Psalms 143
143
Aŋaiyyun Ikayuquvluni
Psalm aglaaŋa David-gum.
1Ataniiq, tusaagguuŋ aŋaiyyutiga!
Nalaunŋaruaguniġni naalaġniuŋ qiññuaqtuutiga;
kiuŋŋa tuniqsimasuuruatiin!
2 #
Ro 3.20; Ga 2.16. Uvaŋa kivgaġiran isivġiqsaupkaġnaŋa;
qanukkii kiñaunnii iñuuruaq nalaunŋaruaguŋitchuq sivuġaġni.
3Akiḷḷiima ivaqtuaġaanŋa
suli suksraunġipiallakługu iñuggutiga.
Taaqtuamun tigutaaġvigmuŋagaanŋa,
Irrusiñiŋaruŋa iŋiḷġaan tuquŋaruatun.
4Tavraasii ilitqusiġa sayaksraipiallaŋaruq uvamni;
Qanuqsausiipiallaŋaruŋa.
5Itqaumagitka ipkua qaŋauvlugu uvlut qaaŋiŋaruat;
Isumalaaġutigigitka supayaat ilvich savaaġiŋaratin,
Itqaumagivlugiḷḷu argakpich iñiqtaġiŋaraŋich.
6Isaaġutigitka argatka iliŋnun;
paliumaruatun nunatun iḷitqusiġa imiġuktuq iliŋniñ.
7Akkupak kiuŋŋa, Ataniiq!
Niġiukkutaiġruiññaqtuŋa.
Iriqsimanak uvamniñ,
Iḷḷativiaqtuŋa tuquŋaruanun.
8Iḷisimapkaġuŋ uvlaatuaġman ataramik nakuaqqutin ittuaq,
qanukkii ukpiġigikpiñ.
Aŋaiyyutiqaqtuaqtuŋa iliŋnun;
iḷisautiŋŋa iglauyaaksramnik.
9Annautiŋŋa akiḷḷiimniñ Ataniiq;
qimagaqtuŋa iliŋnun iriqsimatquvluŋa.
10Iḷisautiŋŋa pisuutignik;
qanuq ilvich God-igigikpiñ.
Ilitqusiḷḷuataqpich aullatiliŋa anayanaitchuakun apqutikun.
11Atqiñ pisigilugu Ataniiq, iñuupkaŋŋa;
nalaunŋaruaguniġni ilitqusiġa pilluktirruŋ pimaqłuunmiñ!
12Nakuaqqutin pisigilugu uvamnun, tuqutkich akiḷḷiitka
suksraunġiġḷugiḷḷu iluqaisa nagliksaaqtitchiruat uvamnik,
kivgaġigiŋmakii uvaŋa.
Currently Selected:
Psalms 143: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
