Psalmo 101
101
1Le Davidoske. Gjili.
Me gjilabava o mištimos ai e kris;
Si tuke, Baro Del! ke me gjilabava.
2Me lava sama ka e vurma pe čači.
Kana tu avesa mande?
Me phirava ande o čačimos muře ilesko,
Maškar muřo kher.
3Me či thava khanči nasul angla muře jakha;
Me vuřitsiv e vurma sar phiren le bezexale;
Voi či astardiola mande.
4O ilo žiungalo duriol mandar;
Me či kamav te žianav le nasules.
5Kudo kai del duma čorořal pa pesko vortako, me bilavava les;
Kudo kai si lesko dikhimos barimatango ai phukjilo ilesko, naštiv te dikhav pe leste.
6Muře jakha avena pe le čače anda o them,
Ke te bešen paša mande;
Kudo kai phirel ande jekh vurma vorta avela muři sluga.
7Kudo kai del pe ka o čořimos či bešela ande muřo kher;
Kudo kai phenel xoxaimata či ašela angla mande.
8Sako diminiats bilavava le nasulen anda o them,
Eta te šiudav anda o foro le Bare Devlesko
Sa kudalen kai keren le bezexa!
Currently Selected:
Psalmo 101: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)