2 Timoseo 2

Omukristaayo oku ashemereire kwemera oburemeezi omu magara ge

1Mbwenu nu, mwana wangye, guma ori ow'amaani omu mbabazi eziri omuri Kristo Yesu; 2kandi ebi waahuriire ningamba omu maisho ga baakareebi baingi, obikwatse abantu abarikwesigwa, abaribaasa kubyegyesa abandi. 3#2 Tim 4:5. Okwatanise naanye omu kwemera obusaasi nk'omuserukare murungi owa Kristo Yesu. 4Tihariho muserukare oza kurwana, akeetaasya omu mirabanamu ey'amagara aga, ngu asiimwe owaamuhandiikiire obuserukare. 5#2 Tim 4:8. Kandi omuzaani orikuhakana omu mpaka taheebwa kirunga kureka yaazaana nk'ebiragiro by'okuzaana oku biri. 6#1 Kor 9:7. Omuntu empingi niwe ashemereire kuba ow'okubanza omu kutogyera ebi ahingire. 7Ta omutima aha bi ndikugamba; ahakuba Mukama naija kukuha okushoborokyerwa byona.

8Guma oijukye Yesu Kristo owaazookire omu bafu, mwijukuru wa Daudi, nk'engiri ei naahairwe oku egamba; 9#Fil 1:12-14. niyo ngiri ei barikumbonaboneseza, kandi ei mboheirwe nk'enkozi y'bibi. Kwonka ekigambo kya Ruhanga kyo tikibohirwe. 10#Kol 1:24. N'ahabw'ekyo ningumisiririza byona ahabw'abatoorainwe, ngu nabo batungye okujunwa n'ekitiinisa ekitahwaho ebiri omuri Kristo Yesu.

11 # 2 Kor 4:11. Ekigambo eki n'eky'okwesigwa ngu,

Ku turaabe twafiire hamwe nawe, turyaba abahuriire hamwe nawe;

12Ku turigumisiriza, turyayema tutegyekye nawe;

Ku turimwehakana, nawe aryatwehakana;

13 # Kub 23:19. N'obu tutamwesiga, We aguma ari omwesigwa,

Ahakuba We tabaasa kuhinduka.

Okwerinda empaka za busha

14Ebyo ogume obibaijutsye, noobeehanangiriza omu maisho ga Mukama kwetantara okuhakana aha bigambo okutaine mugasho, kureka okurikugwisa abarikukuhurira. 15#1 Tim 4:6. Oyezirikye kweyoreka ahari Ruhanga nk'orikusiimwa, omukozi otashemereire kukwatwa nshoni, orikushoboorora gye ekigambo ky'amazima. 16Oyetantare okuregyeta okutarimu kutiina Ruhanga, ahakuba nikwongyera kureetera abantu kutamutiina; 17#1 Tim 1:20. kandi ebigambo byabo biryarima nk'ekishebe ekirikutana. Omuri abo ni Himenaayo na Fileeto, 18abaateishukire amazima, nibahamya ngu okuzooka kukaheza kuhwaho, bakajuumikirira kimwe okwikiriza kw'abamwe. 19#Kub 16:5; Yoh 10:14. Kwonka omusingi gwa Ruhanga oguhamire guriho, gwine akamanyiso aka ngu, Mukama naamanya abe; kandi ngu, Omuntu weena orikugamba eiziina rya Mukama arugye omu bubi.

Ebishemereire omuheereza wa Mukama

20Omuri nyaruju tihabamu bintu by'ezaabu n'efeeza byonka, kureka n'eby'ebiti n'eby'eibumba; ebimwe bikoresibwa emirimo y'ekitiinisa, ebindi erikugaywa. 21#2 Tim 3:17. Omuntu weena ku arikweshemeza yaatetaanisa n'ebyo, aryaba orwabya rw'okukoresa omurimo gw'ekitiinisa, orweziibwe, orutebeekanisiibwe ahabw'omurimo gwona omurungi. 22#1 Tim 6:11. N'ahabw'ekyo oyetantare okwetenga okubi kw'obutsigazi, okuratire okuhikiirira, okwikiriza, okukunda n'obusingye hamwe na boona abatakira Mukama n'omutima ogushemeire. 23Kwonka empaka z'obushema ezitaine buryo ozeetantare, noomanya ku zizaarukwamu okutongana. 24#Tit 1:7. Kandi omuhuuku wa Mukama tashemereire kuba entongani, kureka orikutwaza gye ahari boona, orikurahukirwa kwegyesa, orikugumisiriza, 25orikuhana n'obucureezi abarikumuhakanisa, ngu ku kiraabe nikibaasika, Ruhanga abahe okweteisa, bamanyire kiwme amazima, 26basinduukye barugye omu mutego gwa Sitaane, owaabaire abakwatsire, babone kukora ebi Ruhanga akunda.

Currently Selected:

2 Timoseo 2: RR64

Highlight

Copy

Compare