Psalmo 1
1
JEKHTO KLIŠKA
1Veselo o manuš kai či phirel sar sikiaren les le nasul,
Kai či terdiol pe e vurma kai si le bezexale,
Ai kai či bešel kudalensa kai maren mui,
2Numa kai si les leski dragostia ande o zakono le Bare Devlesko,
Ai kai bulguil ka o zakono diese ai riate!
3Si vo sar jekh kopači thodini paša o pai kai pitial,
Kai del peski fruta kana si vramia,
Ai kai le patria či rimon pe;
Sogodi vo kerel niril.
4Nai kadia le nasul:
Von si sar o šuko sulum kai e balval řipizil.
5Sa anda kudia le nasul naštin te bešen o dies la krisako,
Či le bezexale ande e kumpania kai si le čače;
6Ke o Baro Del žianel e vurma le čačengi,
Ai e vurma le bezexalengi ningerel ka o phařaimos.
Currently Selected:
Psalmo 1: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)
