Psalmo 80
80
1Ka o birevo kudalengo kai gjilaben. Pe le luludia liriki. Katar o Asaf. Psalmo.
2Tho o kan, Pastuřo anda o Israel,
Tu kai trades sar le bakre le Josefos!
Sikadio ande tjiro šukarimos,
Tu kai bešes opral le xeruburi!
3Angla o Efraim, Beniamin ai Manase, uštiav tjiri zor,
Ai aidi t'ažutis ame!
4O Del, uštiav ame!
Ker te strefial tjiri fatsa, ai ame avasa skipime!
5Baro Del, o Del le řaioske zurale,
Ži kana xoliasa tu pe o řudjimos tjire narodosko?
6Tu pravares le jekhe manřesa asvensa,
Tu des le te pen asva bi mesurako.
7Tu keres anda amende jekh diela kai kerel te maren mui amendar amare vortača,
Ai amare dušmaia asan amendar.
8O Del le řaioske zurale, uštiav ame!
Ker te strefial tjiri fatsa, ai ame avasa skipime!
9Tu ankaladianas anda e Egipta jekh rez;
Tu dian avri le themen, ai tu thodian les.
10Tu lašiardian angla lende:
Voi šiudias vuni ai pherdias e phuv;
11Le plaia sas garade katar lenge ušialina,
Ai lake patria sas sar le tsedruri le Devleske;
12Lake patria asbanas e maria,
Ai lake tsinoře ži ka o pai.
13Sostar tu phařadian lake baria,
Kadia ke kon nakhel len la?
14O balo sirbato le vešesko xal la,
Ai le žigeni le kimponge xan andre.
15Del le řaioske zurale, aidi!
Dikh opral anda le čeri, ai dikh! le sama kadia rez!
16Le sama so tjiro čačo vast thodias,
Ai o šiav kai tu alosardian!
17Voi si phabardi katar e jag, voi si šindi!
Von xasavon angla tjiri fatsa darani.
18Ke tjiro vast t'avel pe o manuš pe tjiri rig čači,
Pe o šiav le manušesko kai tu alosardian tuke!
19Ai ame či mai duriuvasa tutar.
Ker ame te mai traisaras, ai ame mangasa tjiro anav.
20Baro Del, Del le řaioske zurale, uštiav ame!
Ker te strefial tjiri fatsa, ai ame avasa skipime.
Currently Selected:
Psalmo 80: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)