2 Eby'omu Busingye 12
12
Omugabe wa Misri okuteera Yuda n'okunyaga eby'omuri hekalu
1 #
1 Bag 14:22-24; 2 Bus 11:17; 26:16. Obugabe bwa Rehoboamu ku bwaherize kuhama n'okuba obw'amaani, we n'Abaisraeli boona baareka kukuratira ebiragiro bya MUKAMA. 2#1 Bag 11:40; 14:25. Bwanyima omu mwaka gwa kataano ogw'omu busingye bwe Shishaki omugabe wa Misri akainamuka, yaateera Yerusaalemu, 3aine ebigaari rukumi na magana abiri, n'abarikugyendera aha mbaraasi obukumi mukaaga; n'abantu abarugire nawe Misri bakaba batarikubarwa, bari aba Libya, aba Sukimu n'aba Esiopia. 4#2 Bus 11:5-12. Yaakwata endembo ezeehinguririziibwe engo z'amabaare, yaahika Yerusaalemu. 5#1 Bag 12:22; 2 Bus 11:2; 15:2. Ku yaahikireyo, Shemaaya nabi yaija ahari Rehoboamu n'aha bategyeki ba Yuda, abaabaire bateeraniire Yerusaalemu ahabwa Shishaki, yaabagira ati: Oku nikwo MUKAMA arikugamba naagira ati: Ondugireho, mbwenu naanye naakurekurira Shishaki. 6Ahonaaho abategyeki ba Israeli n'omugabe baayecureeza, nibagira bati: MUKAMA niwe ahikiriire. 7#1 Bag 21:29; 2 Bus 7:14; 34:25. MUKAMA ku yaareebire baayecureeza, ekigambo kye kyaizira Shemaaya nikigira kiti: Beecureize; n'ahabw'ekyo tinkibahwerekyereza; kureka niinyija kugira eki naabajuna, kandi ekiniga kyangye tikirikwija kushukwa hari Yerusaalemu kuteerwa Shishaki. 8#Bir 28:47, 48; Isa 26:13. Kwonka nibaija kuba abairu be, babone kumanya obutegyeki bwangye, n'obw'abagabe b'ezo nsi.
9 #
1 Bag 14:25-28. Atyo Shishaki omugabe wa Misri yaateera Yerusaalemu, yaanyaga ebintu by'obuguzi bwingi eby'omu nju ya MUKAMA, n'eby'omu nju ya MUKAMA, n'eby'omu nju y'omugabe; yaatwara ebintu byona. Kandi yaatwara n'engabo z'ezaabu ezi Sulemaani yaabaire aheesire;#2 Bus 9:15, 16. 10bwanyima omugabe Rehoboamu yaaheesha ezindi z'emiringa omu mwanya gwazo, yaazibiitsya abakuru b'abarinzi, abaabaire barinda orwigi rw'enju y'omugabe. 11Obutoosha omugabe ku yaabaire aza omu nju ya MUKAMA, abo barinzi baija, bazihagatira, bwanyima bazigarura omuri egyo nju y'abarinzi. 12#2 Bus 19:3. Ku yaayecureize, ekiniga kya MUKAMA kyamurugaho, ngu arekye kumucwekyerereza kimwe; kandi omuri Yuda ebintu bikaba biriho gye.
13Atyo omugabe Rehoboamu yaayegaruramu amaani, yaategyeka. Rehoboamu akaba aine emyaka makumi ana na gumwe, obu yaatandika kutegyeka; yaategyekyera emyaka ikumi na mushanju omuri Yerusaalemu, orurembo oru MUKAMA yaatooraine omu nganda zoona ez'Abaisraeli kuba nimwo yaata eiziina rye. Nyina akaba naayetwa Naama omuamoni. 14Akakora kubi, ahabw'okuba tarataire mutima aha kusherura MUKAMA.
15 #
1 Bag 14:29. Mbwenu ebi Rehoboamu yaakozire okwiha aha kutandika okuhitsya aha muheru, tibihandiikirwe omu kitabo ky'ebyabaireho ekya Shemaaya nabi, n'ekya Ido omuhanuuzi? Kandi hakaba habaho obweme ahagati ya Rehoboamu na Yeroboamu. 16#1 Bag 14:31. Bwanyima Rehoboamu yaagwejegyera, yaashanga baishenkuru, yaaziikwa omu rurembo rwa Daudi; Abiya omutabani yaategyeka omu mwanya gwe.
Currently Selected:
2 Eby'omu Busingye 12: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
