu ninkishemeza abantu, tinkubaire muhuuku wa Kristo.

Paulo okuhamya okwetwa kwe ku kutari kw'abantu

11B'eishe-emwe, nimbamanyisa nti, engiri ei naabuuriire ti y'abantu; 12ahakuba tindagihairwe muntu, kandi tindagyegyesiibwe, kureka nkagishuuruurirwa Yesu Kristo. 13Nimpamya ngu mukahurira aha by'emitwarize yangye eya ira omu diini ey'Abayudaaya, oku naarengyesereize kuhiiga ekanisa ya Ruhanga, ngu ngiihireho kimwe; 14#Byak 22:3. kandi nkahingurana omu diini y'Abayudaaya, n'okukira naakira baingi abu naanyetsire nabo omu ihanga ryangye, nyine obweziriki bwingi munonga bw'okugumya emigyenzo ya baatatenkuru. 15#Yer 1:5. Kwonka Ruhanga owaantooraine nkiri omu nda ya maawe, akanyeta ahabw'embabazi ze, 16ku yaasiimire kunshuuruurira Omwana we ngu mmurangye omu Banyamahanga, ahonaaho tindeehanwize ha bantu nyabuntu, 17n'obu kwakuba okwinamuka Yerusaalemu kwehanuuza aha ntumwa ezambandiize, kureka nkaza omuri Buharabu; bwanyima naagaruka Damasiko.

18 # Byak 9:26. Ku haahingwireho emyaka eshatu, nainamuka Yerusaalemu kureeba Keefa, naamara nawe ebiro ikumi na bitaano. 19#Mat 13:55. Kwonka omu zindi ntumwa tiinyine i naareebire kureka Yakobo murumuna wa Mukama waitu. 20Ebyo ebi naabahandiikira, nindahira omu maisho ga Ruhanga, tindikubeiha. 21#Byak 9:30. Bwanyima naaza omu mashaza ga Siria na Kilikia. 22Kandi omu biro ebyo amakanisa ga Kristo ag'omuri Buyudaaya gakaba gatakandeebire; 23kwonka bakaba nibahurira buhurizi abarikugira bati: Omuntu ogwo owaabaire naatuhiiga ira, hati naabuurira eby'ediini ei yaabaire ayenda kuhwerekyereza. 24Baahimbisa Ruhanga ahabwangye.

Currently Selected:

Abagalatia 1: RR64

Highlight

Copy

Compare