Eky'Ebiragiro 29

Eby'okwehanangiriza n'okuhana

1Ebi nibyo bigambo by'endagaano, ei MUKAMA yaaragiire Musa kuragaana n'Abaisraeli omu nsi ya Moabu, ebyayongyeirwe aha ndagaano ei yaaraganiire nabo aha rushozi Horebu.

2Musa yaayeta Abaisraeli boona yaabagira ati: Mukareeba byona ebi MUKAMA yaakozire Faraho n'abaheereza be boona n'ensi ye yoona omu nsi ya Misri, omu maisho gaanyu, 3n'ebigyezo by'amaani n'obumanyiso n'eby'okutangaaza bikuru, ebi mwayereebeire. 4#Isa 63:17; Yoh 8:43; Rom 11:8; 2 Tes 2:11. Kwonka MUKAMA takabahaire mutima gw'okwetegyereza, nari amaisho g'okureeba, nari amatu g'okuhurira n'okuhitsya hati. 5#Bir 8:2. Kandi MUKAMA naagira ati: Nkamara emyaka makumi ana nimbeebembera omu ihamba; ebijwaro byanyu tibikabakuriireho, n'enkaito tizikabakuriire mu bigyere. 6Timukaryaga mugaati n'obu kwakuba okunywa viinyo nari eby'okunywa ebirikusinza, ngu mubone kumanya ku ndi MUKAMA Ruhanga waanyu.

7 # Kub 21:23. Kandi ku mwahikire omu mwanya ogu, Sihooni omugabe wa Heshibooni na Ogi omugabe wa Bashani baahurura kuturwanisa, twabasingura; 8#Kub 32:33. twanyaga ensi yaabo, twagiha Abareubeeni n'Abagaadi n'ekicweka ky'oruganda rwa Manaase kuba obuhunguzi bwabo. 9#1 Bag 2:3. N'ahabw'ekyo mukwate ebigambo by'endagaano egi, mubihitsye, mubone kutunga omugisha omu bi murikukora byona.

10Eri izooba mwena mwemereire omu maisho ga MUKAMA Ruhanga waanyu, abeebembezi b'enganda zaanyu, abakuru baanyu, abategyeki baanyu, abashaija boona ba Israeli, 11#Yos 9:21. abaana baanyu abato, abakazi baanyu n'abanyamahanga abari omu nsiisira zaanyu, okuruga aha barikubasheenyera enku okuhika aha barikubatahira amaizi, 12mureetsirwe kutaaha omu ndagaano ya MUKAMA Ruhanga waanyu, ei yaahamize naarahira, kandi ei arikuragaana naimwe eri izooba; 13abone kubahamya eri izooba kuba eihanga rye, nawe akaba Ruhanga waanyu, nk'oku yaabagambiire, kandi nk'oku yaarahiire naaraganisa baashwenkuriimwe, Abrahamu, Isaaka na Yakobo. 14#Yer 31:31. Kandi tiimwe mwenka abari aha abu ndikuragaana nabo egi ndagaano n'endahiro, 15#Byak 2:39. kureka n'abatari aha naitwe eri izooba, otaihiremu abari aha, abeemereire naitwe omu maisho ga MUKAMA Ruhanga waitu.

16Nimumanya oku twatwire omu nsi ya Misri, kandi n'oku twarabire omu mahanga agu mwarabiremu; 17mukareeba ebirikunugwa byabo n'ebishushani byabo ebirikuramibwa, eby'ebiti, eby'amabaare, eby'efeeza, n'eby'ezaabu, ebyabaire biri omuribo. 18#Heb 12:15. Mwerinde, omuriimwe hatarigira omushaija nari omukazi nari omuryango nari oruganda, ou omutima gwe gwateishuka gukaruga ahari MUKAMA Ruhanga waanyu, akaza kuheereza baaruhanga ab'ago mahanga, kandi hatarigira omuriimwe owaamerwamu omuzi ogurikwana ebyana ebirikushaarira nk'omuravunga; 19#Isa 30:1; Efe 4:19. akihurira ebigambo by'endagaano egi, akeehimbisa omu mutima gwe, naagira ati: Tiinyine ku ndiba, n'obu ndigumizamu n'obugangaazi bw'omutima gwangye; atyo akareetera ababisi n'aboomire kucwekyerera. 20#Ezk 14:7; Kur 32:33. Omuntu ogwo MUKAMA tarimusaasira, kureka ekiniga kya MUKAMA n'eihato rye biryamwakaho nk'omuriro omuri obwo bunaku, emikyeeno yoona ehandiikirwe omuri eki kitabo emubeho, kandi MUKAMA aryamaraho eiziina rye, ryebe ahansi y'eiguru. 21#Mat 24:51. MUKAMA aryamutoorana omu nganda za Israeli zoona abe engwerwakagwe, nk'emikyeeno yoona ey'omu ndagaano ehandiikirwe omu kitabo eki eky'ebiragiro oku eri. 22Kandi ab'obusingye oburiija, nibo baana baanyu abarikurataho, n'omunyaihanga oriruga omu nsi ya hare, baryataka ku barireeba ebibonaboneso by'ensi egyo n'endwara ezi MUKAMA agireetsireho, 23#Zab 107:34; Zef 2:9. kandi ku egyo nsi yoona ehindukire obuganga bw'ekibiriiti, n'omwonyo, n'eitaka erihiire nyamwenga, eritarikuhingwa, eritarikwera, n'obu kwakuba okumerwaho akanyaatsi, ecwekyereziibwe nka Sodoma, Gomora, Aduma na Zeboimu, ei MUKAMA yaagiriire ekiniga, akagicwekyereza agigwereirwe kubi; 24#1 Bag 9:8, 9. kandi buzima n'amahanga goona garyabuuza gati: Ahabw'enki MUKAMA agizire ati egi nsi? Eki kiniga kingi nikimanyisa ki? 25Abantu baryabagarukamu nibagira bati: Ahabw'okuba bakareka endagaano ya MUKAMA, Ruhanga wa baishenkurubo, ei yaaragaine nabo, obu yaabaiha omu nsi ya Misri; 26baagyenda, baaheereza baaruhanga abandi, abu baabaire batarikumanya, kandi abu MUKAMA yaabaire atabahaire, baabaramya. 27#Dan 9:11. Nikyo ekiniga kya MUKAMA kyakiire ahari egi nsi, kikagireetera emikyeeno yoona eyaahandiikirwe omuri eki kitabo. 28#2 Bus 7:20. Nikyo kyareeteire MUKAMA kubabiihirirwa, okubagwerwa kubi n'okubagirira ekiniga kingi, akabarandura omu nsi yaabo, akabanaga omu nsi endiijo, nk'oku kiri hati.

29 # Yob 11:6, 7; Amo 3:7; Byak 1:7; 2 Tim 3:16. Eby'emibonano n'ebya MUKAMA Ruhanga waitu, kwonka ebishuurwirwe n'ebyaitu n'oruzaaro rwaitu ebiro byona, ngu tubone kworobera ebigambo byona eby'ebiragiro ebi.

Currently Selected:

Eky'Ebiragiro 29: RR64

Highlight

Copy

Compare