Proverbs 5

Siḷġiqsuutit Allatuġnikun

1Miqłiqtuuŋ, nipuŋaitchiñ naalaġniḷutillu isumattutimnun suli kaŋiqsimmatimnun. 2Aasii iḷisimalutin qanuq iluatun iñuuniaqtilaaġnik, suli uqaluktin iḷisimanaġniaqtut iḷitchiŋatilaaġnik. 3Qaqłuuk alatuqtuam aġnam kutittuq honey-tun suli uqaluŋa piaktuq olive uqsruŋatun, 4aglaan aquani, unitchiñiaġaatin uumiḷuqruunmik anniġñaunmiglu. 5Anmuutiniaġaatin nunaŋanun tuquŋaruat; pisuaġviŋa apqutauruq tuqqunmun. 6Iglauŋitchuq apqutikun iñuggunmun; aglaan sugnamulliqaaqtuq suli naluruq suliqitilaamiñik.

7Naalaġnisiñŋa, iġñiġuruasii, suli piiguġnasi uqalumnik. 8Tainnasimiñ aġnamiñ nayuutinak! Qalliñaguunnii igluata upkuaŋa! 9Tainna piguvich, allat piññaqtaaġiniaġaat nanġausiaq pikkaluan aasii tuquniaġtutin nutaġaulutin argaŋiññin nagliksraitchuaniñ. 10Ii, naluraqpich suġauttaiġñiaġaatin, aasii savaaġiqpaŋaratin allat piginiaġai. 11Nalaniaqtutin nagliqsaaġutin tuquaqsiguvich, timiñ auluni, 12aasii uqallagniaqtutin, “Summan imña iḷitchiŋaitpik? Summan imña iluaqsruqtinŋaitchuami? 13Naalaġnisuŋił̣ł̣ugi iḷisaurritka. Suliqutigiŋaitkitka. 14Tavraŋŋatchiaqaasiuvva kanŋunaqtuamiitkaqsivḷuŋa iñuich saaŋanni.”

15Iviġagilugu kisian nulian imiqsraġmatun imiġmik nivviagniñ. 16Suli kuuġuluuratun innak sumin kiñaliqaa aġnaq imiġuuminaqtuaq. 17Munaġilutin ilignik nuliagnun suli nallaqasiġnak allanik aġnanik. 18Tavraasii quviasuuttaġiuŋ tuvaaqatin suli quviagilugu aġnaq tuvaaqasiutiran— 19aġnaġiksuaġlu pił̣ł̣aktaŋitchuaġlu. Ilaan quviasuktinniaġaatin; avallutin nakuaqqutimiñik. 20Iġñiiŋ, summan alla aġnaq nakuaġiniaqpiuŋ? Summan piyumaginiaqpiuŋ allam aŋutim tuvaaqataa? 21Atanġum qiñiġaa iñuk suliqipayaaġman. Sumupayaaġman qiñiqtuaġaa. 22Piḷuutiŋich pigiiliqiruam naniġiagurut. Kuvraqtittuatun ittut piḷuusiqiamiġnun. 23Tuqusuurut qanukkii inmignun qaunakłaaŋitchut. Iliŋisa qaunakłaaŋiññiŋisa maqunniaġaich.

Currently Selected:

Proverbs 5: INUPIAQ

Highlight

Copy

Want to have your highlights saved across all your devices? Sign up or sign in

Iñupiatun Mumiksat Uqalugiksuat (North Slope Iñupiaq Bible) © American Bible Society.

Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:

American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

Learn More About Iñupiatun Mumiksat Uqalugiksuat