Luke 16
16
THE RICH MAN AND LAZARUS.
(Luke xvi. 19—31.)
19Yekorus sas barvalo moosh kon sas rido adré lolo poχtan ta yoki rivoben ta hodás kooshko hoben sórkon divusáw. 20Sas mongamengro tei. O nav see lesti Lazarus. Yov sas chido kater o wooda sor naflo ta pordo o' wafedo tanaw. 21Yov pootchdás o barvalo gairo to mook yov lei o bito kotoré o' mauro so pedás talé o barvalo gairo's misali. Jookels vián tei ta kossadé Iesko wafedo tanáw opré lesti.
22O mongamengro merdás, ta yek o' mi Doovel's tatcho gairĂ© liás-les adrĂ© Abraham's berk adrĂ© mi Duvelesko term. O barvalo moosh merdás tei, ta yov sas poorasto. 23Kanna yov sas adrĂ© o Bengesko tan, yov sas dookÂ-adno ta diktás Abraham doovorĂ adrĂ© mi Duvelesko tem, ta diktás Lazarus adrĂ© Iesko berk.
24O Barvalo moosh rovdás ta pendás, “Méero dad, Abraham! Te wel tooti komoben opré mandi ta bitcher Lazarus te chiv Iesko nei adré paani ta kel meero chib shilalo. Shom dosta dookadno adré kova yog.” 25Abraham pendás, “Chor! Kek bisser too? Adré teero meripen ta liás (lián) kooshti kola, pensa Lazarus liás wafedo kola. Kenáw yov see kedo mishto ta too shan dookadno. 26Ta, posh-rig sor dula kola, bauro hev see chido posh drom o' mendi ta tooti, jaw dula gairé so komena te jal avrà mi Duvelesko tem kater tooti odoi nastissa, ta dula gairé so komena te wei avrà o bengesko tan akéi nastissa.”
27O barvalo moosh pendás, “Kair mandi dova koshto, Dad, te bitcher Lazarus kater meero dadesko kair. 28Pansh palaw see mandi. Mook Lazarus pooker lendi. Trashova yon wena akéi adré kova wafedo bengesko tan.”
29Abraham penela kater lesti, “Moses ta waveré bauro rokeromengri see lendi. Mook ti palaw shoon kater lendi.”
30O barvalo moosh pendás, “Kek, dad Abraham. Sar yek moosh ghiás kater lendi avrà o mulo tem yon kerena mishto.”
31Abraham pendás. “Sar kek shoonena Moses ta o waveré bauro rokeromengri, yon kek nanéi patserena sar yek moosh avela kater lendi avrà o mulo tern.”
Currently Selected:
Luke 16: ARBOS
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
