1 Abakorinso 16

Eby'okuhwera abarikwera

1 # Byak 11:29. Ebirikukwata aha kuteeranira abarikwera empiiha, nk'oku naaragiire amakanisa ag'omuri Galatia, naimwe mube nikwo mwagira. 2Aha kiro ky'okubanza omu saabiiti, buri muntu omuriimwe agume abiikye omu ka ye ebi arikubaasa aha bi atungire, ku ndiba naizire, harekye kubaho okuteerana empiiha. 3Ku ndihika okwo, abu muriha ebaruha z'okubasiima, nibo ndyohereza kutwara ebiconco byanyu Yerusaalemu. 4Kandi naanye ku kiriba kinshemereire kugyenda, turyagyendana.

Enaama za Paulo n'okuramutsya kwe

5 # Byak 19:21. Kwonka ndyabataayaayira ninduga Makedeonia; ahabw'okuba ndyarabayo; 6kandi shana ndyaguma naimwe, obundi nkaamarirayo n'ebiro by'embeho, mubone kunshendekyereza ahi ndiza hoona. 7Ahakuba tindikwenda kubarabyaho amaguru hati; ahabw'okuba nyine amatsiko g'okumara naimwe ebiro, Mukama ku arikunda. 8Kwonka ndyaguma omuri Efeso okuhitysa aha kiro kya Pentekoote; 9#2 Kor 2:12; Kush 3:8. ahakuba nyiguriirwe orwigi ruhango kuza omu mirimo ey'omugasho; kwonka abarikundwanisa ni baingi.

10 # 1 Kor 4:17; Fil 2:20. Timoseo ku ariija owaanyu, mumwakiire abone kugma naimwe ataine bwoba, ahakuba naakora omurimo gwa Mukama nkaanye; 11#1 Tim 4:12. n'ahabw'ekyo hatarigira owaamugaya; mumushendekyereze n'obusingye, abone kugaruka ahi ndi; ahabw'okuba mmutegyereize kwija hamwe n'ab'eishe-emwe.

12 # 1 Kor 1:12; 3:6. Eby'ow'eishe-emwe Apolo nkamweshengyereza munonga kubataayaayira n'ab'eishe-emwe; #16:12 Nari: kwonka tiyaayendera kimwe kwija hati. kwonka Ruhanga tasiimire ku aija hati; kureka aryaija yaabona omwanya.

13 # Efe 6:10. Mugume nimureeba, muhamire omu kwikiriza, murwane mashaija, mugume n'amaani. 14Byona ebi murikukora, mubikorese rukundo.

15 # 1 Kor 1:16. Kandi, B'eishe-emwe, nimumanya ab'omu ka ya Stefana, ku nibo baabandize kuhinduka omuri Akaya, bakeehayo kuheereza abarikwera. 16#Fil 2:29. Nimbeehanangiriza kworobera abari nk'abo, n'ondiijo weena orikukwatanisa n'abandi omu mirimo n'obweziriki. 17Kandi nyine okushemererwa ahabw'okwija kwa Stefana na Forutunaato na Akaiko; ahabw'okuba bammazire orushusho oru naabaire mbainiire; 18#1 Tes 5:12. ahakuba bakaruhuura omwoyo gwangye n'ogwanyu. N'ahabw'ekyo abari nk'abo mubamanye. 19Amakanisa g'omuri Asia gabaramutsya. Akula na Pruskila n'ekanisa eteeranira omu ka yaabo baabaramutsya munonga omuri Mukama. 20Ab'eishe-emwe boona baabaramutsya. Muramukanise okunywegyerana okurikwera.

21 # 2 Tes 3:17. Oku nikwo kuramutsya kwangye, Paulo, oku naahandiika n'omukono gwangye nyenka. 22#Gal 1:8, 9. Ku haraabe hariho omuntu otarikukunda Mukama, akyeenwe. Mukama waitu naija. 23Embabazi zigume naimwe. 24Okukunda kwangye kugume naimwe mwena omuri Kristo Yesu. Amiina.

Currently Selected:

1 Abakorinso 16: RR64

Highlight

Copy

Compare