Okubala 18

Emirimu gya bakabona n'Abaleevi

1Mukama n'agamba Alooni nti, “Ggwe ne batabani bo n'ab'omu kika kyammwe, munaavunaanwanga ebinaabanga bisobye mu kifo ekitukuvu. Naye ebinaasobanga mu bwa kabona, binaavunaanwanga ggwe ne batabani bo mwekka.#Kuv 28:38, Kubal 18:23 2Onooleetanga baganda bo, ab'omu kika kya Leevi, bakuyambenga mu kuweereza. Naye ggwe ne batabani bo, mmwe munaaweerezanga mu maaso g'Eweema ey'okusisinkanirangamu.#Kubal 3:6-9 3Era baganda bo banaakolanga emirimu gy'obalagira, n'emirimu gyonna egy'omu Weema, naye tebasembereranga bintu eby'omu watukuvu n'ekyoto, baleme okufa newakubadde mmwe.#Kubal 3:25,31,36; 4:15; 16:40 4Banaakoleranga wamu naawe, okulabirira Weema ey'okusisinkanirangamu, nga bakola emirimu gyamu gyonna. Naye atali Muleevi, tabasembereranga. 5Mmwe munaalabiriranga awatukuvu n'ekyoto, nneme kusunguwaliranga baana ba Isiraeri nate.#Kubal 3:38; 16:46 6Nange, laba, Nze nnonze baganda bammwe Abaleevi mu baana ba Isiraeri, okuba ekirabo gye muli. Baweereddwayo gyendi, Nze Mukama, okukolanga omulimu gw'obuweereza mu weema ey'okusisinkanirangamu.#Kubal 3:9,12 7Naye ggwe ne batabani bo munaakolanga omulimu gwammwe ogw'obwakabona ogw'oku kyoto n'awatukuvu. Okuweereza mu bwakabona, nkibawa mmwe ng'ekirabo. Omuntu omulala yenna anaasembereranga ebintu ebitukuvu, anattibwanga.”#Kubal 1:51; 3:10, Beb 9:3,6

Omugabo gwa bakabona

8Mukama n'agamba Alooni nti, “Laba, Nze nkuwadde ebiweebwayo gye ndi ebisitulibwa, ebintu byonna eby'abaana ba Isiraeri ebitukuzibwa, mbiwadde ggwe ne batabani bo, olw'okufukibwako amafuta, okuba omugabo gwammwe emirembe gyonna.#Kuv 29:7,29; 40:13,15, Leev 7:30-34 9Ku bintu byonna ebitukuvu ennyo ebiweebwayo, ebinaafikkangawo ku by'okwokebwa, bino bye binaabanga ebyammwe: ku buli kye bawaayo eky'obutta, na ku buli kye bawaayo olw'ekibi, na buli kye bawaayo olw'omusango, bye banaaleetanga, binaabanga bitukuvu nnyo, binaabanga bibyo ne batabani bo.#Leev 2:2,3; 6:25,26; 7:6,7; 10:12,13; 14:13 10Onoobiriranga mu kifo ekitukuvu, buli musajja yenna akkirizibwa okubiryangako. Binaabanga bitukuvu gye muli.”

11“Era na bino bibyo: ebiweebwayo ebisitulibwa byonna abaana ba Isiraeri bye bawaayo ebiwuubibwawuubibwa, mbikuwadde ggwe ne batabani bo ne bawala bo, okuba omugabo gwammwe ennaku zonna; na buli muntu omulongoofu ali mu nnyumba yo anaabiryangako.”#Kuv 29:27,28, Leev 7:30,34; 10:14; 22:2,3,11-13, Ma 18:3

12“Era nkuwadde amafuta gonna agasinga obulungi ne zabbibu zonna ezisinga obulungi, ne ku ŋŋaano, n'ebibereberye ku ebyo bye banaawanga Mukama.#Kuv 23:19, Ma 18:4 13Ebibala ebinaasookanga okwengera ku byonna ebiri mu nsi yaabwe, bye banaaleeteranga Mukama, binaabanga bibyo; na buli muntu omulongoofu ali mu nnyumba yo anaabiryangako.#Kuv 22:29, Leev 2:14, Ma 26:2 14Buli kintu ekinaawongebwanga mu Isiraeri kinaabanga kikyo.#Leev 27:28 15Buli ekiggulanda ekiweebwayo eri Mukama, oba nga muntu oba nsolo binaabanga bibyo. Naye on'okkirizanga ensimbi ez'okununula omwana omugulanda, era on'okkirizanga ensimbi ez'okununulanga ensolo eteri nnongoofu.#Kuv 13:2,13 16Abaana banaanunulibwanga nga ba mwezi gumu, ku muwendo omugereke ogwa sekeri ttaano eza ffeeza, ez'ekipimo ekitongole eky'omu kifo ekitukuvu, ze gera abiri (20) buli sekeri.#Leev 27:2,6 17Naye embereberye y'ente, oba embereberye y'endiga, oba embereberye y'embuzi, tozinunulanga ezo, ntukuvu. Onoomansiranga omusaayi gwazo ku kyoto, n'oyokya amasavu gaazo okuba ekiweebwayo ekyokebwa n'omuliro eky'evvumbe eddungi eri Mukama.#Leev 3:1-5, Ma 15:19 18N'ennyama yaazo eneebanga yiyo, ekifuba ekiwuubibwawuubibwa n'ekisambi ekya ddyo binaabanga bibyo#Kuv 29:26-28, Leev 7:34 19Byonna ebiweebwayo ebisitulibwa ku bintu ebitukuvu, abaana ba Isiraeri bye bawaayo eri Mukama, mbikuwadde ggwe ne batabani bo ne bawala bo okuba omugabo gwammwe emirembe gyonna; ye ndagaano ey'omunnyo eteriggwaawo mu maaso ga Mukama eri ggwe n'eri ezzadde lyo.#Leev 2:13, 2 Byom 13:5 20Mukama n'agamba Alooni nti Toobenga na busika mu nsi yaabwe, so toobenga na mugabo gwonna mu bo; nze mugabo gwo n'obusika bwo mu baana ba Isiraeri.”#Ma 10:9; 18:1,2, Yos 13:14,33, Ez 44:28

Omugabo gw'Abaleevi

21“Era, laba, abaana ba Leevi mbawadde ebitundu byonna eby'ekkumi, abaana ba Isiraeri bye bawaayo okuba omugabo gwabwe n'empeera yaabwe olw'okuweereza kwe baweereza mu Weema ey'okusisinkanirangamu.#Leev 27:30,32, Ma 12:17-19, Nek 10:37, Beb 7:5 22N'okuva leero abaana ba Isiraeri tebaasembererenga Weema ya kusisinkanirangamu, balemenga okubaako ekibi ne bafa.#Kubal 1:53 23Naye Abaleevi, be banaakolanga omulimu ogw'okuweereza mu Weema ey'okusisinkanirangamu, era be banaavunaanyizibwanga ebyayo ebinaabanga bisobye. Lino lye tteeka ery'olubeerera, erinaakolanga ne ku bazzukulu bammwe, nti Abaleevi tebabanga na ttaka lya nsikirano, 24Kubanga ebitundu eby'ekkumi eby'abaana ba Isiraeri, bye bawaayo okuba ekiweebwayo ekisitulibwa eri Mukama, bye mbawadde Abaleevi okuba obusika. Kyenvudde mbagamba nti Mu baana ba Isiraeri tebabanga na busika.”

Ekimu eky'ekkumi Abaleevi kye bawa

25Mukama n'agamba Musa nti, 26Era nate onooyogera n'Abaleevi n'obagamba nti, “Bwe munaasoloozanga ku baana ba Isiraeri ebitundu eby'ekkumi, bye mbawadde mmwe okuba obusika bwammwe, kale munaawangayo ku byo ekiweebwayo ekisitulibwa eri Mukama, ekitundu eky'ekkumi eky'ebitundu ebyo eby'ekkumi.#Nek 10:38 27Era kye muwaayo ekisitulibwa kinaabalibwanga ng'omulimi ky'awaayo, eky'emmere ey'empeke, gy'aggye mu gguuliro, n'eky'omwenge ogw'emizabbibu gw'aggye mu ssogolero, bwe kimubalirwa. 28Bwe mutyo nammwe munaggyanga ku bitundu byammwe byonna eby'ekkumi abaana ba Isiraeri bye babawa, okuwaayo ekiweebwayo ekisitulibwa eri Mukama; era munaggyanga ku byo okuwa Alooni kabona ekiweebwayo ekya Mukama ekisitulibwa. 29Ku birabo byammwe byonna kwe munaggyanga buli ekiweebwayo ekya Mukama ekisitulibwa, ku ebyo byonna ebisinga obulungi, kye kitundu kyabyo ekitukuzibwa kye muggya ku byo. 30Kyonoova obagamba nti, ‘Bwe munaasitulanga ebisinga obulungi ku byo, kale binaabalibwanga eri Abaleevi ng'ekyengera eky'omu gguuliro, era ng'ekyengera eky'omu ssogolero. 31Era munaabiriiranga mu buli kifo, mmwe n'ennyumba zammwe; kubanga y'empeera yammwe olw'okuweereza kwammwe okw'omu Weema ey'okusisinkanirangamu.#Mat 10:10, Luk 10:7, 1 Kol 9:13, 1 Tim 5:18 32Temuubeenga na musango okubirya, kasita munaamalanga okuwa Mukama ebisinga obulungi ku byo. Naye mwekuumenga obutavumaganyanga bitone Abaisiraeri bye bawaayo, nga mubaako bye mulya nga temunnawaayo eri Mukama ekitundu ekyo ekisinga obulungi. Bwe munaabiryangako nga temumaze ku kiwaayo, temulirema kufa.’”#Leev 15:31; 22:2,3

Currently Selected:

Okubala 18: LBR

Highlight

Copy

Compare