Psalmo 43
43
1De ma kris, o Del, le sama mandar pe jekh them kai či patial!
Skipisar ma katar le manuš kai athaven ai si bezexale!
2Tu, muřo Del kai lel sama, sostar des ma tu palpale?
Sostar trubul me te phirav ande o nekazo,
Tela o pharimos le dušmanosko?
3Trade tjiri vedaria ai tjiro čačimos!
Ke te von ningeren ma,
Ke te von ningeren ma ka tjiro svinto plai ai kai bešes!
4Me žiava karing o altari le Devlesko, katar o Del, muři veselia ai muři bukuria.
Ai me vestiva tu pe tsitura, o Del, muřo Del!
5Sostar peres tu, muřo duxo, ai vatis tu ande mande andre?
Ažiuker ande o Del, ke mai luvudiva les;
Vo si muřo skipimos ai muřo Del.
Currently Selected:
Psalmo 43: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)
