Eky'Ebiragiro 1

Musa okubaijutsya ebyabaireho omu ihamba

1Ebi nibyo bigambo ebi Musa yaagambiire Abaisraeli boona bari seeri ya #1:0 Amakuru g'ekigambo “obwa kabiri” n'okugaruka omu Biragiro ebi Musa yaabandize kubaha, bakiri aha rushozi Sinai. Yorudani omu ihamba rya Araba ahashungaine na Suufu ahagati ya Parani, Tofeli, Labani, Hazeroosi na Dizahaabu.#1:0 Amakuru g'ekigambo “obwa kabiri” n'okugaruka omu Biragiro ebi Musa yaabandize kubaha, bakiri aha rushozi Sinai. 2Okuruga Horebu okuhika Kadeshi-barunea, orabire aha rushozi Seiri, n'orugyendo rw'ebiro ikumi na kimwe. 3#Kub 33:38. Omu mwaka gwa makumi ana omu kwezi kwa ikumi na kumwe, aha kiro kyakwo ky'okubanza, Musa akagambira Abaisraeli ebi MUKAMA yaamuragiire kubagambira byona, nk'oku byabaire biri; 4#Zab 135:11. yaabimugambira aherize kusingura Sihooni omugabe w'Abaamori, owaabaire atwire Heshibooni, na Ogi omugabe wa Bashani owaabaire atwire Ashitaroosi omuri Edurei; 5Musa yaatandika kushoboorora ebiragiro ebyo, ari omu nsi ya Moabu seeri ya Yorudani, naagira ati:

6MUKAMA Ruhanga waitu akatugambirira Horebu, naagira ati: Omwanya ogu mumazire ahari oru rushozi ni muhango munonga; 7muhindukye, mwimutsye orugyendo, muze omu nsi y'ebibungo ey'Abaamori n'ahandi hoona ahahereraine naho, omuri Araba, n'omu nsi y'ebibungo, n'omu mpita, na Negebu n'omu mpita z'aha rubaju rw'Enyanja Empango, omu nsi y'Abanyakanaani, n'aha rushozi Lebanooni, muhikye n'aha mugyera muhango Furaati. 8Reeba, egyo nsi ngitaire omu maisho gaanyu; mugizemu, mukubuure egyo nsi ei MUKAMA yaarahiire kuha baashwenkuriimwe, Abarahamu na Isaaka na Yakobo, na baijukuru baabo abarikurataho.

9 # Kub 11:14. Naanye obwo nkabagira nti: Tindikubaasa kubaheeka nyenka; 10#Bir 10:22. MUKAMA Ruhanga waanyu abakanyiise; reeba hati muri baingi nk'enyonyoozi z'omu iguru. 11MUKAMA Ruhanga wa baashwenkuriimwe abakanyise emirundi rukumi okukira oku muri, kandi abahe omugisha, nk'oku yaabaraganiise. 12#1 Bag 3:7; 2 Kor 11:28. Nimbaasa nta kwemera oburemeezi bwanyu n'empaka zaanyu ebirikumpenda? 13Mutoorane abanyabwengye, abarikwetegyereza kandi abarikumanywa, nk'enganda zaanyu oku ziri, mbateho kuba abeebembezi baanyu. 14Mwangarukamu muti: Ebi waagamba ni birungi itwe kubikora. 15Naanye nikwo kutwara abakuru b'enganda zaanyu, abanyabwengye kandi abarikumanywa, nkabahindura abeebembezi baanyu, abamwe kutegyeka buri omwe rukumi, abandi igana, abandi ataano n'abandi ikumi, kandi n'abakuru b'engabo, nk'oku enganda zaanyu ziri. 16#Yoh 7:24. Kandi obwo nkeehanangiriza abaramuzi baanyu, ningira nti: Mugume muhurire ebi beene waanyu barikufa, mucwere omuntu na mwene ishe n'omunyaihanga otwire nawe emanja z'oburyo. 17#Enf 24:23; Yak 2:1; Kur 18:22. Omu kucwa emanja kwanyu mutarishoroora omu bantu; muhurire abataine kitiinisa n'abakiine nimubainganisa; mutaritiina amaisho g'omuntu, ahabw'okuba okucwa orubanja n'okwa Ruhanga; kandi emanja eziribarema, mugume muzindeetere, naanye ndyazihurira. 18Kandi omu bunaku obwo nkabaragiira byona ebi mushemereire kukora.

19 # Bir 8:15; Yer 2:6. Bwanyima twaruga Horebu, twaraba omuri eryo ihamba ryona erihango eririkutiinisa, eri mwareebire nimuza omu nsi y'ebibungo y'Abaamori, nk'oku MUKAMA Ruhanga waitu yaaturagiire; twahika Kadeshi-barunea. 20Ku twahikireyo, naabagira nti: Mwaija omu nsi y'ebibungo ey'Abaamori, ei MUKAMA Ruhanga waitu arikutuha. 21#Isa 43:1, 2; Luk 12:32; Heb 13:6. Reeba, MUKAMA Ruhanga waanyu ataire egyo nsi omu maisho gaanyu; mwinamukye, mugikubuure, nka MUKAMA Ruhanga wa baashwenkuriimwe oku yaabagambiire; mutatiina, n'obu kwakuba okuhahaaza omutima. 22Bwanyima mwena mwanyirira haihi, mwagira muti: Ka tutume abantu batubandizeyo, batutatire ensi, bagarukye batugambire omuhanda ogu turaatoore nitwinamuka, n'endembo ezi turaahikyemu. 23Ekigambo ekyo kyangwisa gye munonga, naabaihamu abantu ikumi na babiri, omwe omuri buri ruganda. 24Baahinduka, bainamuka omu nsi y'ebibungo, baahika omu ruhanga rwa Eshikooli, baarutata. 25Baiha aha bijuma by'egyo nsi, baabitureetera omu ngaro zaabo, kandi baatureetera n'enkuru nungi nibagira bati: Ensi ei MUKAMA Ruhanga waitu arikutuha ni nungi.

26 # Kub 14:1-4. Kwonka imwe mwayanga kwinamuka, mwagomera ekiragiro kya MUKAMA Ruhanga waanyu; 27mwayetomboitera omu mahema gaanyu nimugira muti: Ruhanga ahabw'okutwanga akatwiha omu nsi ya Misri okutuhayo omu mikono y'Abaamori kutucwekyereza. 28#Bir 9:1, 2. Nitwinamuka hi? Beene waitu batumazire omutima omunda nibagira bati: Abo bantu ni bahango kandi ni baraingwa nibatukira; endembo zaabo ni mpango, kandi zeehinguririziibwe engo ezizitiire okuhika ahaiguru munonga; kandi tureebireyo beene Anaki. 29Naanye nikwo kubagumya nimbagira nti: Mutagira obwoba, kandi mutabatiina. 30#Kur 14:14; Neh 4:20. MUKAMA Ruhanga waanyu orikubeebembera niwe araabarwanirire, nk'ebi yaabakoreire omuri Misri byona nimureeba, oku byabaire biri, 31#Isa 46:3, 4; 63:9. kandi n'omu ihamba ahu mwareebeire oku MUKAMA Ruhanga waanyu yaabaheekire, omu muhanda gwona ogu mwarabiremu okuhika aha, nk'oku omuntu aheeka omwana we. 32Kwonka n'obu ndaabe naabagambiire ekyo, timuraikiriize MUKAMA Ruhanga waanyu, 33#Zab 78:14. owaabeebembeire omu muhanda kubasherurira omwanya gw'okuteeramu amahema gaanyu, ari omu muriro nyekiro n'omu kicu nyomushana, kubahabura omuhanda ogu muraatooremu.

34 # Zab 95:11. MUKAMA yaahurira ebigambo byanyu, yaagira ekiniga, yaarahira ati: 35Buzimazima tihariho n'omwe omuri aba bantu ab'obusingye obu obubi orireeba egyo nsi nungi ei naarahiire kuha baashwenkuriimwe, 36kureka Kalebu mwene Yefune niwe arigireeba; kandi ensi ei yaaribatsiremu ndyagimuha n'abaana be, ahabw'okuba kakuratirira kimwe MUKAMA. 37#Kub 27:14; Bir 3:26. Kandi naanye MUKAMA akangwerwa kubi ahabwanyu, yaagira ati: Naiwe torigihikamu. 38#Bir 31:7, 23. Kwonka Yoshua mwene Nuuni, omuheereza waawe niwe aritaahamu; omugumye, ahakuba niwe arihunguza Abaisraeli egyo nsi. 39#Ezk 18:20. Kandi abaana baanyu abato abu mwagizire ngu baryaba eminyago, n'abaana baanyu abatakamanyire kirungi nari kibi, nibo barigitaahamu, kandi nibo ndigiha bakagikubuura. 40Kwonka imwe muhindukye mugarukye omu ihamba, mutoore omuhanda ogurikuza aha Nyanja erikutukura.

41Bwanyima mwangarukamu nimugira muti: Tucumwire ahari MUKAMA; nitwija kwinamuka, turwane nk'ebi MUKAMA Ruhanga waitu yaaturagiire byona oku biri. Buri omuntu weena omuriimwe yaahagatira eby'okurwanisa bye, mwateekateeka ngu nikirahuka kwinamuka omu nsi y'ebibungo. 42MUKAMA yangira ati: Obangirire oti: Mutainamuka, kandi mutarwana; ahakuba tindi muriimwe, mutakaitwa bazigu baanyu. 43#Kub 14:44, 45. Ntyo naabibagambira, kwonka timwabihurira, mwagomera ekiragiro kya MUKAMA, mwainamuka n'ekigaazo omuri egyo nsi y'ebibungo. 44#Bir 32:30. Abaamori abaabaire bagitwiremu baija kubarwanisa, baababinga nk'enjoki, baabaitira Seiri, baabahitsya Horuma. 45#Zab 66:18; Isa 1:15; Yer 11:7-14. Mwagaruka, mwarira omu maisho ga MUKAMA; kwonka MUKAMA tiyaabeetaho n'obu kwakuba okubatega okutu. 46Mutyo mwamara ebiro bingi muri Kadeshi, nk'ebiro ebi mwamazireyo oku byabaire nibiingana.

Currently Selected:

Eky'Ebiragiro 1: RR64

Highlight

Copy

Compare