Omubuurizi 3

Ruhanga okuteekateekyera ekintu kyona obunaku bwakyo

1 # Mub 8:6. Buri kintu kiine ebiro byakyo, kandi ekyatairweho ahansi y'eiguru kyona kiine obunaku bwakyo:

2 # Yob 14:5; Heb 9:27. Obunaku bw'okuzaarwa, n'obunaku bw'okufa,

Obunaku bw'okubyara, n'obunaku bw'okukuura ebyabyairwe;

3Obunaku bw'okwit, n'obunaku bw'okukiza,

Obunaku bw'okusheenya, n'obunaku bw'okwombeka;

4 # Kur 15:20; 2 Sam 6:14; Rom 12:15. Obunaku bw'okurira, n'obunaku bw'okusheka,

Obunaku bw'okucura, n'obunaku bw'okuzina;

5 # 2 Bag 3:25; Isa 5:2; Yoel 2:16. Obunaku bw'okunaga amabaare, n'obunaku bw'okugarunda hamwe;

Obunaku bw'okufumbatana, n'obunaku bw'okwerinda kufumbatana;

6Obynaku bw'okusherura, n'obunaku bw'okubuza,

Obunaku bw'okubiika, n'obunaku bw'okunaga;

7 # Amo 5:13. Obunaku bw'okutaagura, n'obunaku bw'okubaziira,

Obunaku bw'okuhunama, n'obunaku bw'okugamba;

8 # Luk 14:26. Obunaku bw'okukunda, n'obunaku bw'okwanga,

Obunaku bw'obweme, n'obunaku bw'obusingye.

9 # Mub 1:3. Beitu omukozi atunga magoba ki omu bi ahendekyeire?

10 # Mub 1:13. Nkareeba emirimo ei Ruhanga yaahaire abantu kukora. 11#Mub 8:17; Kut 1:31; Rom 11:33. Buri kintu akakihanga kiri kirungi omu bunaku bwakyo; kandi yaata omu mitima y'abantu ebiteekateeko by'obunaku obutarihwaho, n'obu omuntu araabe atarikubaasa kumanya ebi Ruhanga yaakozire okwiha aha kutandika okuhitsya aha muheru. 12Nimmanya ku hatariho kirikubakiriira okushemererwa n'okukora gye ebiro byona ebi bariba bakiriho; 13#Mub 2:24. kandi ku kiri ekiconco kya Ruhanga aha muntu weena okurya n'okunywa n'okushemerererwa ebi arikufeera kubi byona. 14#Yak 1:17. Nimmanya ngu, eki Ruhanga akora kyona kiryagumaho ebiro byona; tihaine kirikubaasa kukyongyerwaho, nari okukituubyaho; kandi Ruhanga akakihanga atyo, ngu abantu bamutiine. 15#Mub 1:9. Ekiriho kirabaireho; ekiribaho nakyo kirabaireho; kandi Ruhanga agaruraho ekyabaire kihirweho.

16 # Mub 4:1; 5:8. Kandi nkareeba ahansi y'eizooba, omu mwanya gw'okucweramu emanja z'oburyo, harimu obubi; kandi omu mwanya ogwabaire gurimu okuhikiirira, harimu obubi. 17#Mub 3:1; Mat 16:27; Rom 2:6; 2 Kor 5:10. Nikwo kugira omu mutima gwangye nti: Ruhanga aryacwera abahikiriire n'ababi orubanja; ahabw'okuba buri kintu na buri murimo akabiteeraho obunaku bwabyo. 18Kandi naagira omu mutima gwangye nti: Ruhanga naagyeza abaana b'abantu, ngu babone kumanyiraho ku batari kindi kureka enyamaishwa. 19#Zab 49:12. Ahabw'okuba ekihika aha bantu, nikyo kihika aha nyamaishwa; nk'oku omuntu afa, nikwo n'enyamaishwa efa. Byona bigira emiikize emwe; omuntu taine ki akiza enyamaishwa, ahabw'okuba byona ni busha. 20#Kut 3:19. Byona biza omu mwanya gumwe; byona bikaruga omu mucuucu, kandi byona nimwo birigaruka. 21#Mub 12:7. N'oha orikumanya yaaba omwitsyo gw'omuntu gwinamuka ahaiguru, ogw'enyamaishwa gukashuuma omu itaka? 22#Mub 2:10; 10:14. Nikyo ndikureebera ngu tihariho kirikukirira omuntu okushemerererwa emirimo ye, ahabw'okuba ogwo nigwo mugabo gwe. N'oha owaakumugarura kureeba ebiribaho yaarugireho?

Currently Selected:

Omubuurizi 3: RR64

Highlight

Copy

Compare