2 Samueli 22
22
Daudi okusiima MUKAMA ahabw'okujunwa
1 #
Kur 15:1; Bir 32:4; Bar 5:1; 1 Bus 16:7; Zab 18:2-50; 31:3; 71:3; 91:3. Aha izooba eri MUKAMA yaajuniireho Daudi omu mikono y'abazigu be boona, n'omu mukono gwa Saulo, Daudi akagambira MUKAMA ebigambo by'ekyeshongoro eki, 2naagira ati:
MUKAMA n'orukiri rwangye, orugo rwangye orugumire, kandi Omujuni wangye,
3 #
2 Sam 22:31; Kut 15:1; Zab 9:9; 14:6; 59:9, 16, 17; Enf 18:10; Yer 16:19; Luk 1:69; Heb 2:13. Ruhanga wangye, orukiri rwangye, ou nyesiga,
Omunaara gwangye omuraingwa, n'obuhungiro bwangye;
Omujuni wangye, niiwe onkiza omwaga.
4 #
Zab 48:1. Ndyatakira MUKAMA oshemereire kuhimbisibwa;
Obwo nibwo ndikira abazigu bangye.
5 #
Zab 42:7; Yon 2:2, 3. Ebingonzi bya Rufu bikanzingazinga,
N'emyegyemure y'okuhwerekyerera yantiinisa;
6 #
Zab 116:3, 4. Emigoye y'Okuzimu ekanzingazinga,
Emitego ya Rufu yantanga omumaisho.
7 #
Zab 120:1. Omu busaasi bwangye naayeta MUKAMA,
Naatakira Ruhanga wangye;
Yaahurira eiraka ryangye ari omuri hekalu ye,
N'okurira kwangye kwahika omu matu ge.
8 #
Zab 77:18; Bar 5:4. Bwanyima ensi yaatengyeta, yaatetema;
N'emisingi y'eiguru yaanyiganyiga,
Yaatengyetsibwa ekiniga kye.
9Omwika gukaruga omu nyindo ze,
N'omu kanwa ke haarugamu omuriro ogurikurya busha,
Gwayatsya amakara.
10 #
Zab 144:5, 6; Kur 20:21. Kandi akainamya eiguru, yaashuuma,
Omwirima ndindindi guri ahansi y'ebigyere bye.
11 #
Zab 104:3. Yaagaruka aheekirwe kerubi,
Yaareebwa ari aha mapapa g'omuyaga.
12Akahindura omwirima obweshereko, nk'eihema erimwehinguririize,
N'ebicu ebikwaitse ebirimu amaizi yaabigira eky'okumusangira
13Omu kumurinkana okwabaire kuri omu maisho ge
Haarugamu amakara garikwaka.
14 #
Yob 37:4. MUKAMA yaahindira omu iguru,
Rukira-boona yaagamba n'eiraka rye.
15 #
Hab 3:11; Bir 32:23. Yaarasha emyambi ye, yaabataataanisa,
Niyo mirabyo ye mingi, yaababinga.
16 #
Kur 15:8. Obwo nibwo empanga z'ahansi y'enyanja zaareebwa,
N'emisingi y'ensi ekashuuruuka
Ahabw'okukabuka kwa MUKAMA,
Ahabw'okuhuuha kw'amaani okw'omwitsyo gw'omu nyindo zaawe.
17 #
Zab 144:7. Yankununkirira ari ahaiguru, yankwata,
Yaanyiha omu maizi maingi.
18Yankiza omuzigu wangye ow'amaani,
N'abo abaabaire nibaanyanga, ahakuba bakaba nibankiza amaani.
19Bakampururira aha izooba ry'okureeberaho enaku;
Kwonka MUKAMA yaaba obwegamo bwangye.
20 #
Zab 31:8; 118:5; 2 Sam 15:26. Yaaziinyihamu, yanta omu mwanya ogugarami,
Yanjuna, ahabw'okuba akaba nanshemerererwa.
21 #
Zab 7:8; 24:4; 1 Bag 8:32. MUKAMA akampa ebihembo nk'okuhikiirira kwangye oku kuri,
Yanzimuurira nk'okushemera kw'emikono yangye oku kuri.
22 #
Kut 18:19; Enf 8:32. Ahakuba nkagumira omu mihanda ya MUKAMA,
Kandi tinkacumuraga kuruga ahari Ruhanga wangye.
23 #
Zab 119:30, 102. Ebiragiro bye byona bikaba biri omu maisho gangye;
Tinkeetantaraga bi yaaragiire.
24 #
Yob 1:1; Kut 6:9; 17:1. Nkaba ntaine ky'okuhanwa omu maisho ge,
Kandi nkeerinda okushiisha.
25Nikyo MUKAMA yaanyihuriire, nk'okuhikiirira kwangye oku kuri,
Akanzimuurira ebishemereire okushemera kw'emikono yangye omu maisho ge.
26 #
Mat 5:7. Aha munyambabazi oyeyoreka ori ow'embabazi,
Ahari ohikire oyeyoreka ori ohikire;
27Ahari oshemeire oyeyoreka ori oshemeire,
Aha mugomi oyeyoreka ogumire.
28 #
Zab 72:12, 13; Isa 2:11, 12, 17; Luk 1:51. Ojuna abacureezi,
Kwonka amaisho gaawe gari aha banyamaryo okubagarura ahansi.
29 #
Zab 27:1; Yob 29:3. Eego, niiwe okongyeza etabaaza yangye, ai MUKAMA;
Ruhanga wangye ayakira omwirima gwangye.
30Eego, ahabwawe nimbaasa kurwanisa omutwe gw'engabo;
Ahabw'okuhwerwa Ruhanga wangye nimbaasa kuguruka orugo.
31 #
Zab 5:12; 12:6; 84:9; Enf 30:5; Mat 5:4. Ruhanga ogwo, omuhanda gwe n'oguhikire,
Okuraganisa kwa MUKAMA kurengirwe, n'okw'amazima.
Niwe ngabo ekingira abamuhungiraho boona.
32Mbwenu n'oha oba Ruhanga, otari MUKAMA?
N'oha oba Rukiri, otari Ruhanga waitu?
33 #
Zab 28:8. Ruhanga ogu n'obuhungiro bwangye obugumire;
Niwe ahabura abahikire omu mihanda yaabo.
34 #
Bir 32:13; Isa 58:14. Agira ebigyere byangye nk'eby'empara,
Anyemereza aha nengo mpamire.
35 #
Zab 144:1. Ayegyesa engaro zangye okurwana,
Ngu emikono yangye ebaase kureega obuta bw'emiringa.
36Ompaire engabo y'okujuna kwawe,
Okutwaza gye kwawe kunkurize.
37 #
Enf 4:12. Ompanguhiize ah'okuraba,
Ebigyere byangye tibyaterera.
38Nkakurata abazigu bangye, naabahwerekyereza;
Kandi tindagarukire okuhitsya obu baahweireho.
39Naabamaraho nimbacumita, tibaabaasa kwimuka;
Baagwa ahansi y'ebigyere byangye.
40Ahakuba okanzirika amaani g'okurwana,
Waagomoora abaabaire nibaija kundwanisa.
41 #
Kur 23:27. Okareetera abazigu bangye kumpunga,
Kandi n'abaabaire nibaanyanga naabacwekyereza.
42 #
1 Sam 28:6; Enf 1:28; Mik 3:4. Baamagamaga, kwonka baabura kijuna;
Baatakira MUKAMA, tiyaabagarukamu.
43 #
Mik 7:10. Naabateera, naabagira omucuucu gw'ahansi;
Naabaribatiirira nk'ebyondo by'omu nguuto.
44 #
2 Sam 8:1-14. Okankiza okurwana n'amahanga,
Wandinda ngu mbe mukuru waago;
Naaheerezibwa eihanga eri ntakamanyaga.
45 #
Bir 33:29. Abanyamahanga baija ahi ndi nibaajura;
Ku bampuriire bati, ahonaaho baanyorobera.
46 #
Zab 89:26; 95:1; Bir 32:15. Abo banyamahanga bakeehwa amatsiko,
Baaruga omu bigo byabo nibatetema.
47MUKAMA n'ohuriirre; Rukiri wangye ahimbisibwe!
Ruhanga orukiri rw'okujunwa kwangye aheebwe ekitiinisa!
48 #
Zab 144:2. Niwe Ruhanga owampooreire,
Akangomoorera amahanga,
49 #
Zab 140:1. Akaanyiha omu mikono y'abazigu bangye.
Eego, okanta ahaiguru y'abarikundwanisa,
Waanyiha omu mikono y'abanyamwaga.
50 #
Zab 89:20, 29; 2 Sam 7:12, 13; 1 Sam 16:12, 13. N'ahabw'ekyo, ai MUKAMA, ndyakusiimira omu mahanga,
Nyeshongore eby'okuhimbisa eiziina ryawe.
51Omugabe ou yaataireho, amuha obusinguzi bwingi,
Kandi ayoreka ou yaashukireho amajuta embabazi,
Niwe Daudi n'abaijukuru ebiro n'ebiro.
Currently Selected:
2 Samueli 22: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
