1 Eby'omu Busingye 7

1 # Kut 46:13; Kub 26:23. Batabani ba Isakaari: Toola, Pua, Yashubu, na Shimirooni, boona bana. 2#2 Sam 24:1, 2, 9. Batabani ba Toola: Uuzi, Refaaya, Yerieli, Yahumai, Ibusaamu na Shemueli, abakuru b'amaju ga baishenkurubo, nibo beene Toola, abaabaire bari abarwani b'amaani omu biro byabo; omu busingye bwa Daudi omubaro gwabo bakaba bari obukumi bubiri n'enkumi ibiri na magana mukaaga. 3Mutabani wa Uuzi: Izurahia. Batabani ba Izurahia: Mikaeli, Obadia, Yoeli na Ishia, boona bataano bakaba bari abantu bakuru; 4kandi omuribo, nk'okukuratana kw'oruzaaro rw'amaju ga baishenkurubo oku kwabaire kuri, hakaba harimu emitwe y'engabo z'okuza aha rugamba obukumi bushantu n'enkumi mukaaga, ahabw'okuba bakaba baine abakazi baingi n'abaana b'aboojo baingi. 5Kandi beene waabo ab'omu miryango yoona y'Abaisakaari bakaba bari abarwani obukumi munaana n'enkumi mushanju, nk'oku baahandiikirwe omu kitabo ky'okuzaarwa kwabo. 6#Kut 46:21; Kub 26:38; 1 Bus 8:1-40. Batabani ba Benyamiini: Beela, Bekeri na Yedieli, bashatu. 7Batabani ba Beela: Ezibooni, Uuzi, Uzieli, Yerimoosi na Iiri, bataano, abakuru b'amaju ga baishenkurubo, kandi abarwani b'amaani; bakaba bari obukumi bubiri n'enkumi ibiri na makumi mukaaga na bana, nk'oku baahandiikirwe omu kukuratana kw'oruzaaro rwabo. 8#1 Bus 6:60. Batabani ba Bekeri; Zemira, Yoasi, Eliezeeri, Elio-enai, Omuri, Yeremoosi, Abiya, Anatoosi na Alemeesi. 9Abo boona bakaba bari beene Bekeeri; omu kubarwa kw'okukuratana kw'oruzaaro rw'abakuru b'amaju ga baishenkurubo nk'oku kwabaire kuri, bakaba bari abarwani b'amaani obukumi bubiri na magana abiri. 10Mutabani wa Yedieli: Biluhaani: Yeushi, Benyamiini, Ehudi, Kenaana, Zesaani, Tarushiishi na Ahishahaari. 11Abo boona bakaba bari beene Yedieli; omu kubarwa kw'abakuru b'amaju ga baishenkurubo abashaija abarwani b'amaani baaba kakumi n'enkumi mushanju na magana abiri, abeeteekateekire kuza aha rugamba. 12Shupimu na Hupimu beene Iiri, Hushimu mwene Aheri.

13 # Kub 26:48-50. Batabani ba Nafutaali: Yahazieli, Guuni, Yezeri na Shalumu, ab'oruzaaro rwa Biluha. 14#Kub 26:29-33. Batabani ba Manaase: Asirieli owaazairwe ekinyanshunju Omunyaaramu; kandi niwe yaazaire Makiri ishe wa Gileadi.#Yos 17:1. 15#Kub 27:1; 36:11. Makiri yaashwererera Hupimu na Shupimu. Munyaanya akaba naayetwa Zelofehaadi; kandi Zelofehaadi ogwo akazaara abaishiki bonka. 16Maaka muka Makiri yaazaara omwana w'omwojo, yaamweta Pereshi; n'omurumuna akaba naayetwa Shereshi; batabani be baaba Ulamu na Rakemu. 17#1 Sam 12:11. Mutabani wa Ulamu: Bedani. Abo nibo baabaire bari beene Gileadi mwene Makiri, mwijukuru wa Manaase. 18Hamolekesi munyaanya yaazaara Ishihoodi, Abiezeeri na Mahula. 19Batabani ba Shemida bakaba bari Ahiani, Shekemu, Likuhi na Aniamu.

20 # Kub 26:35. Batabani ba Efuraimu: Shuseela, mwene Shuseela ni Beredi, mwne Beredi ni Tahasi, mwene Tahasi ni Eleada, mwene Eleada ni Tahasi, 21mwene Tahasi ni zabadi, mwene Zabadi ni Shuseela, kandi na Ezeri na Eleada abaitsirwe abashaija ba Gaasi abazaariirwe omuri egyo nsi, ahabw'okuba bakashuumayo kunyaga ente zaabo. 22Bwanyima Efuraimu ishebo yaamara ebiro bingi naabacurira, beene ishe baija kumugumya. 23Ku haahingwireho ebiro, Efuraimu yaabyama n'omukazi we, omukazi yaagira enda, yaazaara omwana w'omwojo, yaamweta Beria, ahakuba enju ye ekaguubwaho akabi. 24#Yos 10:10, 11. Muhara we akaba naayetwa Sheera owaayombekire Besi-horoni zombi, eya ifo n'eya uguru, na Uzene-sheera. 25Mutabani we ni Reefa, mwene Reefa ni Reshefu, mwene Reshefu ni Teela, mwene Teela ni Tahani, 26#Kub 1:10; 7:48. mwene Tahani ni Ladani, mwene Ladani ni Amihuudi, mwene Amihuudi ni Elishaama, 27#Kub 13:8, 16. mwene Elishaama ni Nuuni, mwene Nuuni ni Yoshua. 28Kandi ebibanja byabo n'ebi baabaire batungire bikaba biri Beseeli n'omu ndembo zaayo, aha bukiizi bw'oburugwa-izooba Narani, aha burengyerwa-izooba Gezeri n'endembo zaayo, Shekemu n'endembo zaayo na Aaza n'endembo zaayo; 29#Yos 17:7, 11. kandi n'aha myatano y'Abamanaase Besi-sheani n'endembo zaayo, Tanaki n'endembo zaayo na Doori n'endembo zaayo. Omuri ezo ndembo beene Yosefu mwene Israeli nimwo baabaire batwire.

30 # Kut 46:17; Kub 26:44. Batabani ba Ashera: Imuna, Ishuva, Ishuvi, Beria na munyaanya waabo Seera. 31Batabani ba Beria: Heberi na Malikieli owaabaire ari ishe wa Biruzaisi. 32Heberi yaazaara Yafuleeti, Shomeri, Hosamu na munyaanya waabo Shua. 33Batabani ba Yafuleeti Pasaki, Bimuhaali na Ashuvaati. Abo nibo beene Yafuleeti. 34Batabani ba Shemeri omurumuna: Rohuga, Yehuba, na Aramu. 35Batabani ba Helemu omurumuna: Zoofa, Imuna, Sheleshi na Amali. 36Batabani ba Zoofa: Sia, Harunefeeri, Shuali, Beeri, Imura, 37Bezeeri, Hoodi, Shama, Shilusha, Ituraani na Beera. 38Batabani ba Yeseri: Yefune, Pisupa na Araa. 39Batabani ba Uula: Aara, Hanieli na Rizia. 40Abo boona bakaba bari beene Asheri, abakuru b'amaju ga baishenkurubo, abashaija abarikusiimwa, abarwani b'amaani, abakuru b'abategyeki. Kandi omubaro ogw'abahandiikirwe kuza aha rugamba, nk'okukuratana kw'oruzaaro rwabo oku kwabaire kuri, gukaba guri obukumi bubiri n'enkumi mukaaga.

Currently Selected:

1 Eby'omu Busingye 7: RR64

Highlight

Copy

Compare