Eky'Ebiragiro 9

Musa okwijutsya Abaisraeli oku baishebo baagomire

1 # Bir 7:1. Hurira, iwe Israeli! Noija kwambuka Yorudani eri izooba kunyaga amahanga agarikukukira ekitiinisa n'amaani, endembo mpango, ezeehinguririziibwe engo ezizitiire okuhika ahaiguru munonga, 2n'abantu bahango kandi baraingwa beene Anaki, abu orikumanya, kandi abu orahuriire nibagambaho bati: N'oha orikubaasa kuza aba Anaki omu kaso? 3#Bir 31:3; 7:24; 2 Tes 1:8. Eri izooba omanye ngu MUKAMA Ruhanga waawe niwe ogwo oraayambukye, akwebembeire nk'omuriro gurikurya busha; niwe araabacwekyereze, akabagomoorera omu maisho gaawe; naiwe oryababingamu, obahwerekyereze ahonaaho, nk'oku MUKAMA yaakugambiire.

4 # Ezk 36:32; Rom 11:6; 1 Kor 4:4; Bir 18:12. MUKAMA Ruhanga ku ariheza kubabinga, baakuruga omu maisho, otarigira omu mutima gwawe oti: MUKAMA andeetsire omu nsi egi kugikubuura ahabw'okuhikiirira kwangye; haza kunu MUKAMA abingire ago mahanga omu maisho gaanyu ahab'wobubi bwago. 5#2 Tim 1:9; Tit 3:5; Byak 13:32, 33. Torikuza omu nsi yaabo kugikubuura ahabw'okuhikiirira kwawe nari okugororoka kw'omutima gwawe, kureka ahabw'obubi bw'ago mahanga nikyo MUKAMA Ruhanga waawe arikubabingira omu maisho gaawe, kandi ngu abone kuhamya ekigambo eki yaarahiire naaraganisa baashwenkuru, Abrahamu, Isaaka na Yakobo.

6N'ahabw'ekyo omanye MUKAMA Ruhanga waawe ku atarikukuha nsi egi kugikubuura ahabw'okuhikiirira kwawe; ahabw'okuba ori eihanga ery'ebitsya bigangaire. 7#Kur 14:11; 16:2; 17:2. Oijukye, kandi oteebwa oku waitsize MUKAMA Ruhanga waawe ekiniga omu ihamba; okwiha aha izooba eri waarugiireho omu nsi ya Misri, n'okuhitsya obu muhikire aha, mukaba mugomera MUKAMA. 8#Kur 32:4. Kandi n'ahari Horebu mukaitsizaho MUKAMA ekiniga, yaabagirira ekiniga, yaayenda kubacwekyereza. 9Ku nainamukire aha rushozi kwakiira ebishate biri eby'amabaare, nibyo bishate by'endagaano ei MUKAMA yaaragaine naimwe, naamara ahari orwo rushozi ebiro makumi ana nyomushana na nyekiro; nkaba ntarya kintu kyona, n'obu kwakuba okunywa amaizi. 10MUKAMA yampa ebyo bishate bibiri by'amabaare ebihandiiikirweho orukumu rwa Ruhanga; bikaba biriho ebigambo byona ebi MUKAMA agambiire naimwe ahari orwo rushozi, ari ahagati omu muriro, aha izooba ry'okuteeraniraho. 11Ebyo biro makumi ana ku byahweire, MUKAMA yampa ebyo bishate bibiri by'amabaare, nibyo bishate by'endagaano; 12#Kur 32:7, 9. yangira ati: Imuka, orugye aha, orahukye oshuume; ahabw'okuba abantu baawe abu waihire Misri, beesiisire; baarahuka kuteishuka omuhanda, ogu naabaragiire kutoora; baayeheeshera ekishushani.

13Kandi MUKAMA yangira ati: Ndeebire eihanga eri, reeba n'eihanga ry'ebitsya bigangaire; 14#Kur 32:10. reka mbacwekyereze, eiziina ryabo ryebere kimwe ahansi y'eiguru, nkuhindure eihanga eririkubakiza amaani n'ekitiinisa. 15Naanye naahinduka, naaruga aha rushozi, kandi orwo rushozi rukaba nirwaka omuriro; ebyo bishate bibiri by'amabaare nkaba mbiine omu ngaro zombi. 16Ku naayetegyereize, naareeba mucumwire ahari MUKAMA Ruhanga waanyu, mweheesheire ekishushani ky'enyana omu zaabu, muteishukire omuhanda ogu MUKAMA yaabaire abaragiire kutoora. 17Naakwata ebyo bishate bibiri by'amabaare, ebyabaire bindi omu ngaro zombi, naabiteera ahansi, naabyatira omu maisho gaanyu. 18#Zab 106:23. Naagwa ahansi omu maisho ga MUKAMA nk'okubanza, okumara ebiro makumi ana nyomushana na nyekiro; tinaarya kintu kyona, n'obu kwakuba okunywa amaizi, ahabw'ekibi kyanyu kyona eki mwakozire, nimukora ekirikwangwa MUKAMA, kumwitsa ekiniga. 19#Kur 32:10, 11, 14; Zab 106:23; Amo 7:1-6. Ahakuba nkatiina ahabw'ekiniga n'okubiihirwa kwingi, ebi MUKAMA yaabagiriire, akenda kubacwekyereza. Kwonka omuri obwo bunaku nabwo MUKAMA yampurira. 20Kandi MUKAMA yaagirira Arooni ekiniga kingi, yaayenda kumwita; omuri obwo bunaku na Arooni nawe naamushabira. 21#Kur 32:20. Naakwata ekibi kyanyu, nikyo kishushani ky'enyana eki mwaheesire, naakyotsya omu muriro, naakihondahonda, naakisa, naakicwa obunono; esaano yaakyo naaginaga omu kagyera, akaabaire nikaruga omu rushozi.

22Kandi n'ahari Tabera na Maasa na Kibiroosi-hatava mukaitsa MUKAMA ekiniga. 23#Kur 13:3; 14:1; Heb 3:18, 19; 4:2. Kandi n'obu MUKAMA yaabatumira Kadeshi-barunea, naagira ati: Mwinamukye, mukubuure ensi ei mbahaire; nabwo mukagomera ekiragiro kya MUKAMA Ruhanga waanyu, timwamwikiriza, n'obu kwakuba okumuhurira. 24Mukaba mugomera MUKAMA, okwiha aha izooba eria naatandikiireho kubamanya.

25Ntyo naajuumara ahansi omu maisho ga MUKAMA, okumara ebiro makumi ana nyomushana na nyekiro, ahakuba MUKAMA akagamba ku arikwija kubacwekyereza. 26#Kur 32:11, 12; Enf 15:29; Yer 15:1. Naashaba MUKAMA nti: Ai Mukama RUHANGA, otacwekyereza abantu baawe, nibwo buhunguzi bwawe, abu waacungwize ekitiinisa kyawe, okabaiha omuri Misri n'omukono gw'amaani. 27Ijuka abairu baawe Abarahamu, Isaaka na Yakobo; oteeta aha bugangaazi bw'aba bantu, nari aha bubi bwabo n'ekibi kyabo; 28#Kut 41:57; Kub 14:16; Yos 7:7-9; Zab 115:1, 2. abantu b'omu nsi ei waatwihiremu batakaagira ngu: MUKAMA akaremwa kubahitsya omu nsi ei yaabaraganiise, kandi ngu, ahabw'okubanga, akabaihayo kubaitira omu ihamba. 29#Neh 1:10; Zab 95:7. Haza kunu bari abantu baawe, kandi obuhunguzi bwawe, abu waihireyo n'omukono gwawe ogw'amaani kandi ogubangire.

Currently Selected:

Eky'Ebiragiro 9: RR64

Highlight

Copy

Compare