Psalms 140
140
Aŋaiyyun Munaġitquvluni
Atuqtit aullarriŋannun. Psalm aglaaŋa David-gum.
1Annautiŋŋa, Ataniiq, pigiiḷḷiqirauruaniñ;
anayanniuqtinnaŋa piaqłuktaġuuruaniñ iñugniñ,
2sivunniuġuurut qanuq pigiiḷḷiqiaksramignik,
ataramik uqaviḷugaqtut qanaaġutiksranik.
3 #
Ro 3.13. Uqaŋich irrusiqaqtut nimiġiatun tuqunaliktun;
uqaluŋich tuqunaliktun ittut.
4Munaġiŋŋa, Ataniiq, suaŋŋataanniñ pigiiḷḷiqirauruat;
anayanniuqtinnaŋa piaqłuktaġuuruaniñ iñugniñ
sivunniŋaruaniñ ulġutchukłuŋa.
5Kamanniraaġuuruat nigatchialiqsuiŋarut, nigaġuqłuŋa;
kuvraġukłuŋa isivinŋagaich kuvratiŋ,
naniġialiqsuŋarut iglauyaamnun naniqtaġisukłuŋa.
6Uqallaktuŋa Ataniġmun, “Ilvich God-igigikpiñ.”
Tusaallagniaġuŋ qirratiga ikayuquvluŋa, Ataniiq!
7Qutchigñiqsrauruatiin Ataniiq, suamaruaq annaurriga,
matummisuugiñ niaquġa aŋuyaktuani.
8Ataniiq, piqaqtinnagich pisuktaŋiññik pigiiḷḷiqirauruat;
sivunniuġutiŋich akimapkaġnagich.
9Avatkaanŋa kamanniraaqhutiŋ;
sivuuġasaaġutiŋich iliŋiññun utiġlich.
10Ikualaruat aluat kataglich iliŋiññun;
miḷuqsautilich igniġmun salumaitchuanun iḷuqsranun, makitqikkumiñaiġḷugich.
11Saglunik uqautikłiġuuruat inillaktauŋiḷḷich nunami;
pigiitchuam akiisilligich iñuich suksraunġiġḷugiḷḷu.
12Ataniiq, iḷisimaruŋa ikayuġuugitin piqaqtuksrauruat
suli ikayuqługich iḷiappauruat.
13Nalaunŋarualiqirauruat iḷumutun nanġaġniaġaatin;
iñuuniaqtut nayuġlutin.
Currently Selected:
Psalms 140: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
