1 Eby'omu Busingye 26

Abaokozi b'omuri hekalu

1Eby'embu z'abakumiirizi b'amarembo; ab'omu ba Koora, Meshelemia mwene Koore, ow'omuri beene Asafu. 2#1 Bus 9:21. Kandi Meshelemia ogwo akaba aine abaana b'aboojo; ow'omujigaijo zekaria, owa kabiri Yedyaeli, owa kashatu Zebadia, owa kana Yatinyeli, 3owa kataano Elamu, owa mukaaga Yehohanani, owa mushanju Elyeho-enai. 4#1 Bus 15:18; 16:38. Obededomu nawe akaba aine abatabani: ow'omujigaijo Shemaaya, owa kabiri Yehozabadi, owa kashatu Yoa, owa kana Skari, owa kataano Netaneeli, 5#1 Sam 6:11. owa mukaaga Amieli, owa mushanju Isakaari, owa munaana Peulesa; ahakuba Ruhanga akamuha omugisha. 6Kandi omutabani Shemaaya akazaara abaana b'aboojo, abaabaire bari abategyeki omu maju ga baishenkurubo; ahabw'okuba bakaba bari abashaija b'amaani amamanzi. 7Beene Shemaaya: otuni, Refaeli, Ebedi, Elizabaadi na beene ishe abaabaire bari amamanzi, Elihu na Semakia. 8Abo boona bakaba bari beene Obededomu hamwe na batabani baabo na beene ishebo, abashaija b'amaani abaabaire nibabaasa ogwo murimo; aba Obededomu boona bakaba bari makumi mukaaga na babiri. 9Kandi Meshelemia akaba aine abatabani na beene ishe, aqbashaija amamanzi ikumi na munaana. 10#1 Bus 16:38. Na Hoosa ow'omuri beene Merari akaba aine abatabani: omukuru ari Shimuri, (ahakuba n'obu araabe yaabaire atari w'omujigaijo, ishe akamuhindura mukuru), 11owa kabiri Hilukia, owa kashatu Tebalia, n'owa kana Zekaria; batabani ba Hoosa na beene ishe boona bakaba bari ikumi na bashatu.

12Abakumiirizi b'amarembo omuri ezo mbu, nk'abakuru baabo oku baabaire bari, bakaba baine emirimo ei bakwatsiibwe, nka beene waabo abaabaire nibaheereza omu nju ya MUKAMA oku baabaire bagiine; 13#1 Bus 25:8. kandi baateerera amaju ga baishenkurubo enteenyu, amakye n'amahango, kumanya ab'okurinda amarembo gaabo. 14Enteenyu yaakwata Shelemia kurinda eirembo ry'oburugwa-izooba. Bwanyima baateerera omutabani Zekaria enteenyu, omuhanuuzi w'obwengye; yaakwatwa ey'okurinda ery'aha bukiizi-bwa-bumosho. 15Obededomu yaakwata ey'okurinda ery'aha bukiizi-bwa-buryo; kandi abatabani baakwatsibwa eibiikiro. 16#1 Bag 10:5. Shupimu na Hoosa baakwatwa ey'okurinda eirembo ry'oburengyerwa-izooba, n'eirembo rya Shalekesi aha muhanda ogurikwinamuka, ahu abakumiirizi barikureebanira. 17Aha burugwa-izooba haazaho mukaaga buri izooba, aha bukiizi-bwa-bumosho bana buri izooba; aha bukiizi-bwa-buryo bana, kandi n'aha ibiikiro babiri-babiri; 18ahari Paribaari oburengyerwa-izooba bana ahari ogwo muhanda, na babiri ahari Paribaari. 19Ezo nizo mbu z'abakumiirizi b'amarembo b'omuri beene Koore, na beene Merari.

20 # 1 Bus 26:22, 24, 26; 28:12; Ezr 2:69; Neh 10:38. Kandi ab'omu Baleevi, Ahiya niwe yaabaire akwatsiibwe amabiikiro g'enju ya Ruhanga n'amabiikiro g'ebintu ebyeziibwe. 21Beene Ladani, beene Gereshon ab'omu ba Ladani, abakuru b'amaju ga baishenkurubo ba Ladani owa Gereshoni: Yahieli.

22 # 1 Bus 23:8; 29:8. Beene Yehieli, Zetami na Yoeli omurumuna nibo baabaire bakwatsiibwe amabiikiro g'enju ya MUKAMA. 23#1 Bus 23:12. Omu ba Amuraamu, Abaizuhaari, Abaheburooni n'Abauzieli- 24#1 Bus 23:16. na Shebueli mwene Gereshoni, mwijukuru wa Musa, niwe yaabaire akwatsiibwe amabiikiro. 25#1 Bus 23:17; 24:21. Beene ishe Eliezeeri akakomookwaho Rehabia omutabani, mwene Rehebia Yeshaaya, mwene Yeshaaya Yoramu, mwene Yoramu Zikuri, mwene Zikuri Shelomoosi; 26#2 Sam 8:11. Shelemoosi ogwo na beene ishe nibo baabaire bakwatsiibwe amabiikiro goona ag'ebintu ebyeziibwe, ebi Daudi omugabe n'abakuru b'amaju ga baishenkurubo n'abakuru b'engabo rukumi-rukumi n'aba igana-igana n'abakuru b'amahe, baayerize. 27Omu bintu ebi baanyagire omu ngamba bakashorooramu ebintu by'okuhunduuza enju ya MUKAMA. 28Kandi ebi Samueli omuhanuuzi na Saulo mwene Kiishi, na Abuneeri mwene Neeri, na Yoabu mwene Zeruiya baayerize byona, ebi omuntu weena yaabaire ahongyeire MUKAMA byona bikaba birindwa Shelomoosi na beene ishe. 29#1 Bus 23:4; Neh 11:16. Omuri beene Izuhaari, Kanania n'abatabani nibo baabaire bakwatsiibwe omurimo gw'aheeru ahabw'Abaisraeli, bari abatware n'abaramuzi. 30#1 Bus 27:17. Omuri beene Heburooni, Hashabia ana beene ishe, abashaija amamanzi rukumi na magana mushanju, nibo baabaire nibareeberera Israeli oburengyerwa-izooba bwa Yorudani ahabw'omurimo gwa MUKAMA gwona, n'ahabw'omurimo gw'omugabe. 31#1 Bus 24:23. Omu ba Heburooni abo Yeriya niwe yaabaire ari omukuru waabo, nk'okukuratana kw'oruzaaro rw'abakuru b'amaju ga baishenkurubo oku kwabaire kuri. (Omu mwaka gwa makumi ana ogw'omu busingye bwa Daudi bakasherura, baashanga omuri abo ba Heburooni abashaija b'amaani amamanzi, bari Yazeri omuri Gileadi.) 32#1 Bus 6:8; 2 Bus 19:11. Omugabe Daudi yaataho Yeriya ogwo na beene ishe, abashaija amamanzi enkumi ibiri na magana mushanju, abakuru b'amaju ga baishenkurubo, kuba ab'okureeberera Abareubeeni, Abagaadi n'ekicweka ky'oruganda rwa Manaase, ahabw'ebintu bya Ruhanga byona, kandi n'eby'omugabe.

Currently Selected:

1 Eby'omu Busingye 26: RR64

Highlight

Copy

Compare