Matewuzhi 18
18
Mpogo baani?
(Maruku 9.33-37; Luka 9.46-48)
1Mudhidhi olene anamasuuza yahimwaaddamelaga Yesu, omukoha, wiira: <<Oli mpogo#18.1 Yawogaga dha mpogo kinawoga wunnuwa wa muthu mbwenye enawoga dha osogolela mabasa, nlogo, naari elabo. muuMweneni wa Odhulu baani?>>
2Yesu ahimwiithanaga mwaana mmohi, omuhela vaari veewa, 3wiira: <<Ebaribareene ginowuwaaddelani wi mwaahisadduwa mukala wona ahima, kamudha mvolowa muuMweneni wa Odhulu. 4Vowi ole oneeyeviha wona mwaana ola, oyene dili ookwaranya muuMweneni wa Odhulu.
5<<Vano ole onamwaakela mwaana wona ola mwaha wa ndina naaga, onagaakela miyeene. 6Muthu olene onaamuthegihe mmohi mwa ang'onong'ono ala enagiroromela, yaali yapama amageleliwe mukohi nibwe nuulubale na nsilo, avokedhiwe munyaza yooddiiha.
7<<Oddilu oli ni elabo ya vati mwaha wa dhoothegiha. Dhoothegiha dho kadhinahiiheya wi dhihidhe, mbwenye oddilu oli ni muthu onadhiiha dhoothegiha ndo. 8Mowindo akala ndada naawo, naari nnyalo naawo, ninowuuthegiha, ogwadde, othathilele woolapela ni we. Soofuneyesesa ovolowa mwiigumini ohinna yaano naari ogali ooragala, ohiya okalana madada mameenddeene, manyalo mameenddeene ovokedhiwe omunddoni woohumala. 9Akala niinto naawo ninowuuthegiha, ovenyihemo, othathilele woolapela ni we. Soofuneyesesa ovolowa mwiigumini ni niinto nimohi baahi, ohiya ovokedhiwa omunddoni woohuthima oganna meento mameenddeene.
Musibe wa nibila noorimeela
(Luka 15.3-7)
10<<Pole-pole, kamwaavevuse naari mmohi mwa ang'onong'ono ala! Vowi ginowuwaaddelani wi angero eewa enakalave vameentoni va aBaba a odhulu.#18.10 Enofwanyeya verisikulu 11 eneera: Vowi Mwaana a Muthu, odheele waavulumusa ale yarimeele elebiwe mu dhoolebiwa ni madada dhimohi. Mbwenye anamasuuza ajinji enoobuwela wi madhu ala kiyalebiwe ni murumiwi Matewuzhi.
12<<Munoobuwela avi? Muthu mmohi akanna mabila zana (100), nimohi nirimeela, oliye kanaahiye omwaangoni makumi matanu ni mannayi ni matanu ni mannayi (99) wi asayelege ndde nrimeele? 13Vano afwanya, ebaribareene ginowuwaaddelani wi ohagalala waaye onakala wuulubale, mwaha wa ndde nimohi narimeele, ohiya ale makumi matanu ni mannayi ni matanu ni mannayi (99) yaharimeele. 14Mowindo kahuwo efunelo ya Babiinyu a odhulu wi arimeele mmohi wa ang'onong'ono ala.
Dhoofwaneelela omwiirela ddibila athega
15<<Ddibilo oothegela,#18.15 Oothegela Naari wi: athega. odhowe wamoonihe yoothega ele okwibi. Owiiwelela, ohumpura ddibilo. 16Mbwenye ahuwiiwelela, omuthukule muthu mmohi naari abiili, vowi muladdu onarumeedhiwa owogiwa vakala anamoona abiili naari araaru.#18.16 Moone Deteronomiyo 19.15. 17Akala oliye kaneewelele, waaddele gerezha teto akoodda wiiwelela gerezha, mmweelengele wona muthu oode, naari wi namakoha-musoko.
18<<Ebaribareene ginowuwaaddelani wi dhaatedhene dhineeriinyu mmagege veelaboni ya vati, dhineerege omagiwa odhulu, dhineeriinyu mutapulege veelaboni ya vati, odhulu dhineerege otapuliwa.
19<<Ginowuwaaddelani teto wi abiili mwa nyo mweewananela vati vano moolobela mulobaga yego-si-yego, eyo munovahiwa ni aBaba eli odhulu. 20Vowi vili athu abiili naari araaru, etugumanela ndina naaga, miyo ginakala vaari veewa>>.
Musibe wa mwiimeleli oohumulevelela mukwaaye
21Vevale Peduru ahimwaaddamelaga Yesu, omukoha, wiira: <<Nabwiya, ddibilaaga agithegela, gimulevelelege dila ngaasi? Ofiyedha dila tanu nabiili?>>
22Yesu ahimwaakulaga, wiira: <<Kaginowaaddela dila tanu ni biili, mbwenye ofiyedha dila makumi matanu ni meenddi ni dila tanu nabiili (77).#18.22 Naari wi: dila makumi matanu ni meenddi weenjedhedhavo dila tanu nabiili.
23<<Mowindo Omwene wa Odhulu onaligana ni mwene oobuwelele wi oone pama mangawa aaye wa amwiimeleli aaye. 24Vowambeela yahimudheelagana mwiimeleli mmohi afiyaarile korowa dhowaakwana matalenti#18.24 Talenti yaali korowa ya oro mutheengo waliveliwa namalaba alaba yaaka kumi ni yaaka tanu. macikwi kumi (10.000). 25Mwiimeleli ole kannaga yego yooliva, mwaha wa ela mwene ahilamulaga wi agulihiwe oliye, mwihiyanaaye, anaaye ni dhaatedhene dhanniiyena wi eliviwena mangawa ale.
26<<Vano mwiimeleli ahikokoraga, oloba, wiira: <Ginowuulobani mugikurumuwele, ginoliva>. 27Mwene ole ahimweeddiwelaga thagaraga, omulevelela mangawaya, omuruma wi adhowege.
28<<Mwiimeleli ole avenyaga vevale ahigumanaga ni mwiimeleli mukwaaye amfiyaarilege korowa zana (100) dha parata.#18.28 Naari wi: denariyo. Denariyo yaali korowa yawale ya parata ya oRoma mutheengo waliveliwa namalaba alaba nlabo nimohi. Ahimwihiddaga, omuhoga, eeraga: <Gilive yagifiyaariliiwe>.
29<<Vooharela mwiimeleli mukwaaye ahitongwelaga vamanyaloni vaaye, omulobaga, eeraga: <Gilevelele, ginowuuliva>.
30<<Owambeela ole kaarumeedhilege, odhowa omvokedha mukaambura afiyedhe oliva mangawaya. 31Akwaaye egoonile yahikubanyaga vajinji, odhowa omwaaddela nabwiya eewa dhaatedhene dheereyilege.
32<<Vano nabwiya aaye ahimwiithanihaga, wiira: <Mwiimeleli abure, miyo guhuulevelela mangawa maatene alene mwaha wowiikubanyedha waawo. 33Kadhafwaneele wi we teto omweeddiwele thagaraga mwiimeleli mukwaawo wona moweeddiweliimi thagaraga we?> 34Nuwindo, nabwiya aaye ahitakaleliwaga, ompeleka mukaambura wi arabulihiwe ofiyedha alive mangawa maatene.
35<<ABaba a odhulu enoodha yuwiirenaani ndo ninyeene teto, akala kamunalevelelana ni murima waatene>>.
Currently Selected:
Matewuzhi 18: tke
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
