Omubuulizi 3

Buli kintu kirina ekiseera kyakyo (3:1-8)

1Buli kintu kiriko entuuko yaakyo, na buli kigambo ekiri wansi w'eggulu kiriko ekiseera kyakyo.#Mub 8:6 2Ekiseera eky'okuzaalirwamu, n'ekiseera eky'okufiiramu; ekiseera eky'okusimbiramu, n'ekiseera eky'okusimbuliramu ekyo ekyasimbibwa.#Yob 14:5, Beb 9:27 3Ekiseera eky'okuttiramu, n'ekiseera eky'okuwonyezaamu; ekiseera eky'okwabizaamu, n'ekiseera eky'okuzimbiramu, 4Ekiseera eky'okukaabiramu amaziga, n'ekiseera eky'okusekeramu; ekiseera eky'okuwuubaaliramu, n'ekiseera eky'okuziniramu.#Kuv 15:20, 2 Sam 6:14, Bar 12:15 5Ekiseera eky'okusuuliramu amayinja, n'ekiseera eky'okukuŋŋaanyizaamu amayinja; ekiseera eky'okugwiramu mu kifuba, n'ekiseera eky'obutagwiramu mu kifuba.#2 Bassek 3:25, Is 5:2, Yo 2:16 6Ekiseera eky'okunoonyezaamu, n'ekiseera eky'okubuulirirwamu; ekiseera eky'okukuumiramu, n'ekiseera eky'okusuuliramu. 7Ekiseera eky'okuyulizaamu, n'ekiseera eky'okutungiramu; ekiseera eky'okusirikiramu, n'ekiseera eky'okwogereramu,#Am 5:13 8Ekiseera eky'okwagaliramu, n'ekiseera eky'okukyayiramu; ekiseera eky'okulwaniramu, n'ekiseera eky'okutabaganiramu.#Luk 14:26

Okutya Katonda omuyinza wa buli kimu (3:9-15)

9Magoba ki g'afuna oyo akola emirimu mu ekyo mw'ateganira?#Mub 1:3 10Nnalaba okutegana Katonda kwe yawa abaana b'abantu okubateganya.#Mub 1:13 11Yafuula buli kintu okuba ekirungi mu kiseera kyakyo; era yateeka ensi mu mutima gwabwe, naye agiteekamu bw'atyo omuntu n'okuyinza n'atayinza kukebera mulimu Katonda gwe yakola okuva ku lubereberye okutuuka ku nkomerero.#Lub 1:31, Mub 8:17, Bar 11:33 12Mmanyi nga tewali kintu kibagasa okusinga okusanyuka n'okukola obulungi ennaku zonna nga bakyali balamu. 13Era buli muntu okulyanga n'okunywanga n'okusanyukiranga ebirungi mu kutegana kwe kwonna, kye kirabo kya Katonda.#Mub 2:24 14Mmanyi nga buli Katonda ky'akola kinaabanga kya lubeerera; tewali kintu kiyinzika okukyongerwako, newakubadde okukisalibwako; era Katonda kyeyava akikola abantu balyoke batye mu maaso ge.#Yak 1:17 15Ekiriwo kyamala dda okubaawo; n'ekyo ekigenda okubaawo kyabaawo dda; era Katonda anoonya nate ekyo ekyayitawo.#Mub 1:9

Ebirala ebiraga obutalimu (3:16—4:16)

16Era nate nnalaba wansi w'enjuba nga obubi buli mu kifo eky'okusaliramu emisango; ne mu kifo eky'obutuukirivu ng'obubi bwali omwo.#Mub 4:1; 5:8 17Ne njogera mu mutima gwange nti Katonda ye alisala emisango gy'omutuukirivu n'egy'omubi, kubanga eyo eriyo ekiseera eky'ekigambo kyonna n'omulimu gwonna.#Mub 3:1, Mat 16:27, Bar 2:6, 2 Kol 5:10 18Ne njogera mu mutima gwange nti Kiba bwe kityo olw'abaana b'abantu Katonda alyoke abakeme, balabe nga bo bennyini bali ng'ensolo obusolo. 19Kubanga ekyo ekituuka ku baana b'abantu kye kituuka ne ku nsolo; ekigambo kimu ekibatuukako; ng'ensolo bw'efa, n'omuntu bw'afa bw'atyo; weewaawo, bonna balina omukka gumu; so abantu tebaliiko bwe basinga nsolo; kubanga byonna butaliimu.#Zab 49:12 20Bonna bagenda mu kifo kimu; era bonna badda mu nfuufu, era byombi bidda mu nfuufu nate.#Lub 3:19 21Ani amanyi omwoyo gw'abantu oba nga gulinnya mu ggulu, era oba ng'omwoyo gw'ensolo gukka wansi mu ttaka?#Mub 12:7 22Kyennava ndaba nga tewali kintu kisinga kino obulungi, omuntu okusanyukiranga emirimu gye; kubanga ogwo gwe mugabo gwe: kubanga ani alimukomyawo okulaba ebinaabangawo oluvannyuma lwe?#Mub 2:10; 10:14

Currently Selected:

Omubuulizi 3: LBR

Highlight

Copy

Compare