Psalmo 97
97
1O Baro Del amperetsil: ke e phuv t'avel veselo,
Ke te le but inzuli veselin pe!
2Le nuveria ai o tuniariko terdion krugom les,
E kris ai o čačimos ninkeren lesko skamin amperatisko.
3E jag phirel angla leste,
Ai phabarel krugom leske dušmanon.
4Leske strefialimata strefian e lumia,
E phuv dikhel les ai isdral;
5Le plaia bilan sar o mom angla o Baro Del,
Angla o Baro sa la phuviako.
6Le čeri phenen leski kris,
Ai sa le naroduri dikhen lesko vestimos.
7Von si tele, sa kudala kai služin le statui,
Kai keren pengo luvudimos ande le xoxamne dela.
Sa le dela klonin pe angla leste.
8O Sion ažiukerel les ai veselil pe,
Le šeia anda o Juda si ande e veselia,
Pala tjire krisa, o Baro Del!
9Ke tu, Baro Del! tu san o Mai Vučo pe sa e phuv,
Tu san amperatisko opral sa le čeri.
10Tume kai kamen le Bare Devles, vuřitsin o nasulimos!
Vo arakhel le duxuri le čačenge.
Vo skipil le anda o vast le nasulengo.
11E vedaria si thodini kaske si vorta,
Ai e veselia kudalenge kai lengo ilo si vorta.
12Vorta, veselin tume ande o Baro Del,
Ai vestin tumare řudjimasa leske svintsimos!
Currently Selected:
Psalmo 97: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)
